完整藏文原文 · 德格版页 当前仅加载第 90 函德格 4b 版页；藏文 NFD、目录标记与异常页序保留在来源切片中，重复版页行以稳定序号区分。
རབ་ཏུ་ཕྲ་རྡུལ་ཇི་སྙེད་པ། །ཐམས་ཅད་བགྲང་བར་ནུས་སྲིད་ཀྱི། །རྒྱལ་བའི་སྐུ་ཚེའི་ཚད་མི་ནུས། །གལ་ཏེ་ལ་ལས་ནམ་མཁའ་ལ། །སྣ་འགའ་ཞིག་གིས་དཔག་འདོད་ཀྱང་། །ཤཱཀྱ་ཐུབ་པའི་སྐུ་ཚེའི་ཚད། །སུས་ཀྱང་བགྲང་བར་མི་ནུས་སོ། །རྫོགས་པའི་སངས་རྒྱས་
D557.090.0004b01.01འདི་སྲིད་བཞུགས། །བསྐལ་པ་དག་ནི་འདི་སྙེད་ཅིག །བསྐལ་པ་བྱེ་བ་བརྒྱ་དག་ཅེས། །གྲངས་ནི་རྙེད་པར་མི་རུང་ངོ་། །གང་ཕྱིར་དེ་ཡི་རྒྱུ་དང་ནི། །རྐྱེན་ཡང་རྣམ་པ་གཉིས་ཡིན་ཏེ། །སྡིག་པའི་འཚེ་བ་སྤངས་པ་དང་། །ཁ་ཟས་མང་པོ་བྱིན་པ་སྟེ། །དེ་ཕྱིར་བདག་ཉིད་
D557.090.0004b02.01ཆེན་པོ་དེའི། །སྐུ་ཚེའི་ཚད་གྲངས་མི་རྙེད་དོ། །བསྐལ་པ་འདི་སྙེད་ཅིག་ཅེ་འམ། །གྲངས་མེད་པ་ཡང་དེ་བཞིན་ཏེ། །དེ་བས་ཐེ་ཚོམ་མེད་པར་འགྱུར། །ཐེ་ཚོམ་ཅུང་ཟད་མ་ཟ་ཤིག །རྒྱལ་བའི་སྐུ་ཚེ་ཐ་མ་ཡི། །གྲངས་ནི་གང་དུ་མི་དམིགས་སོ། །དེ་ནས་དེའི་ཚེ་འཁོར་
D557.090.0004b03.01དེར་སློབ་དཔོན་ལུང་སྟོན་པ་བྲམ་ཟེ་ཀཽཎྜི་ནྱ་ཞེས་བྱ་བ་དང་། བྲམ་ཟེ་སྟོང་ཕྲག་དུ་མས་བཅོམ་ལྡན་འདས་ལ་མཆོད་པ་བྱས་ཏེ། དེ་བཞིན་གཤེགས་པ་ཡོངས་སུ་མྱ་ངན་ལས་འདས་པ་ཆེན་པོའི་སྒྲ་ཐོས་ནས་འཕྲལ་ལ་འདུས་ཏེ། བཅོམ་ལྡན་འདས་ཀྱི་ཞབས་གཉིས་ལ་གཏུགས་ནས།
D557.090.0004b04.01བཅོམ་ལྡན་འདས་ལ་གསོལ་པ། གལ་ཏེ་བཅོམ་ལྡན་འདས་སེམས་ཅན་ཐམས་ཅད་ལ་ཐུགས་བརྩེ་བ། ཐུགས་རྗེ་ཆེན་པོ་དང་ལྡན་པ། ཕན་པར་བཞེད་པ། སེམས་ཅན་ཐམས་ཅད་ལ་ཕ་མ་ལྟ་བུ། མི་མཉམ་པ་དང་མཉམ་པར་གྱུར་པ། ཟླ་བ་ལྟ་བུར་སྣང་བར་མཛད་པ། ཤེས་རབ་
D557.090.0004b05.01དང་ཡེ་ཤེས་ཆེན་པོའི་ཉི་མ་ཤར་བ་ལྟ་བུ་ལགས་ཤིང་། གལ་ཏེ་ཁྱོད་སེམས་ཅན་ཐམས་ཅད་ལ་སྒྲ་གཅན་ཟིན་བཞིན་དུ་གཟིགས་ན། བདག་ལ་དམ་པ་ཞིག་སྩལ་དུ་གསོལ། བཅོམ་ལྡན་འདས་ཅང་མི་གསུང་བར་གྱུར་ཏོ། །དེ་ནས་སངས་རྒྱས་ཀྱི་མཐུས་འཁོར་དེར་ལིཙྪ་བཱི་གཞོན་ནུ་
D557.090.0004b06.01འཇིག་རྟེན་ཐམས་ཅད་ཀྱིས་མཐོང་ན་དགའ་བ་ཞེས་བྱ་བ་དེ་སྤོབས་པ་སྐྱེས་ནས། སློབ་དཔོན་ལུང་སྟོན་པ་བྲམ་ཟེ་ཀཽཎྜི་ནྱ་ལ་འདི་སྐད་ཅེས་སྨྲས་སོ། །ཅི་བྲམ་ཟེ་ཆེན་པོ་ཁྱོད། བཅོམ་ལྡན་འདས་ལ་དམ་པ་ཅིག་གསོལ་ལམ། བདག་གིས་ཁྱོད་ལ་དམ་པ་ཞིག་སྦྱིན་ནོ། །བྲམ་ཟེས་སྨྲས་པ།
D557.090.0004b07.01