完整藏文原文 · 德格版页 当前仅加载第 90 函德格 30b 版页；藏文 NFD、目录标记与异常页序保留在来源切片中，重复版页行以稳定序号区分。
ཅན་ཞེས་བྱ་སྤྱན་ནི་ཡངས་ཤིང་བསོད་ནམས་འབར། །དྲི་མེད་ཡེ་ཤེས་ཡོན་ཏན་རྣམས་ཀྱིས་རྣམ་པར་རྒྱས། །རིན་ཆེན་སྣ་ཚོགས་ཐ་དད་ལྟ་བུ་བལྟ་བའི་ཕྱིར། །མཆོག་རབ་ངག་གི་ཡོན་ཏན་ཁྱད་པར་དེ་བསྟོད་དོ། །དམ་པ་མཆོག་གི་དངོས་གྲུབ་བྱེད་པ་དང་། །ཡང་དག་
D557.090.0030b01.01བསྔགས་དང་ཡོན་ཏན་བྱེད་པ་དང་། །དྲི་མེད་མཆོག་དང་པདྨ་འབར་བ་དང་། །མིག་མཆོག་དང་ནི་མིག་གི་དམ་པ་དང་། །དགེ་བའི་གནས་དང་དགེ་བ་མཐོང་བ་དང་། །ཡོན་ཏན་བསམ་དུ་མེད་པས་བརྒྱན་པ་དང་། །ཟླ་བ་འདྲ་དང་དྲི་མ་མེད་འོད་དང་། །ཡེ་ཤེས་འབྱུང་
D557.090.0030b02.01གནས་དྲན་པ་དམ་པ་དང་། །སེང་གེ་མཆོག་དང་མི་ལ་ཞོན་པ་དང་། །ལག་པ་བརྒྱད་རྣམས་ཀྱིས་ནི་བརྒྱན་པ་དང་། །ཟླ་བ་ཉ་བ་ལྟ་བུར་སྣང་བ་དང་། །ཡིད་དུ་འོང་བའི་ངག་དང་དབྱངས་སྙན་དང་། །ཤེས་རབ་ཟབ་མོ་དང་ནི་ལྡན་པ་དང་། །དགོས་མཆོག་སྒྲུབ་བྱེད་སེམས་
D557.090.0030b03.01ཅན་དམ་པ་དང་། །ལྷ་དང་ལྷ་མིན་དབང་པོས་མཆོད་པ་དང་། །ལྷ་དང་ལྷ་མིན་ཚོགས་ཀུན་གནས་བརྗོད་དང་། །འབྱུང་པོའི་ཚོགས་ཀྱི་གནས་རྟག་མཆོད་པའི་ཕྱིར་སྭཱ་ཧཱ། །བདག་ཅག་ལྷ་མོ་འདི་ལ་ཕྱག་བྱའོ། །བདག་ལ་ཡོན་ཏན་ཁྱད་པར་ཀུན་སྩོལ་ཅིག །དགོས་
D557.090.0030b04.01པ་ཀུན་ཏུ་བདག་ལ་དངོས་གྲུབ་སྩོལ། །དགྲ་རྣམས་ཁྲོད་ན་བདག་ལ་རྟག་ཏུ་སྲུངས། །ཡི་གེ་རྫོགས་ཤིང་ཚིག་རྒྱས་འདི་དག་ནི། །ནང་པར་ལངས་ནས་གཙང་མར་བརྗོད་པར་བྱ། །བསམ་པ་དང་ནི་ནོར་འབྲུ་ཐམས་ཅད་རྙེད། །དངོས་གྲུབ་དགེ་བ་རྒྱ་ཆེན་ཐོབ་པར་འགྱུར། །
D557.090.0030b05.01གསེར་འོད་དམ་པ་མདོ་སྡེའི་དབང་པོའི་རྒྱལ་པོ་ལས། དབྱངས་ཅན་གྱི་ལེའུ་ཞེས་བྱ་བ་སྟེ་བརྒྱད་པའོ།། །།དེ་ནས་བཅོམ་ལྡན་འདས་ལ་ལྷ་མོ་ཆེན་མོ་དཔལ་གྱིས་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས་ལྷ་མོ་ཆེན་མོ་དཔལ་བདག་གིས་ཀྱང་། ཅི་ནས་ཆོས་སྨྲ་
D557.090.0030b06.01བའི་དགེ་སློང་དེ་ཡོ་བྱད་ཐམས་ཅད་ཕུན་སུམ་ཚོགས་པར་འགྱུར་བ་དང་། བྲེལ་ཕོངས་མ་མཆིས་པ་ཐོབ་པར་འགྱུར་བ་དང་། སེམས་བརྟས་པར་འགྱུར་བ་དང་། སེམས་བདེ་བར་གདུགས་མཚན་བས་པར་འགྱུར་བ་དང་། གསེར་འོད་དམ་པ་མདོ་སྡེའི་དབང་པོའི་རྒྱལ་པོ་འདི་ལས་ཚིག་དང་ཡི་གེ་
D557.090.0030b07.01