完整藏文原文 · 德格版页 当前仅加载第 90 函德格 4a 版页；藏文 NFD、目录标记与异常页序保留在来源切片中，重复版页行以稳定序号区分。
བཅོམ་ལྡན་འདས་ཤཱཀྱ་ཐུབ་པ་འདི་ལྟར་ལོ་བརྒྱད་ཅུ་ཞིག་ཐུབ་སྟེ་སྐུ་ཚེ་ཐུང་བ་འདི་ཇི་ལྟ་བུ། འདི་ཅི་ཞིག་སྙམ་དུ་བསམ་པ་དེ་སེམས་ཤིང་འདུག་པར་གྱུར་ཏོ། །དེ་སངས་རྒྱས་བཅོམ་ལྡན་འདས་དེ་དག་གིས་དགོངས་ཤིང་མཁྱེན་བཞིན་དུ། བྱང་ཆུབ་སེམས་དཔའ་
D557.090.0004a01.01མཛེས་པའི་ཏོག་དེ་ལ་འདི་སྐད་ཅེས་བཀའ་སྩལ་ཏོ། །རིགས་ཀྱི་བུ་ཁྱོད་འདི་སྙམ་དུ། བཅོམ་ལྡན་འདས་ཤཱཀྱ་ཐུབ་པ་འདི་ལྟར་སྐུ་ཚེ་ཐུང་ངོ་སྙམ་དུ་མ་སེམས་ཤིག །དེ་ཅིའི་ཕྱིར་ཞེ་ན། རིགས་ཀྱི་བུ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་
D557.090.0004a02.01རྒྱས་རྣམས་མ་གཏོགས་པར། ལྷ་དང་བཅས་པའི་འཇིག་རྟེན་དང་། བདུད་དང་བཅས་པ་དང་། ཚངས་པ་དང་བཅས་པ་དང་། དགེ་སྦྱོང་དང་བྲམ་ཟེར་བཅས་པའི་སྐྱེ་དགུ་དང་། ལྷ་དང་མི་དང་ལྷ་མ་ཡིན་དུ་བཅས་པའི་ནང་ན། བཅོམ་ལྡན་འདས་དེ་བཞིན་གཤེགས་པ་ཤཱཀྱ་
D557.090.0004a03.01ཐུབ་པའི་སྐུ་ཚེའི་ཚད་ཀྱི་མཐའ། ཕྱི་མའི་མཐའི་མུའི་བར་དུ་ཡང་རྟོགས་པར་ནུས་པ་ངེད་ཀྱིས་སུ་ཡང་མ་མཐོང་ངོ་། །སངས་རྒྱས་བཅོམ་ལྡན་འདས་དེ་དག་གིས་དེ་བཞིན་གཤེགས་པའི་སྐུ་ཚེའི་ཚད་བཤད་པ་བརྗོད་མ་ཐག་ཏུ། དེ་ནས་དེའི་ཚེ་སངས་རྒྱས་ཀྱི་མཐུས་ལྷའི་བུ་འདོད་པ་ན་
D557.090.0004a04.01སྤྱོད་པ་རྣམས་དང་། གཟུགས་ན་སྤྱོད་པ་རྣམས་དང་། ཀླུ་དང་། གནོད་སྦྱིན་དང་། དྲི་ཟ་དང་། ལྷ་མ་ཡིན་དང་། ནམ་མཁའ་ལྡིང་དང་། མི་འམ་ཅི་དང་། ལྟོ་འཕྱེ་ཆེན་པོའི་བར་དག་དང་། བྱང་ཆུབ་སེམས་དཔའ་བྱེ་བ་ཁྲག་ཁྲིག་བརྒྱ་སྟོང་ཕྲག་དུ་མ་འདུས་ནས། བྱང་ཆུབ་
D557.090.0004a05.01སེམས་དཔའ་མཛེས་པའི་ཏོག་གི་ཁྱིམ་དེར་ལྷགས་སོ། །དེ་ནས་དེ་བཞིན་གཤེགས་པ་དེ་དག་གིས་ཐམས་ཅད་དང་ལྡན་པའི་འཁོར་དེ་ལ། བཅོམ་ལྡན་འདས་ཤཱཀྱ་ཐུབ་པའི་སྐུ་ཚེའི་ཚད་བཤད་པ་ཚིགས་སུ་བཅད་དེ་མདོར་བཀའ་སྩལ་པ། རྒྱ་མཚོའི་ཆུ་རྣམས་ཐམས་ཅད་ཀྱི། །
D557.090.0004a06.01ཐིགས་པ་དག་ནི་བགྲང་བར་ནུས། །ཤཱཀྱ་ཐུབ་པའི་སྐུ་ཚེའི་ཚད། །སུས་ཀྱང་བགྲང་བར་མི་ནུས་སོ། །རི་རབ་རྣམས་ནི་ཐམས་ཅད་ཀྱང་། །ཕྲ་རབ་རྡུལ་དུ་བགྲང་བར་ནུས། །ཤཱཀྱ་ཐུབ་པའི་སྐུ་ཚེའི་ཚད། །སུས་ཀྱང་བགྲང་བར་མི་ནུས་སོ། །ས་ལ་གང་དག་ཡོད་པ་ཡི། །
D557.090.0004a07.01