完整藏文原文 · 德格版页 当前仅加载第 80 函德格 153a 版页；藏文 NFD、目录标记与异常页序保留在来源切片中，重复版页行以稳定序号区分。
བུམ་པ་རྣམས་ལ་ལྷག་གནས་བྱ། །ཁྲག་འཐུང་གོ་འཕང་གནས་པ་ཡིས། །རྣལ་འབྱོར་མ་བརྒྱད་བསྐོར་བ་ཡི། །ཁྲག་འཐུང་རྣམ་པར་སྤྱན་དྲངས་ཏེ། །དཀྱིལ་འཁོར་ཇི་བཞིན་ཡང་དག་ལྡན། །མདོག་དང་མཚན་མར་ལྡན་པ་ཡི། །དེ་བཞིན་གཤེགས་
D424.080.0153a01.01རྣམས་ས་བོན་གྱི། །འོད་ཟེར་གྱིས་ནི་རྣམ་པར་བསམ། །བདག་ཉིད་ཆེན་པོ་གྲགས་ཆེན་པོ། །བུམ་པ་རུ་ནི་ཞུགས་ཙམ་གྱིས། །དམ་ཚིག་དཀྱིལ་འཁོར་ཞུ་བར་འགྱུར། །རྣལ་འབྱོར་ལྡན་པའི་སེམས་དང་ནི། །སློབ་དཔོན་གྱིས་ནི་འདི་ལྟར་བལྟ། །དེ་ནས་ཟངས་
D424.080.0153a02.01མའི་སྣོད་དུ་ཆུ་བླུགས་ཤིང་དུང་ཕོར་ཆུས་བཀང་སྟེ། །མནྫིའི་སྟེང་དུ་གཞག་པར་བྱའོ། །ཡང་ཕྱིར་བྱུང་ནས་སློབ་མའི་དོན་དུ་བདག་ཉིད་ཀྱིས་རས་ཀྱིས་མིག་དགབ་པར་བྱའོ། །རས་གསུམ་གོན་པར་གྱུར་པའི་སློབ་མ་ཕྱིས་དཀྱིལ་འཁོར་གྱི་སྒོར་བཞག་ལ་ཆུས་གཏོར་ཏེ་སྔགས་
D424.080.0153a03.01བཟླའོ། །ཨབྷིཥིཉྩ་ནྷུ་མཱཾ་སརྦ་ཡོ་གི་ནི་མ་ཀུ་ཏོ་ཨ་ཏྲ་ཨ་ཏིཥྛ་ཡནྟུ། ཨ་ཙནྟུ་ཧཱུྃ་སྭཱ་ཧཱ། ཅོད་པན་བྱིན་གྱིས་བརླབ་པའི་སྔགས་སོ། །དེ་ནས་སློབ་དཔོན་གྱིས་ཀྱཻ་ཁྱོད་སུ་ཞེས་སྨྲའོ། །སློབ་མས་བདག་ནི་རྒྱལ་བའི་སྲས་ཞེས་སྨྲའོ། །དེའི་རྗེས་སུ་དཀྱིལ་འཁོར་གྱི་དབུས་
D424.080.0153a04.01སུ་མེ་ཏོག་ལན་གསུམ་དུ་གཏོར་ལ། མིག་རས་བསལ་ཏེ། དཀྱིལ་འཁོར་མཆོད་པར་བྱའོ། །ཨོྃ་ཧེ་རུ་ཀ་བཛྲ་བུཥྤ་ཡཾ་པྲ་ཏཱི་ཙྪ་ཧཱུྃ། དབུས་སུའོ། །ཨོྃ་ཅི་ཏྲ་སེ་ནཱ་པུཥྤ་ཡཾ་པྲ་ཏཱིཙྪ་ཧཱུྃ། ཤར་དུའོ། །ཨོྃ་ཀཱ་མི་ནཱི་པུཥྤ་ཡཾ་པྲ་ཏཱི་ཙྪ་ཧཱུྃ། ལྷོའི་འོ། །ཨོྃ་པཱ་ཏཱ་ལ་བཱ་སི་ཞི་པུཥྤ་ཡཾ་པྲ་
D424.080.0153a05.01ཏཱི་ཙྪ་ཧཱུྃ། ནུབ་ཏུའོ། །ཨོྃ་སུ་བྷ་དྲེ་པུཥྤ་ཡཾ་པྲ་ཏཱིཙྪ་ཧཱུྃ། བྱང་དུའོ། །ཨོྃ་ཤོ་ཎྞི་ནི་པུཥྤ་ཡཾ་པྲ་ཏཱི་ཙྪ་ཧཱུྃ། མེར་རོ། །ཨོྃ་བུདྷཱི་ནི་པུཥྤ་པྲ་ཏཱི་ཙྪ་ཧཱུྃ། བདེན་བྲལ་དུའོ། །ཨོྃ་ཙ་ཏུ་ར་བྷ་དྲ་པུཥྤ་པྲ་ཏཱི་ཙྪ་ཧཱུྃ། རླུང་ངོ་། །ཨོྃ་ཨཱ་ཀཱ་ཤ་བཱ་སི་ནི་པུཥྤ་པྲ་ཏཱི་ཙྪ་ཧཱུྃ། དབང་ལྡན་དུའོ། །དེ་ནས་དཀྱིལ་
D424.080.0153a06.01འཁོར་གྱི་ལྷའི་སྐུ་མདོག་ཇི་ལྟ་བ་དང་། མཚན་མ་ལ་སོགས་པ་དེ་བཞིན་དུ་སློབ་མ་ལ་བསྟན་པར་བྱའོ། །ཡང་དུང་ཕོར་བླངས་ཏེ་ཆུ་བཏུང་བར་བྱའོ། །དེ་འཐུངས་པ་ཙམ་གྱིས་ཀླུ་ཐམས་ཅད་སྐྲག་ཅིང་སྐྱོ་བས་དུག་སྐྱུགས་པར་འགྱུར་རོ། །བརྟན་པ་དང་གཡོ་བའི་དུག་གང་ཡིན་པ་
D424.080.0153a07.01