完整藏文原文 · 德格版页 当前仅加载第 90 函德格 56b 版页；藏文 NFD、目录标记与异常页序保留在来源切片中，重复版页行以稳定序号区分。
བར་སྟོན། །ང་ཡི་ལུས་ནི་ཞུམ་ཞིང་མིག་ཀྱང་གཡོ་ལ་རང་གི་ནུ་མ་བཅད་རྨིས་པ། །ང་ཡི་བུ་རྣམས་ནགས་ཁྲོད་འདིར་ནི་རྩེར་དོང་བ་ལ་དགེ་བར་འགྱུར་རམ་གེ །དེ་ནས་དེ་སྙམ་བསམས་པ་དང་བྲན་མོ་ཡང་སྙིང་མྱོས་ཏེ་འོངས་ནས་བཙུན་མོ་ལ་སྨྲས་པ། ཇོ་མོ་གཞོན་ནུའི་
D557.090.0056b01.01རིམ་གྲོ་པ་དག་གཞོན་ནུ་ཚོལ་ཞིང་མཆིས་ན་ཇོ་ཅོ་སྟོར་ཅེས་གདའོ། །དེ་སྐད་ཅེས་ཐོས་མ་ཐག་ཏུ་བཙུན་མོའི་སྙིང་འདར་ཞིང་མིག་དང་གདོང་མཆི་མས་གང་སྟེ་རྒྱལ་པོའི་གན་དུ་སོང་ནས་སྨྲས་པ། ལྷ་བདག་གི་བུ་སྡུག་པ་སྟོར་ཅེས་ཐོས་སོ། །རྒྱལ་པོ་ཡང་སྙིང་འདར་ཞིང་ཤིན་ཏུ་མྱོས་
D557.090.0056b02.01ཏེ་ཀྱི་ཧུད་བདག་གི་བུ་སྡུག་པ་དང་བྲལ་བ་ལྟ་ཞེས་སྨྲས་སོ། །དེ་ནས་རྒྱལ་པོས་བཙུན་མོ་དབུགས་དབྱུང་བའི་ཕྱིར་ང་གཞོན་ནུ་བཙལ་བ་ལ་ནན་ཏན་དུ་བྱེད་ཀྱིས་བཟང་མོ་མྱ་ངན་མ་བྱེད་ཅིག །དེར་གཞོན་ནུ་ཚོལ་བ་ལ་ཞུགས་པ་ན་སྐྱེ་བོའི་ཚོགས་དག་རོད་རོད་པོར་གྱུར་ཏོ། །དེ་ནས་
D557.090.0056b03.01རིང་པོར་མ་ལོན་པར་རྒྱལ་པོས་རྒྱལ་བུ་གཞོན་ནུ་གཉིས་རྒྱང་རིང་པོ་ནས་འོང་བ་མཐོང་ངོ་། །མཐོང་ནས་ཀྱང་སྨྲས་པ་གཞོན་ནུ་དེ་དག་ནི་འོང་ན་ཐམས་ཅད་ནི་མ་ཡིན་ཏེ། ཀྱི་ཧུད་བུ་དང་བྲལ་བ་ལྟ་ཞེས་བྱ་བ་ནི་སྡུག་བསྔལ་བའོ། །ཇི་ལྟར་བུ་དང་བྲལ་བར་གྱུར་ན་ཡིད་ནི་མི་བདེ་བ། །མི་
D557.090.0056b04.01རྣམས་བུ་རྙེད་པ་ནི་དེ་ལྟར་དགའ་བ་མ་ཡིན་ནོ། །འཇིག་རྟེན་ནི་གང་དག་བུ་མེད་པ་དང་ཤི་བའམ། །མི་རྣམས་གང་དག་བུ་གསོན་དེ་དག་བདེ་བ་ཡིན་ནམ་ཅི། །དེ་ནས་བཙུན་མོ་ཤིན་ཏུ་མྱ་ངན་གྱིས་ནོན་ནས་རྔ་མོ་གནད་དུ་བསྣུན་པ་བཞིན་དུ་ཤིན་ཏུ་མི་བཟད་པའི་སྒྲ་ཕྱུང་ངོ་། །དེ་ལྟར་བུ་གསུམ་
D557.090.0056b05.01དག་ནི་གཡོག་གི་ཚོགས་བཅས་ཏེ། །མེ་ཏོག་རྣམས་ཀྱིས་གང་བའི་ནགས་ཁྲོད་ཞུགས་པ་ལས། །བདག་གི་བུ་དགེ་ཐ་{ཆུངས་,ཆུང་}འོངས་པར་མ་གྱུར་ན། །བདག་གི་སྙིང་དང་འདྲ་བའི་ཐ་{ཆུངས་,ཆུང་}དེ་ག་རེ། །དེ་ནས་དེ་གཉིས་ལྷགས་པ་དང་རྒྱལ་པོས་བུ་ལ་དྲིས་པ། ཁྱེའུ་ཐ་{ཆུངས་,ཆུང་}ག་རེ་ཞེས་
D557.090.0056b06.01གཞོན་ནུ་གཉིས་ལ་དྲིས་པ་དང་། དེ་ནས་མྱ་ངན་གྱིས་ཉམ་ཐག་ཅིང་མིག་མཆི་མས་གང་སྟེ་རྐན་དང་མཆུ་དང་ཁ་དང་སོ་སྐམས་ནས་ཅང་མི་ཟེར་རོ། །བཙུན་མོས་སྨྲས་པ། ཁོ་མོའི་བུ་སྡུག་ཐ་{ཆུངས་,ཆུང་}དེ་ག་རེ། །ཁོ་མོའི་སྙིང་འདི་གས་ལ་ཐུག་གྱུར་ཅིང་། །ལུས་ནི་མི་བཟད་རབ་ཏུ་གཟིར་གྱུར་
D557.090.0056b07.01