完整藏文原文 · 德格版页 当前仅加载第 90 函德格 60a 版页；藏文 NFD、目录标记与异常页序保留在来源切片中，重复版页行以稳定序号区分。
པོའི་དབང་པོ་དམ་པ་ཟས་གཙང་ནི། །ཤིང་རྟ་ཆེ་ཞེས་བྱ་བའི་རྒྱལ་པོར་གྱུར། །བཙུན་མོའང་བཙུན་མོ་དམ་པ་སྒྱུ་མར་གྱུར། །སྒྲ་ཆེན་པོ་ནི་བྱམས་པར་གྱུར་པ་ཡིན། །རྒྱལ་བུ་ལྷ་ཆེན་པོ་ཡང་དེ་བཞིན་དུ། །དེ་ནི་འཇམ་དཔལ་གཞོན་ནུར་གྱུར་པ་ཡིན། །
D557.090.0060a01.01སྟག་མོར་གྱུར་པ་སྐྱེ་དགུའི་བདག་མོ་ཆེ། །སྟག་ཕྲུག་རྣམས་ནི་དགེ་སློང་ལྔ་པོར་གྱུར། །དེ་ནས་རྒྱལ་པོ་ཤིང་རྟ་ཆེན་པོ་དང་བཙུན་མོས་སྙིང་རྗེ་བར་སྨྲེ་སྔགས་རྣམ་པ་མང་པོ་བཏོན་ནས། རྒྱན་ཐམས་ཅད་བཀྲོལ་ཏེ་སྐྱེ་བོའི་ཚོགས་ཆེན་པོ་དང་ལྷན་ཅིག་ཏུ་བུའི་རུས་པ་ལ་མཆོད་པ་བྱས་
D557.090.0060a02.01ནས། སེམས་ཅན་ཆེན་པོ་དེའི་རུས་པ་དེ་དག་ས་ཕྱོགས་འདི་ཉིད་དུ་བཞག་སྟེ། རིན་པོ་ཆེ་སྣ་བདུན་གྱི་མཆོད་རྟེན་འདི་བྱས་སོ། །སེམས་ཅན་ཆེན་པོ་འདིས་སྟག་མོ་ལ་ལུས་ཡོངས་སུ་བཏང་ནས་ལུས་ཡོངས་སུ་བཏང་བ་འདིས་ཕྱིས་མ་འོངས་པའི་དུས་བསྐལ་པ་བགྲང་བ་ལས་ཤིན་ཏུ་
D557.090.0060a03.01འདས་པ་རྣམས་སུ་ཡང་། སེམས་ཅན་རྣམས་ལ་སངས་རྒྱས་ཀྱི་མཛད་པ་བྱའོ། །ཞེས་སྨོན་ལམ་འདི་སྐད་བཏབ་བོ། །བསྟན་པ་འདི་བཤད་པ་ན་ལྷ་དང་མིར་བཅས་པའི་སྐྱེ་དགུའི་སེམས་ཅན་གྲངས་མེད་དཔག་ཏུ་མེད་པ་དག །བླ་ན་མེད་པ་ཡང་དག་པར་རྫོགས་པའི་བྱང་ཆུབ་
D557.090.0060a04.01ཏུ་སེམས་བསྐྱེད་དོ། །མཆོད་རྟེན་འདི་འདིར་བསྟན་པའི་རྒྱུ་ནི་འདི་ཡིན་ནོ། །རྐྱེན་ནི་འདི་ཡིན་ནོ། །མཆོད་རྟེན་དེ་ཡང་སངས་རྒྱས་ཀྱི་བྱིན་གྱི་རླབས་ཀྱིས་ས་དེ་ཉིད་ཀྱི་ནང་དུ་ཞུགས་སོ། །གསེར་འོད་དམ་པ་མདོ་སྡེའི་དབང་པོའི་རྒྱལ་པོ་ལས། སྟག་མོ་ལ་ལུས་ཡོངས་སུ་བཏང་
D557.090.0060a05.01བའི་ལེའུ་ཞེས་བྱ་བ་སྟེ་{བཅྭ་,བཅོ་}བརྒྱད་པའོ།། །།དེ་ནས་བྱང་ཆུབ་སེམས་དཔའ་བརྒྱ་སྟོང་ཕྲག་དུ་མ་དེ་དག །དེ་བཞིན་གཤེགས་པ་གསེར་དང་རིན་པོ་ཆེའི་འབྱུང་གནས་གདུགས་བརྩེགས་ག་ལ་བ་དེར་སོང་སྟེ་ཕྱིན་ནས། བཅོམ་ལྡན་འདས་དེ་བཞིན་གཤེགས་པ་གསེར་དང་རིན་པོ་
D557.090.0060a06.01ཆེའི་འབྱུང་གནས་གདུགས་བརྩེགས་ཀྱི་ཞབས་ལ་མགོ་བོས་ཕྱག་འཚལ་ཏེ་ཕྱོགས་གཅིག་ཏུ་འཁོད་དོ། །ཕྱོགས་གཅིག་ཏུ་འཁོད་ནས་ཀྱང་བྱང་ཆུབ་སེམས་དཔའ་བརྒྱ་སྟོང་ཕྲག་དུ་མ་དེ་དག་གིས་ཐལ་མོ་སྦྱར་ཏེ། དེ་བཞིན་གཤེགས་པ་གསེར་དང་རིན་པོ་ཆེའི་འབྱུང་གནས་གདུགས་བརྩེགས་
D557.090.0060a07.01