完整藏文原文 · 德格版页 当前仅加载第 90 函德格 61b 版页；藏文 NFD、目录标记与异常页序保留在来源切片中，重复版页行以稳定序号区分。
སུ་འཁྱིལ་ཞིང་ཁོང་ཆུད་འདྲ་བ་ལགས། །བཻ་ཌཱུརྱ་འདྲའི་སྤུ་འོད་དཀར་རྣམས་ཀྱིས། །ནམ་མཁའི་དཀྱིལ་ན་ཉི་མ་ལྟ་བུར་མཛེས། །གསེར་འོད་དམ་པ་མདོ་སྡེའི་དབང་པོའི་རྒྱལ་པོ་ལས། དེ་བཞིན་གཤེགས་པ་ཐམས་ཅད་ལ་བསྟོད་པའི་ལེའུ་ཞེས་བྱ་བ་སྟེ་ཉི་ཤུ་པའོ།། །།
D557.090.0061b01.01དེ་ནས་རིགས་ཀྱི་ལྷ་མོ་བྱང་ཆུབ་ཡང་དག་པར་བསྡུས་པས། དེའི་ཚེ་ཚིགས་སུ་བཅད་པ་འདི་དག་གིས་བཅོམ་ལྡན་འདས་ལ་བསྟོད་པ། རྣམ་པར་དག་པའི་ཆོས་ལ་སྤོབས་པའི་བློ་མངའ་བ། །ལས་ངན་ལམ་དང་བྲལ་བའི་བདག་ཉིད་བློ་མངའ་ཞིང་། །སྲིད་དང་སྲིད་
D557.090.0061b02.01མིན་མཁྱེན་པ་རྣམ་དག་བློ་མངའ་བ། །སངས་རྒྱས་རྣམ་དག་བློ་མངའ་བ་ལ་ཕྱག་འཚལ་ལོ། །ཀྱེ་མའོ་ཀྱེ་མའོ་སངས་རྒྱས་གཟི་བརྗིད་མཐའ་ཡས་ཏེ། །ཀྱེ་མའོ་ཀྱེ་མའོ་རྒྱ་མཚོ་དང་ནི་རི་རབ་འདྲ། །ཀྱེ་མའོ་ཀྱེ་མའོ་སངས་རྒྱས་སྤྱོད་ཡུལ་མཐའ་ཡས་ཏེ། །ཨུ་དུམ་
D557.090.0061b03.01བཱ་རའི་མེ་ཏོག་བཞིན་དུ་ཤིན་ཏུ་དཀོན། །སེམས་ཅན་དག་ནི་ཐམས་ཅད་རྗེས་སུ་གཟུང་སླད་དུ། །གང་གིས་མདོ་སྡེ་དམ་པ་འདི་འདྲ་རབ་གསུངས་པ། །མི་དབང་ཉི་མ་ཤཱཀྱའི་དབང་པོའི་རིགས་ཀྱི་ཏོག །ཀྱེ་མའོ་ཀྱེ་མའོ་དེ་བཞིན་གཤེགས་པ་ཐུགས་རྗེ་ལྡན། །དེ་བཞིན་
D557.090.0061b04.01གཤེགས་པ་ཤཱཀྱའི་ཐུབ་པ་དབང་པོ་ཞི། །ཞི་བའི་དམ་པ་ཞི་བའི་གྲོང་ཁྱེར་རབ་ཏུ་ཞུགས། །ཏིང་འཛིན་ཟབ་ཅིང་ཞི་ལ་རྡུལ་དང་བྲལ་བ་ནི། །རྒྱལ་བ་སངས་རྒྱས་སྤྱོད་ཡུལ་དེར་ཡང་རབ་ཏུ་ཞུགས། །དེ་ལྟར་ཉན་ཐོས་རྣམས་ཀྱི་ལུས་ནི་སྟོང་པ་སྟེ། །རྐང་གཉིས་དམ་པ་རྣམས་ཀྱི་གནས་
D557.090.0061b05.01པའང་སྟོང་པ་ལགས། །ཆོས་རྣམས་དེ་དག་ཐམས་ཅད་རང་བཞིན་སྟོང་ལགས་ན། །སེམས་ཅན་རྣམས་ནི་སྟོང་པའི་བདག་ཉིད་མ་འཚལ་ཏོ། །རྟག་པ་ཐེར་ཟུག་ཏུ་ནི་རྒྱལ་བ་དྲན་པར་བགྱིད། །རྒྱལ་བ་མཐོང་བར་ཡང་ནི་རྟག་ཏུ་མྱ་ངན་བགྱིད། །རྫོགས་པའི་སངས་རྒྱས་ཉི་མ་མཐོང་
D557.090.0061b06.01བར་བགྱིད་སླད་དུ། །རྟག་པར་ཡང་ནི་སྨོན་ལམ་རབ་ཏུ་འདེབས་པར་བགྱིད། །བདག་ནི་རྟག་ཏུ་དོག་སར་པུས་མོ་བཙུགས་ནས་སུ། །རྒྱལ་བའི་གཟུགས་ཀྱིས་སྐོམ་པའི་མྱ་ངན་རབ་ཏུ་སེམས། །འདྲེན་པའི་སླད་དུ་སྙིང་རྗེའི་སྐད་ཀྱིས་ངུ་བར་བགྱིད། །བདག་ནི་བདེ་བར་གཤེགས་པ་མཐོང་
D557.090.0061b07.01