完整藏文原文 · 德格版页 当前仅加载第 80 函德格 149a 版页；藏文 NFD、目录标记与异常页序保留在来源切片中，重复版页行以稳定序号区分。
འཁོར་ལོ་ཐམས་ཅད་ལ། །རེག་མ་ཐག་པའི་མོད་ལ་ནི། །རྩ་བའི་འཁོར་ལོ་ལས་འབབ་འགྱུར། །ཞུ་བདེ་ཡིས་ས་བོན་བཀྲུ། །ཧཱུྃ་གྱུར་པ་ལས་རྡོ་རྗེ་སྟེ། །དབུས་སུ་དེ་ཉིད་ཀྱིས་བྱིན་བརླབས། །ས་བོན་རྡོ་རྗེ་ལས་བྱུང་བ། །དཔའ་བོ་ཁྲག་འཐུང་
D424.080.0149a01.01མདོག་སྔོན་པོ། །ཞལ་གཅིག་པ་ལ་ཕྱག་བཞི་པ། །གཙོ་བོ་ཧཱུྃ་ཞེས་འདོན་པ་སྟེ། །སྐྱིལ་ཀྲུང་ཕྱེ་པའི་གར་གྱིས་གནས། །གཉི་གའང་ཁྲོ་བའི་བདག་ཉིད་ཅན། །སྟག་གི་པགས་པའི་ན་བཟའ་མནབས། །མགོ་བོ་རློན་པའི་ཕྲེང་བ་འཆང་། །བསྲེགས་སུ་མཆོད་ཕྱིར་
D424.080.0149a02.01ཐོགས་པ་ཡི། །ཤིན་ཏུ་བཞད་པས་འཇིགས་ཆེ་བའི། །གཙོ་བོ་སྙིང་རྗེའི་བདག་ཉིད་བལྟ། །དཔུང་རྒྱན་མགུལ་དོ་འཁོར་གདུབ་དང་། །གཅེར་བུ་རུས་པའི་སྐ་རགས་འཆང་། །གཡེར་ཀར་བཅས་པའི་རྐང་གདུབ་ཅན། །མ་ལུས་བདུད་རྣམས་འཇོམས་པར་བྱེད། །
D424.080.0149a03.01རལ་པའི་ཅོད་པན་ཡང་དག་ལྡན། །སངས་རྒྱས་རྣམ་པ་ལྔ་ཡིས་བརྒྱན། །ཟླ་བ་ཕྱེད་པ་འཛིན་པའི་ལྷ། །དབུ་ལ་སྣ་ཚོགས་རྡོ་རྗེས་མཚན། །འཁོར་ལོ་རྣ་ཆ་གདུ་བུ་དང་། །ཕྱག་རྒྱ་རྣམ་པ་ལྔ་ཡིས་མཚན། །ཐལ་བའི་རྡུལ་ཅན་འཇིགས་པར་བྱེད། །ཐོད་པ་གཏི་མུག་
D424.080.0149a04.01གིས་བརྒྱན་པའི། །དཔའ་བོ་འཁོར་བ་སྒྲོལ་བྱེད་པ། །བྱང་ཆུབ་ས་བོན་རང་བཞིན་ནོ། །གཙོ་ཆེན་དེ་ཡི་ཤེས་རབ་མ། །སྣ་ཚོགས་སྡེ་མ་རྣལ་འབྱོར་མ། །གཅེར་བུ་མགོ་བོའི་ཕྲེང་བ་སྤངས། །རྒྱན་མེད་མཆོད་ཕྱིར་ཐོགས་མེད་མ། །བདེ་བ་ཀུན་གྱི་གཟུགས་ཅན་མ། །ཕྱག་གཉིས་
D424.080.0149a05.01སྐྲ་ནི་གྲོལ་བ་མོ། །ཧེ་རུ་ཀ་ལ་འཁྱུད་གནས་མ། །དེ་ལྟར་ཕ་རོལ་ཕྱིན་ལྷ་མོ། །ཁ་དོག་དམར་པོ་རྣམ་གསལ་མ། །ཞལ་ནི་ཤིན་ཏུ་རྣམ་འགྱུར་བ། །ཅུང་ཟད་མཆེ་བ་གཙིགས་འཇིགས་མ། །གཡས་ན་ཅང་ཏེའུ་གྲི་གུག་སྟེ། །གཡོན་ན་ཁ་ཊྭཱཾ་ཐོད་པའོ། །རང་གི་ལུས་
D424.080.0149a06.01སྐྱེས་འོད་ཟེར་གྱིས། །རྩ་ཡི་འཁོར་ལོ་བསྐུལ་བར་བྱ། །དེ་ཡིས་བསྐུལ་བ་ཙམ་གྱིས་ནི། །རྩ་ཡི་འཁོར་ལོའི་རང་བཞིན་ལས། །འཛག་འགྱུར་འདིར་ནི་ཐེ་ཚོམ་མེད། །འཛག་པ་དེ་ལས་རྣལ་འབྱོར་མ། །བརྒྱད་པོ་བུ་མོ་རྣམས་ཀྱི་མཆོག །མཆོད་པ་སྣ་ཚོགས་
D424.080.0149a07.01