完整藏文原文 · 德格版页 当前仅加载第 80 函德格 166a 版页；藏文 NFD、目录标记与异常页序保留在来源切片中，重复版页行以稳定序号区分。
ཆེར་སྟེར་བྱེད། །རྣལ་འབྱོར་བ་ཡིས་དེ་མཆོད་ན། །འདོད་པ་རྣམས་ཀྱིས་གོས་མི་འགྱུར། །ཕྲག་དོག་ལ་སོགས་ཀྱིས་སྦགས་ཀྱང་། །དེ་ལ་ཉེས་པས་གནོད་པ་མེད། །རྣལ་འབྱོར་པ་ཡི་མཆོག་དེ་ཉིད། །སྲིང་བའི་ཉེས་པས་གོས་མི་འགྱུར། །
D424.080.0166a01.01ཇི་སྲིད་ཁམས་ནི་ཕྱི་མི་གསོར། །སངས་རྒྱས་སྐུ་སྲིད་སྡིག་དང་བྲལ། །བྱང་ཆུབ་སེམས་ནི་འཛག་མེད་པ། །གང་ཚེ་ཕུན་སུམ་ཚོགས་པའི་ཤིང་། །སངས་རྒྱས་ཐོད་པ་ཞེས་བྱ་བའི་རྣལ་འབྱོར་མའི་རྒྱུད་བླ་ན་མེད་པ་གསང་བའི་ཡང་ཤིན་ཏུ་གསང་བ་ལས་སེམས་རྣམ་
D424.080.0166a02.01པར་དག་པའི་ལེའུ་སྟེ་བཅུ་གསུམ་པའོ།། །།དེ་ནས་ཡང་དག་རབ་བཤད་པ། །སྣ་ཚོགས་སྡེ་མས་བསྔགས་པའི་ལེའུ། །དེ་ལྟར་ཕྱག་ན་རྡོ་རྗེ་ལ་སོགས་པའི་བྱང་ཆུབ་སེམས་དཔའ་རྣམས་དང་། རི་རབ་ཀྱི་རྡུལ་ཕྲ་རབ་སྙེད་དང་མཚུངས་པའི་རྣལ་འབྱོར་
D424.080.0166a03.01བ་རྣམས་སྤྱན་དྲངས་ཤིང་མགུ་བའི་སེམས་ཀྱིས་སྣ་ཚོགས་སྡེ་མ་ལ་བཏུད་དེ་བསྟོད་པ། །ཨེ་མའོ་བཅོམ་ལྡན་འདས་ལྷ་མོ། །སངས་རྒྱས་ཐམས་ཅད་སྐྱེད་བྱེད་མ། །དཔལ་དང་གྲགས་པ་ཆེ་ཞིང་འཇིགས། །སེམས་ཅན་ཀུན་ལ་ཕན་མཛད་མ། །ལྷ་མོ་
D424.080.0166a04.01སྙིང་རྗེ་ཆེ་ལྡན་མ། །ཕྱག་རྒྱ་ཆེན་པོ་བློ་ཆེན་མ། །དོན་ཆེན་འབྲས་བུ་སྟོན་མཛད་མ། །སངས་རྒྱས་ཐོད་པ་ཡི་ནི་རྒྱུད། །རྡོ་རྗེ་འཆང་གིས་སྦས་པ་དང་། །སངས་རྒྱས་རྣམས་ཀྱིས་མ་གསུངས་ཤིང་། །བྱང་ཆུབ་སེམས་དཔའི་ཡུལ་མིན་པ། །གསུང་གཅིག་གིས་
D424.080.0166a05.01ནི་གསལ་མཛད་དེ། །དེ་ནི་ལྷ་མོ་ཁྱོད་ཀྱིས་གསུངས། །ཨེ་མའོ་སྣོད་ཆེན་ལྷ་མོ་ཁྱོད། །རྣལ་འབྱོར་མ་ཀུན་བསྡུས་བྱས་པ། །དེ་བཞིན་གཤེགས་ཀུན་ཡུལ་མིན་པ། །རྙེད་དཀའི་དངོས་གྲུབ་གང་ཡིན་པ། །དེ་ནི་ལྷ་མོས་གསལ་བར་མཛོད། །གསུངས་པ། རྣལ་
D424.080.0166a06.01འབྱོར་མ་ནི་ཐམས་ཅད་ཉོན། །བྱང་ཆུབ་སེམས་དཔའ་ཐམས་ཅད་དང་། །འདོད་ཆགས་བྲལ་དང་བདག་ཆེན་ཉོན། །སངས་རྒྱས་དེ་བཞིན་གཤེགས་པ་ཉོན། །ཀླུ་དང་ལྷར་བཅས་མི་རྣམས་ཉོན། །རྒྱུད་རྒྱལ་འདི་ནི་བཀླགས་ཙམ་གྱིས། །བསོད་ནམས་གང་ཡིན་
D424.080.0166a07.01