完整藏文原文 · 德格版页 当前仅加载第 90 函德格 25b 版页；藏文 NFD、目录标记与异常页序保留在来源切片中，重复版页行以稳定序号区分。
ཐམས་ཅད་ལས་ཡོངས་སུ་ཐར་བར་བགྱིད་འཚལ་བར་འགྱུར་ན། བཙུན་པ་བཅོམ་ལྡན་འདས་མིའི་རྒྱལ་པོ་དེས་གདོན་མི་འཚལ་བར་གསེར་འོད་དམ་པ་མདོ་སྡེའི་དབང་པོའི་རྒྱལ་པོ་འདི་མཉན་པར་བགྱི། དགེ་སློང་ངམ། དགེ་སློང་མའམ། དགེ་བསྙེན་ནམ། དགེ་བསྙེན་མ་མདོ་
D557.090.0025b01.01སྡེའི་དབང་པོའི་རྒྱལ་པོ་འཛིན་པ་དེ་དག་ལ་ཡང་བསྟི་སྟང་བགྱི། བླ་མར་བགྱི། རིམ་གྲོ་བགྱི། མཆོད་པ་བགྱི། བདག་ཅག་རྒྱལ་པོ་ཆེན་པོ་བཞི་དཔུང་དང་གཡོག་ཏུ་བཅས་པ་རྣམས་ཀྱང་ཆོས་མཉན་པའི་དགེ་བའི་རྩ་བ་བསགས་པ་འདི་དང་ཆོས་བདུད་རྩིའི་ཁུ་བ་འདིས་ཚིམ་
D557.090.0025b02.01པར་བགྱི། བདག་ཅག་གི་ལྷའི་ལུས་འདི་དག་གི་གཟི་ཆེན་པོ་ཡང་རྣམ་པར་འཕེལ་བར་བགྱིའོ། །དེ་ཅིའི་ཕྱིར་ཞེ་ན། བཙུན་པ་བཅོམ་ལྡན་འདས་མིའི་རྒྱལ་པོ་དེས་གདོན་མི་འཚལ་བར་གསེར་འོད་དམ་པ་མདོ་སྡེའི་དབང་པོའི་རྒྱལ་པོ་འདི་མཉན་པར་བགྱི་སྟེ། བཙུན་པ་བཅོམ་
D557.090.0025b03.01ལྡན་འདས་ཚངས་པའི་དབང་པོས་འཇིག་རྟེན་པ་དང་འཇིག་རྟེན་ལས་འདས་པའི་བསྟན་བཅོས་རྣམ་པ་སྣ་ཚོགས་ཇི་སྙེད་བསྟན་པ་དག་དང་། ལྷའི་དབང་པོ་བརྒྱ་བྱིན་གྱིས་བསྟན་བཅོས་རྣམ་པ་སྣ་ཚོགས་ཇི་སྙེད་བསྟན་པ་དག་དང་། དྲང་སྲོང་མངོན་པར་ཤེས་པ་ལྔ་ཅན་རྣམ་པ་སྣ་
D557.090.0025b04.01ཚོགས་དག་གིས་སེམས་ཅན་དག་གི་དོན་གྱི་སླད་དུ་འཇིག་རྟེན་པ་དང་འཇིག་རྟེན་ལས་འདས་པའི་བསྟན་བཅོས་རྣམ་པ་སྣ་ཚོགས་ཇི་སྙེད་བསྟན་པ་དག་ལས་ཆེས་མཆོག་ཆེས་ཁྱད་པར་དུ་འཕགས་པ་གསེར་འོད་དམ་པ་མདོ་སྡེའི་དབང་པོའི་རྒྱལ་པོ་འདི་ནི། བཙུན་པ་བཅོམ་ལྡན་འདས་
D557.090.0025b05.01ཚངས་པའི་དབང་པོ་བརྒྱ་ཕྲག་སྟོང་དེ་དག་དང་བརྒྱ་བྱིན་བྱེ་བ་ཁྲག་ཁྲིག་བརྒྱ་སྟོང་ཕྲག་དུ་མ་དང་དྲང་སྲོང་མངོན་པར་ཤེས་པ་ལྔ་ཅན་བྱེ་བ་ཁྲག་ཁྲིག་བརྒྱ་ཕྲག་སྟོང་ཐམས་ཅད་པས་ཆེས་མཆོག་ཆེས་ཁྱད་པར་དུ་འཕགས་པའི་དེ་བཞིན་གཤེགས་པས་སེམས་ཅན་རྣམས་ཀྱི་དོན་གྱི་སླད་དུ་རྒྱ་ཆེར་ཡང་དག་པར་
D557.090.0025b06.01བཤད་པ་ལགས་སོ། །ཇི་ལྟར་ན་འཛམ་བུའི་གླིང་ཐམས་ཅད་ན་གནས་པའི་མི་རྣམས་ཀྱི་རྒྱལ་པོས་རྒྱལ་པོ་ཉིད་བགྱི་བ་དང་། ཇི་ལྟར་སེམས་ཅན་ཐམས་ཅད་བདེ་བར་འགྱུར་བ་དང་། ཇི་ལྟར་རང་གི་ཡུལ་ཀུན་ཏུ་བསྲུངས་པར་འགྱུར་བ་དང་། ཡོངས་སུ་བསྐྱངས་པར་འགྱུར་བ་དང་།
D557.090.0025b07.01