完整藏文原文 · 德格版页 当前仅加载第 80 函德格 154b 版页；藏文 NFD、目录标记与异常页序保留在来源切片中，重复版页行以稳定序号区分。
ཀླུ་དང་སྦྲུལ་དེ་དག་གིས་ཤ་ལི་ཀ་ལ་འདི་སྐད་གསོལ་ཏོ། །ཀྱཻ་ཤ་ལི་ཀ་གཞན་དུ་གསུང་བར་མ་མཛད་ཅིག །དེ་ལྟར་ཐོས་ནས་ཤ་ལི་ཀ་མགུ་བའི་སེམས་ཀྱིས་དུག་གིས་ཟིན་པའི་མདུན་དུ་སྦྲུལ་ལོང་བ་ཁྱེར་ཏེ་འཇོག་གོ། །དེ་ནས་སློབ་དཔོན་གྱིས་བལྟས་ཏེ། སའི་གོང་བུ་བླངས་
D424.080.0154b01.01ལ་ཤ་ལི་ཀ་མངག་པའི་སྔགས་ཀྱིས་སྦྲུལ་ལོང་བ་ལ་བསྣུན་ན། །སྐད་ཅིག་དེ་ཉིད་ལ་དེའི་མིག་འབྱེ་བར་འདིར་སོམ་ཉི་མེད་དོ། །དུས་སུ་ཟིན་པ་འབྱེལ་ཏེ་ཤི་བ་སྦྲུལ་གྱིས་མཐོང་ནས་དེའི་ལུས་ལ་འགྲོ་བ་དང་འོང་བར་བྱེད་པས་དུས་སུ་ཟིན་པ་དུག་མེད་པར་འགྱུར་ཞིང་། དགའ་བའི་སེམས་
D424.080.0154b02.01ཀྱིས་ལྡང་ངོ་། །ཟིན་པ་ལངས་པ་ཙམ་ཉིད་ན་ཤ་ལི་ཀས་སྦྲུལ་བཟུང་སྟེ་མི་སྣང་བར་འགྱུར་རོ། །སྐད་ཅིག་མ་དེ་ཉིད་ལ་སློབ་དཔོན་གྱིས་སྟོང་པ་ཉིད་ཀྱི་ཡེ་ཤེས་བསྒོམ་པར་བྱའོ། །སྟོང་པ་དྲི་མེད་ཀུན་རང་བཞིན། །ཆོས་རྣམས་སྟོང་པའི་རང་བཞིན་ཀྱཻ། །གང་གིས་འཛིན་ཅིང་
D424.080.0154b03.01གང་ཞིག་འཛིན། །མཐའ་དག་སྒྱུ་མའི་རང་བཞིན་ཀྱཻ། །དངོས་པོ་མ་ལུས་པ་མཐའ་དག་དང་དུག་ཀྱང་སྟོང་པ་ཉིད་དུ་སངས་རྒྱས་ཐོད་པའི་རྒྱུད་ལས་གསུངས་ཏེ། ཞག་ཉི་ཤུ་རྩ་གཅིག་གི་མཐར་ཐུག་པར་ཇི་སྲིད་དུ་ལུས་མ་ཞིག་པ་དེ་སྲིད་དུ་སློབ་དཔོན་གྱིས་ཡང་དག་པར་བརྩམ་པར་
D424.080.0154b04.01བྱའོ། །དེ་ལྟར་སློབ་མ་ལ་རྗེས་སུ་གནང་བ་བྱིན་ནས་ཕྱིས་ལུང་བསྟན་པར་བྱའོ། །དེས་ལན་བརྒྱ་འམ་སྟོང་དུ་གསོལ་བ་བཏབ་ནས། དུག་འཇོམས་པའི་སྔགས་བསྟན་པར་བྱའོ། །ཨོྃ་བུདྡྷ་ཀ་པཱ་ལི་ནི་ཨ་ཧཱུྃ། །དུག་བཟའ་བའི་སྔགས་སོ། །དེ་ནས་གཞན་ཡང་དོན་དུ་
D424.080.0154b05.01གཉེར་བའི་སེམས་ཅན་དེ་རྣམས་ཐམས་ཅད་ལ་དཀྱིལ་འཁོར་བསྟན་ཏེ། དུང་ཕོར་གྱི་ཆུ་འཐུངས་པ་དེས་ན་དུག་མེད་པར་འགྱུར་ཏེ། སྦྲུལ་གྱིས་མི་འཛིན་ནོ། །གལ་ཏེ་འཛིན་ན་དེའི་ཚེ་ཀླུ་འཆི་བར་འདིར་ཐེ་ཚོམ་མེད་དོ། །དེ་ལྟར་སློབ་མ་ཤ་ལི་ཀའི་སྦྱོར་བ་ལ་མངོན་པར་བརྩོན་པ་ལ་
D424.080.0154b06.01བཀས་གནང་བ་བྱིན་ཏེ། གྲོང་གང་དུ་གནས་པ་དེར་དུག་གིས་འཛིན་པ་མེད་དོ། །གལ་ཏེ་ཡོད་ན་དེའི་ཚེ་ཀླུ་འཆི་བར་འགྱུར་རོ། །དེ་ལྟར་ཐོས་ནས་སློབ་མ་རྡོ་རྗེའི་སྦྱོར་བ་དང་ལྡན་པའི་སེམས་ཀྱིས་གང་ཅི་ཡང་རུང་བའི་ཡོན་དེར་དབུལ་བར་བྱའོ། །དེ་ནས་ཕྱི་རོལ་གྱི་སར་བྱུང་
D424.080.0154b07.01