完整藏文原文 · 德格版页 当前仅加载第 90 函德格 6b 版页；藏文 NFD、目录标记与异常页序保留在来源切片中，重复版页行以稳定序号区分。
སོ། །དེ་བཞིན་གཤེགས་པ་དེ་དག་ཀྱང་མི་སྣང་བར་གྱུར་ཏོ། །གསེར་འོད་དམ་པ་མདོ་སྡེའི་དབང་པོའི་རྒྱལ་པོ་ལས། དེ་བཞིན་གཤེགས་པའི་སྐུ་ཚེའི་ཚད་བསྟན་པའི་ལེའུ་ཞེས་བྱ་བ་སྟེ་གཉིས་པའོ།། །།དེ་ནས་བྱང་ཆུབ་སེམས་དཔའ་མཛེས་པའི་ཏོག་གཉིད་ཀྱིས་
D557.090.0006b01.01ལོག་པའི་རྨི་ལམ་ན། གསེར་གྱི་རྔ་ཀུན་ཏུ་སྣང་བ་འདི་ལྟ་སྟེ། ཉི་མའི་དཀྱིལ་འཁོར་འདྲ་བ་ཞིག་མཐོང་ངོ་། །ཕྱོགས་ཐམས་ཅད་ན་ཡང་སངས་རྒྱས་བཅོམ་ལྡན་འདས་གྲངས་མེད་དཔག་ཏུ་མེད་པ་དག་རིན་པོ་ཆེའི་ཤིང་དྲུང་ན། རིན་པོ་ཆེ་བཻ་ཌཱུརྱའི་ཁྲི་རྣམས་ལ་བཞུགས་ཤིང་འཁོར་
D557.090.0006b02.01བརྒྱ་སྟོང་དུ་མས་ཡོངས་སུ་བསྐོར་ཏེ། མདུན་གྱིས་བལྟས་ནས་ཆོས་སྟོན་པ་མཐོང་ངོ་། །དེ་ནས་ཡང་སྐྱེས་བུ་བྲམ་ཟེའི་གཟུགས་ལྟ་བུ་ཞིག་རྔ་དེ་རྡུང་བ་མཐོང་སྟེ། རྔའི་སྒྲ་དེ་ལས་བསྟན་པའི་ཚིགས་སུ་བཅད་པ་འདི་ལྟ་བུ་དག་བྱུང་བ་ཐོས་སོ། །དེ་ནས་བྱང་ཆུབ་སེམས་དཔའ་
D557.090.0006b03.01མཛེས་པའི་ཏོག་གཉིད་སད་མ་ཐག་ཏུ། བསྟན་པའི་ཚིགས་སུ་བཅད་པ་དེ་དག་རྗེས་སུ་དྲན་ནོ། །རྗེས་སུ་དྲན་ནས་ཀྱང་དེའི་མཚན་མོ་ཟད་པ་དང་། རྒྱལ་པོའི་ཁབ་ཀྱི་གྲོང་ཁྱེར་ཆེན་པོ་ནས་བྱུང་སྟེ། སྲོག་ཆགས་སྟོང་ཕྲག་དུ་མ་དང་ལྷན་ཅིག་ཏུ་བྱ་རྒོད་ཕུང་པོའི་རི་ག་ལ་བ་དང་།
D557.090.0006b04.01བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས། བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ། བཅོམ་ལྡན་འདས་ལ་ལན་གསུམ་བསྐོར་བ་བྱས་ནས་ཕྱོགས་གཅིག་ཏུ་འདུག་གོ། །ཕྱོགས་གཅིག་ཏུ་འདུག་ནས་བྱང་ཆུབ་སེམས་དཔའ་མཛེས་པའི་ཏོག་གིས། བཅོམ་
D557.090.0006b05.01ལྡན་འདས་ག་ལ་བ་དེ་ལོགས་སུ་ཐལ་མོ་སྦྱར་བ་བཏུད་ནས། རྨི་ལམ་ན་གང་རྔའི་སྒྲ་ལས་བསྟན་པའི་ཚིགས་སུ་བཅད་པ་ཐོས་པ་དེ་དག་གསོལ་ཏོ། །གསེར་འོད་དམ་པ་མདོ་སྡེའི་དབང་པོའི་རྒྱལ་པོ་ལས། རྨི་ལམ་མཐོང་བའི་ལེའུ་ཞེས་བྱ་བ་སྟེ་གསུམ་པའོ།། །།ནུབ་
D557.090.0006b06.01གཅིག་གཡེལ་བ་མེད་པར་ཡང་། །བདག་གིས་རྨི་ལམ་རྨིས་པ་ནི། །མཛེས་པའི་རྔ་ཆེན་མཐོང་བ་སྟེ། །ཐམས་ཅད་དུ་ནི་གསེར་གྱི་འོད། །ཉི་མ་ཇི་ལྟ་བཞིན་དུ་འབར། །ཀུན་ཏུ་རྣམ་པར་ལྷང་ངེ་སྟེ། །ཕྱོགས་བཅུ་རྣམས་སུ་སྣང་བར་གྱུར། །ཀུན་ཏུ་རིན་ཆེན་ཤིང་དྲུང་ན། །
D557.090.0006b07.01