完整藏文原文 · 德格版页 当前仅加载第 90 函德格 35a 版页；藏文 NFD、目录标记与异常页序保留在来源切片中，重复版页行以稳定序号区分。
ལྡན་འདས་ཀྱིས་སའི་ལྷ་མོ་བརྟན་མ་ལ་འདི་སྐད་ཅེས་བཀའ་སྩལ་ཏོ། །སའི་ལྷ་མོ་སེམས་ཅན་གང་ལ་ལ་དག་གསེར་འོད་དམ་པ་མདོ་སྡེའི་དབང་པོའི་རྒྱལ་པོ་འདི་ལས་ཐ་ན་ཚིག་གཅིག་ཉན་ན་དེ་དག་མིའི་འཇིག་རྟེན་འདི་ནས་ཤི་འཕོས་ནས་སུམ་ཅུ་རྩ་གསུམ་པའི་ལྷའི་རིས་
D557.090.0035a01.01ཀྱི་ནང་དུ་ལྷའི་རིས་གང་ཡང་རུང་བ་ཞིག་ཏུ་སྐྱེ་བར་འགྱུར་རོ། །སའི་ལྷ་མོ་སེམས་ཅན་གང་ལ་ལ་དག་གསེར་འོད་དམ་པ་མདོ་སྡེའི་དབང་པོའི་རྒྱལ་པོ་འདི་ལ་མཆོད་པའི་ཕྱིར། གནས་དེ་དག་ལེགས་པར་བརྒྱན་པར་བྱེད་དམ། ཐ་ན་གདུགས་གཅིག་གམ། བ་དན་གཅིག་གམ།
D557.090.0035a02.01རས་བཅོས་བུ་གཅིག་གིས་གཡོགས་ན་སའི་ལྷ་མོ་རྟག་ཏུ་བརྒྱན་པའི་གནས་དེ་དག་འདོད་པ་ན་སྤྱོད་པའི་ལྷའི་རིས་བདུན་པོ་དེ་དག་ཏུ་ལྷའི་རིན་པོ་ཆེ་སྣ་བདུན་གྱི་གཞལ་མེད་ཁང་རྒྱན་ཐམས་ཅད་ཀྱིས་ལེགས་པར་བརྒྱན་པ་དག་ཏུ་གནས་པར་འགྱུར་རོ། །གང་གི་ཚེ་སེམས་ཅན་དེ་དག་
D557.090.0035a03.01མིའི་འཇིག་རྟེན་འདི་ནས་ཤི་འཕོས་ཏེ། རིན་པོ་ཆེ་སྣ་བདུན་གྱི་གཞལ་མེད་ཁང་དེ་དག་ཏུ་སྐྱེ་བ་དེའི་ཚེ། སའི་ལྷ་མོ་རིན་པོ་ཆེ་སྣ་བདུན་གྱི་གཞལ་མེད་ཁང་རེ་རེར་ཡང་ལན་བདུན་བདུན་དུ་སྐྱེ་བར་འགྱུར་རོ། །ལྷའི་བདེ་བ་བསམ་གྱིས་མི་ཁྱབ་པ་ཡང་མྱོང་བར་འགྱུར་རོ། །དེ་སྐད་
D557.090.0035a04.01ཅེས་བཀའ་སྩལ་པ་དང་། བཅོམ་ལྡན་འདས་ལ་སའི་ལྷ་མོ་བརྟན་མས་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས་དེས་ན་སའི་ལྷ་མོ་བརྟན་མ་བདག་དགེ་སློང་ཆོས་སྨྲ་བ་ཆོས་ཀྱིསྟན་ལ་མཆིས་པ་དེའི་ཆོས་ཀྱི་སྟན་གྱི་འོག་ལོགས་ཀྱི་ས་ཕྱོགས་དེ་དང་དེ་དག་ཏུ་གནས་པར་
D557.090.0035a05.01བགྱིའོ། །ཅི་ནས་ཀྱང་སངས་རྒྱས་བརྒྱ་སྟོང་དག་ལ་དགེ་བའི་རྩ་བ་བསྐྲུན་པའི་སེམས་ཅན་དེ་དག་གི་དོན་གྱི་སླད་དུ་གསེར་འོད་དམ་པ་མདོ་སྡེའི་དབང་པོའི་རྒྱལ་པོ་འདི་འཛམ་བུའི་གླིང་དུ་ཡུན་རིང་དུ་གནས་ཤིང་མྱུར་དུ་ནུབ་པར་མི་འགྱུར་བ་དང་། སེམས་ཅན་རྣམས་ཀྱང་གསེར་འོད་དམ་
D557.090.0035a06.01པ་མདོ་སྡེའི་དབང་པོའི་རྒྱལ་པོ་འདི་ཉན་པར་འགྱུར་བ་དང་། མ་འོངས་པའི་དུས་ན་བསྐལ་པ་བྱེ་བ་ཁྲག་ཁྲིག་བརྒྱ་སྟོང་ཕྲག་དུ་མར་ལྷ་དང་མིའི་བདེ་བ་བསམ་གྱིས་མི་ཁྱབ་པ་མྱོང་བར་འགྱུར་བ་དང་། དེ་བཞིན་གཤེགས་པ་དང་འགྲོགས་པར་འགྱུར་བ་དང་མ་འོངས་པའི་དུས་ན་བླ་ན་མེད་པ་
D557.090.0035a07.01