完整藏文原文 · 德格版页 当前仅加载第 90 函德格 43a 版页；藏文 NFD、目录标记与异常页序保留在来源切片中，重复版页行以稳定序号区分。
སྦྱངས་པ་ཡི། །མི་རྣམས་དེ་དག་འདིར་ལྷགས་ཏེ། །གང་དག་མདོ་སྡེ་ཟབ་མོ་འདི། །ཉན་པའི་ཕྱིར་ནི་འདིར་ལྷགས་པ། །དད་པ་བསམ་གྱིས་མི་ཁྱབ་པས། །ཆོས་ཀྱི་མཆོད་རྟེན་གུས་དང་བཅས། །དེ་དག་འཇིག་རྟེན་སྙིང་རྗེ་ལྡན། །དེ་དག་སེམས་ཅན་ཕན་བྱེད་པ། །
D557.090.0043a01.01དེ་དག་ཟབ་མོའི་ཆོས་རྣམས་ཀྱིས། །དམ་པའི་ཆོས་ཀྱི་རོ་ཡི་སྣོད། །ཆོས་ཀྱི་དབྱིངས་ལ་འཇུག་པ་ཡིས། །དེ་དག་རབ་ཏུ་འཇུག་པ་ཡིན། །གང་དག་གསེར་འོད་དམ་པའི་མདོ། །དགེ་བ་དམ་པ་འདི་ཉན་པ། །དེ་དག་སྔོན་ཆད་སངས་རྒྱས་ནི། །བརྒྱ་སྟོང་རྣམས་ལ་མཆོད་པ་
D557.090.0043a02.01ཡིན། །དགེ་བའི་རྩ་བ་དེ་ཡིས་ནི། །མདོ་སྡེ་ཉན་པ་དེ་དག་ལ། །ལྷ་དབང་རྒྱལ་པོ་དེ་ཀུན་དང་། །དབྱངས་ཅན་དང་ནི་དེ་བཞིན་དུ། །དཔལ་དང་རྣམ་ཐོས་བུ་དང་ནི། །དེ་བཞིན་རྒྱལ་པོ་བཞི་རྣམས་དང་། །གནོད་སྦྱིན་བརྒྱ་ཕྲག་སྟོང་པོ་དག །སྟོབས་ཆེན་རྫུ་འཕྲུལ་ལྡན་རྣམས་ཀྱིས། །
D557.090.0043a03.01ཕྱོགས་བཞི་དག་ནི་ཀུན་ནས་ཀྱང་། །བསྲུང་བ་ཤིན་ཏུ་བྱེད་པར་འགྱུར། །དབང་པོ་ཟླ་བ་གཤིན་རྗེ་དང་། །རླུང་དང་ཆུ་ལྷ་ཉིད་དང་ནི། །སྐེམ་བྱེད་འཇུག་སེལ་དབྱངས་ཅན་དང་། །སྦྱིན་སྲེག་ཟ་དང་སྐྱེ་དགུ་དང་། །སྟོབས་ཆེན་ཕ་རོལ་གནོན་བྱེད་པ། །འཇིག་རྟེན་སྐྱོང་བ་དེ་ཀུན་ཀྱང་། །
D557.090.0043a04.01ཉིན་མཚན་གཡེལ་བ་མེད་པར་ནི། །དེ་དག་རྣམས་ལ་སྲུང་བར་བྱེད། །སྟོབས་ཆེན་གནོད་སྦྱིན་དབང་གཉིས་དང་། །སྲེད་མེད་བུ་དང་དབང་ཕྱུག་ཆེ། །ཡང་དག་ཤེས་ལ་སོགས་པ་དག །གཞན་ཡང་ཉི་ཤུ་རྩ་བརྒྱད་དང་། །གནོད་སྦྱིན་བརྒྱ་ཕྲག་སྟོང་པོ་དག །སྟོབས་ཆེན་རྫུ་འཕྲུལ་
D557.090.0043a05.01ལྡན་རྣམས་ཀྱིས། །འཇིགས་ཤིང་སྐྲག་པ་ཐམས་ཅད་ནི། །དེ་དག་ལ་ནི་སྲུང་བར་བྱེད། །ལག་ན་རྡོ་རྗེ་གནོད་སྦྱིན་དབང་། །གནོད་སྦྱིན་དག་ནི་ལྔ་བརྒྱ་དང་། །བྱང་ཆུབ་སེམས་དཔའ་ཐམས་ཅད་ཀྱང་། །དེ་དག་ལ་ནི་སྲུང་བར་བྱེད། །གནོད་སྦྱིན་དབང་པོ་ནོར་བུ་བཟང་། །དེ་
D557.090.0043a06.01བཞིན་གང་བ་བཟང་པོ་དང་། །ཇི་འཇིགས་དང་ནི་འབྲོག་གནས་དང་། །དམར་སེར་དང་ནི་སེར་སྐྱ་དང་། །གནོད་སྦྱིན་དབང་པོ་རེ་རེ་ཡང་། །གནོད་སྦྱིན་ལྔ་བརྒྱ་དག་གིས་ནི། །གང་དག་མདོ་སྡེ་འདི་ཐོས་པ། །དེ་དག་རྣམས་ལ་སྲུང་བྱེད་འགྱུར། །དྲི་ཟ་སྣ་ཚོགས་སྡེ་དང་ནི། །རྒྱལ་བ་ཁྱུ་
D557.090.0043a07.01