完整藏文原文 · 德格版页 当前仅加载第 90 函德格 55a 版页；藏文 NFD、目录标记与异常页序保留在来源切片中，重复版页行以稳定序号区分。
ལུས་ཡོངས་སུ་གཏོང་བར་བྱེད་ཅིག་གུ། སྒྲ་ཆེན་པོས་སྨྲས་པ། ཀྱེ་རང་གི་ལུས་ཡོངས་སུ་བཏང་བ་ནི་བྱ་དཀའ་བའོ། །སེམས་ཅན་ཆེན་པོས་སྨྲས་པ། བདག་ཅག་ལྟ་བུ་སྲོག་དང་ལུས་ལ་མངོན་པར་ཆགས་པ་བློ་ཆུང་བ་རྣམས་ལ་ནི་ཚུལ་འདི་བྱ་དཀའ་བ་ལགས་
D557.090.0055a01.01ཀྱི་གཞན་ལུས་ཡོངས་སུ་གཏོང་བ་ལ་ཞུགས་པ་གཞན་ལ་ཕན་པར་བརྩོན་པའི་སྐྱེས་བུ་དམ་པ་རྣམས་ལ་ནི་དཀའ་བ་མ་ལགས་སོ། །ཡང་སྙིང་བརྩེ་སྙིང་རྗེ་ལས་བྱུང་འཕགས་པའི་སེམས་ཅན་དག །ལྷ་ཡུལ་དང་ནི་ས་འདིར་རང་ལུས་རྙེད་སྙམ་སྟེ། །གཞན་གྱི་སྲོག་ཕྱིར་མཐུན་
D557.090.0055a02.01པར་དགའ་བའི་ཡིད་ཀྱིས་ནི། །འགྱུར་བ་མེད་པར་འདིར་ནི་རྣམ་པ་བརྒྱ་ཡིས་རྩེ། །དེ་ནས་རྒྱལ་བུ་གཞོན་ནུ་དེ་ཤིན་ཏུ་མི་དགའ་སྟེ། སྟག་མོ་དེ་ལ་མིག་མི་འཛུམས་པར་རིང་ཞིག་ཏུ་བལྟས་ནས་སོང་ངོ་། །དེ་ནས་སེམས་ཅན་ཆེན་པོ་འདི་སྙམ་དུ་སེམས་ཏེ། ད་ནི་བདག་
D557.090.0055a03.01གི་ལུས་འདི་ཡོངས་སུ་གཏོང་བའི་དུས་ལ་བབ་བོ། །དེ་ཅིའི་ཕྱིར་ཞེ་ན། འཇིག་ཅིང་འགྱེས་པའི་ཆོས་ཅན་མཐར་འགྱེད་མཐའ་ངན་པ། །རྣག་ཅན་ལུས་འདི་ཟས་དང་སྐོམ་དང་མལ་ཆ་དང་། །བཞོན་པ་འོས་པ་ཆེན་པོ་དག་གིས་རིང་བསྲུངས་ཀྱང་། །སྔ་མེད་རང་གིས་རང་
D557.090.0055a04.01བཞིན་མི་འདོར་བྱས་དོན་མེད། །ཡང་ཐམས་ཅད་དུ་མི་གཙང་བར་གྱུར་པས་ན་དེའི་འཚོ་བ་མེད་ཀྱིས། ད་བདག་གིས་དེ་ལས་བཟང་པོ་ལ་སྦྱར་བར་བྱའོ། །དེའི་ཕྱིར་བདག་སྐྱེ་བ་དང་འཆི་བའི་རྒྱ་མཚོ་ལས་རྒལ་བའི་གྲུ་བོ་ཆེ་ལྟ་བུར་འགྱུར་རོ། །ཡང་སྙིང་པོ་མེད་ལུས་དབུ་བ་འདྲ་ལ་
D557.090.0055a05.01སྲིན་བུ་བརྒྱས་གང་བྱས་པ་ཆུད་གཟོན་པ། །འབྲས་འདྲ་བ་ཡི་སྲིད་པ་བརྒྱ་ལྡན་གཅིན་དང་ཕྱི་སས་གང་བ་འདི་བཏང་སྟེ། །མྱ་ངན་མེད་ཅིང་འགྱུར་མེད་ཕུང་མེད་དྲི་མེད་བསམ་གཏན་ལ་སོགས་ཡོན་ཏན་གྱིས། །ཀུན་ཏུ་གང་བའི་ཆོས་སྐུ་ཡོན་ཏན་བརྒྱས་གང་རྡུལ་དང་བྲལ་བ་
D557.090.0055a06.01ཐོབ་པར་བྱ། །དེ་སྙིང་རྗེ་མཆོག་དང་ལྡན་པའི་སྙིང་དུ་གྱུར་པས་དེ་ལྟར་བརྟུལ་ནས་ཁྱོད་གཉིས་གཤེགས་སུ་གསོལ། བདག་ནི་རང་གི་བགྱི་བ་ཞིག་གི་སླད་དུ་ནགས་སྟུག་པོ་བཅུ་གཉིས་སུ་འཇུག་གོ་ཞེས་དེ་གཉིས་བསྐྲད་དོ། །དེ་ནས་རྒྱལ་བུ་གཞོན་ནུ་སེམས་ཅན་ཆེན་པོ་ནགས་འདབ་དེ་
D557.090.0055a07.01