完整藏文原文 · 德格版页 当前仅加载第 80 函德格 157b 版页；藏文 NFD、目录标记与异常页序保留在来源切片中，重复版页行以稳定序号区分。
ཀྱེ་སྟོན་པ་བླ་མ་ཆེ། །མགོན་པོ་ཁྱོད་ཀྱིས་བརྩེ་བར་མཛོད། །དེ་ལྟར་གསོལ་འདེབས་ཚིག་གསན་ནས། །དེ་རུ་བླ་མ་མི་གསུངས་བཞུགས། །མན་ངག་འདི་ཡི་ཆ་དག་ནི། །གླེགས་བམ་རྣམས་ལས་སྤྱོད་ཡུལ་མིན། །བླ་མའི་ཞལ་ལས་ཤེས་པར་བྱ། །དཀྱིལ་འཁོར་གང་ལ་
D424.080.0157b01.01གང་གིས་བརྒྱན། །མཚན་མའི་དོན་གཞན་གར་བཀོད་ཀྱེ། །སུ་ཡིས་སངས་རྒྱས་སྤྱན་དྲངས་ཀྱེ། །འགྲོ་བ་{བརྫུན་,རྫུན་}འདྲའི་སོམ་ཉིར་ལྷུང་། །མཐའ་དག་སྟོང་པ་གོས་མེད་ཀྱེ། །ཆུ་ནང་ཟླ་བ་ཅི་འདྲ་བ། །དེ་འདྲའི་དཀྱིལ་འཁོར་པད་དབུས་གནས། །ཀྱེ་ལགས་རྣལ་འབྱོར་
D424.080.0157b02.01མ་ཚོགས་ལྟོས། །དེར་ནི་ཧེ་རུ་ཀ་གཅིག་དང་། །ཐམས་ཅད་སྐྱེད་པར་བྱེད་པ་ཡིན། །འགྲོ་ཀུན་རྨི་ལམ་བསླུ་བས་ན། །གཏི་མུག་ལས་ནི་བསྐྱེད་པ་ལྟོས། །སངས་རྒྱས་ཐོད་པའི་རྒྱུད་རྣལ་འབྱོར་མའི་གོང་ན་མེད་པ་གསང་བའི་ཡང་ཤིན་ཏུ་གསང་བ་ལས་དཀྱིལ་འཁོར་
D424.080.0157b03.01འཇིགས་པ་བྲི་བ་དང་། སློབ་མ་དབང་བསྐུར་བའི་ལེའུ་སྟེ་དྲུག་པའོ།། །།དེ་ནས་ཡང་དག་རབ་བཤད་པ། །རི་དང་ཕུག་དང་ཚང་ཚིང་ངམ། །ཡང་ན་དུར་ཁྲོད་དག་ན་ནི། །གདོད་ནས་གྲུབ་པའི་གནས་སུའམ། །འོན་ཏེ་རྒྱ་མཚོའི་འགྲམ་དག་ཏུ། །ཕྱི་ཡི་དཀྱིལ་འཁོར་བླ་
D424.080.0157b04.01མེད་བྲི། །རྡུལ་ཚོན་སྔོན་པོ་ནི་རོ་བསྲེགས་པའི་སོལ་བ་ལས་བྱའོ། །རྡུལ་ཚོན་དམར་པོ་ནི་དུར་ཁྲོད་ཀྱི་སོ་ཕག་ལས་བྱའོ། །རྡུལ་ཚོན་ལྗང་ཁུ་ནི་ནིམ་པའི་འདབ་མ་ལས་བྱའོ། །རྡུལ་ཚོན་དཀར་པོ་ནི་མིའི་རུས་པའི་ཕྱེ་མ་ལས་བྱའོ། །རྡུལ་ཚོན་སེར་པོ་ནི་ཡུང་བའི་ཕྱེ་མ་ལས་བྱའོ། །དེ་ལྟར་
D424.080.0157b05.01རྡུལ་ཚོན་ལྔ་རྣམས་ཀྱིས། །མཁས་པས་དཀྱིལ་འཁོར་བྲི་བར་བྱ། །ཕོ་བྲང་རིགས་གསུམ་ཟླུམ་པོ་ལ། །རྡོ་རྗེ་གསུམ་གྱིས་ཡོངས་སུ་བསྐོར། །ཕྱི་རོལ་གྲུ་བཞི་ལྷམ་པ་ཡི། །སྒོ་བཞིར་རྟབ་བས་རྣམས་ཀྱིས་བརྒྱན། །བ་དན་རྣམ་པ་བཞི་ཡིས་བརྒྱན། །དྲ་བ་དྲ་བ་ཕྱེད་པས་
D424.080.0157b06.01སྤྲས། །ཕྱི་རོལ་ཁ་ཁྱེར་དག་པ་དང་། །རིན་ཆེན་ཕ་གུར་ཡང་དག་ལྡན། །པདྨ་ཉི་མ་ཉི་ཤུ་ལྔའི། །གདན་རྣམས་ཀྱིས་ནི་ཤིན་ཏུ་མཛེས། །དེ་ཡི་དབུས་ཆུད་ས་བོན་ནི། །ཡི་གེ་ཧཱུྃ་གི་རང་བཞིན་སྔོ། །སྐད་ཅིག་ཙམ་གྱིས་ཧེ་རུ་ཀ། །སྐུ་མདོག་སྔོན་པོ་གྲགས་ཆེན་པོ། །
D424.080.0157b07.01