完整藏文原文 · 德格版页 当前仅加载第 80 函德格 145b 版页；藏文 NFD、目录标记与异常页序保留在来源切片中，重复版页行以稳定序号区分。
ཀྱི་རྣལ་འབྱོར་མ་རྣམས་དགའ་བའི་སྤྱན་གདངས་ནས་སྣ་ཚོགས་སྡེ་མ་ལ་ཡང་དང་ཡང་དུ་བཏུད་དེ། འདི་ལྟར་གསོལ་ཏོ། །ཨེ་མའོ། །སྣ་ཚོགས་སྡེ་མ་རྣལ་འབྱོར་མ། །སེམས་ཅན་ཀུན་ལ་བདེ་འབབ་མ། །གླེགས་བམ་དོན་དང་ལྡན་གང་ཞིག །དེ་ཀུན་སངས་རྒྱས་བྱིན་
D424.080.0145b01.01བརླབས་བཤད། །དེ་ནས་ཕྱག་ན་རྡོ་རྗེའི་ཕྱག་གཉིས་གླང་པོ་ཆེའི་ལག་པ་ལྟར་རབ་ཏུ་བརྐྱང་སྟེ་གླེགས་བམ་ཡང་དག་པར་བླངས་སོ། །དེ་ནས་སངས་རྒྱས་ཀྱི་བྱིན་གྱི་རླབས་ཀྱིས་ཕྱག་རྒྱ་ཆེན་པོའི་རྡོ་རྗེའི་གནས་སུ་དོན་དང་བཅས་པའི་གཞུང་ཞུ་བར་གྱུར་ཏོ། །ཕྱག་ན་རྡོ་རྗེའི་
D424.080.0145b02.01སྙིང་ག་ནས་བྱུང་སྟེ། སྣ་ཚོགས་སྡེ་མའི་ཐུགས་སུ་ངལ་སོས་སོ། །དེ་ནས་ཕྱག་ན་རྡོ་རྗེ་གནོད་སྦྱིན་གྱི་བདག་པོ་ཆེན་པོས་རྣལ་འབྱོར་མ་ཆེན་མོ་ལ་འདི་ལྟར་གསོལ་ཏོ། །སྔགས་ཀྱི་བཟླས་པ་གང་ཞིག་ལགས། །ལས་ཀྱི་ཚོགས་རྣམས་ཇི་ལྟར་འགྲུབ། །སྔོན་དུ་བསྙེན་
D424.080.0145b03.01པ་གང་ཞིག་ལགས། །མཁའ་ལྡིང་འགྲུབ་པའི་ངེས་པ་གང་། །དངུལ་ཆུ་བཅུད་ལེན་སྣ་ཚོགས་པ། །དངོས་གྲུབ་སྟེར་བྱེད་གང་ཞིག་ལགས། །སྤར་དང་མནན་པ་གང་གསུངས་དང་། །དུས་དང་བྱ་བའི་ངེས་བཅས་དང་། །དངོས་གྲུབ་ཐོབ་དུས་གང་ཞིག་ལགས། །
D424.080.0145b04.01སངས་རྒྱས་ཇི་ལྟ་བུ་རུ་བརྗོད། །དེ་བཞིན་ཐོད་པ་ཇི་ལྟ་བུ། །སྦྱོར་དང་ལྡན་པའི་ཇི་ལྟ་བུ། །སྣ་ཚོགས་སྡེ་མའང་ཇི་ལྟ་བུ། །ཐེག་པ་ཆེན་པོ་ཇི་ལྟ་བུ། །རྣལ་འབྱོར་མ་ཡི་རྣམ་ངེས་ཅི། །གསུངས་པ། རྒྱུད་འདིར་སྔོན་དུ་བསྙེན་པ་མེད། །དེ་བཞིན་ཡུལ་དང་དུས་
D424.080.0145b05.01ཚེས་དང་། །གཟའ་དང་རྒྱུ་སྐར་སྦྱོར་མེད་པ། །བློ་དང་ལྡན་པས་རྟག་ཏུ་བསྟེན། །དུས་དང་བྱ་བའི་ངེས་མི་བྱ། །སངས་རྒྱས་ཐོད་པའི་སྦྱོར་བ་ཡིས། །ཐོས་པ་ཙམ་གྱིས་འགྲུབ་པར་འགྱུར། །སངས་རྒྱས་རྡོ་རྗེ་ཞེས་སུ་གསུངས། །ཐོད་པ་གྲུ་གསུམ་ཡང་དག་འབྱུང་། །
D424.080.0145b06.01སྦྱོར་བ་གསང་བར་གནས་པའི་རྩ། །དེ་ཡི་སྣ་ཚོགས་ངོ་མཚར་བྱེད། །སྡེ་ནི་བདེ་ཆེན་ཡེ་ཤེས་སོ། །འདི་ཉིད་ཐེག་པ་ཆེན་པོ་སྟེ། །རྣལ་འབྱོར་མ་ཡི་རྩ་ལས་བྱུང་། །དེ་ནི་རྨད་བྱུང་ཆེ་མཆོག་སྟེ། །སངས་རྒྱས་ཐོད་པའི་སྦྱོར་བ་ཉིད། །དེ་ཉིད་ཧེ་རུ་ཀ་དཔའ་བོ། །
D424.080.0145b07.01