完整藏文原文 · 德格版页 当前仅加载第 90 函德格 31b 版页；藏文 NFD、目录标记与异常页序保留在来源切片中，重复版页行以稳定序号区分。
བྱད་ཐམས་ཅད་ཀྱང་འབྱོར་པར་འགྱུར་རོ། །ལྷ་མོ་ཆེན་མོ་དཔལ་གྱི་མཐུས་དེ་བཞིན་གཤེགས་པ་དེ་ལ་མཆོད་པར་བྱ། སྤོས་དང་མེ་ཏོག་དང་བདུག་པ་ཡང་དབུལ་བར་བྱ། ལྷ་མོ་ཆེན་མོ་དཔལ་གྱི་མིང་ནས་ལན་གསུམ་བརྗོད་ཅིང་དེ་ལ་སྤོས་དང་། བདུག་པ་དང་མེ་ཏོག་ཀྱང་བྱིན་ལ་རོ་བྲོ་བ་
D557.090.0031b01.01སྣ་ཚོགས་ཀྱང་བྱིན་ན་དེའི་འབྲུའི་ཕུང་པོ་ཆེན་པོ་རྣམ་པར་འཕེལ་བར་འགྱུར་རོ། །དེ་ལ་འདི་སྐད་ཅེས་བྱ་སྟེ། ས་ལ་ས་ཡི་བཅུད་དག་རྣམ་པར་འཕེལ། །ལྷ་རྣམས་རྟག་པར་རབ་ཏུ་དགའ་བར་འགྱུར། །འབྲས་བུ་ལོ་ཏོག་ལྡུམ་སྡོང་ལྗོན་ལྷ་རྣམས། །ལོ་ཏོག་ཤིན་ཏུ་སྣ་ཚོགས་
D557.090.0031b02.01རྣམས་ཀྱང་བསྐྱེད། །གསེར་འོད་དམ་པ་མདོ་སྡེའི་དབང་པོའི་རྒྱལ་པོའི་མིང་བརྗོད་པའི་སེམས་ཅན་དེ་དག་ལ་ལྷ་མོ་ཆེན་མོ་དཔལ་སེམས་པར་འགྱུར། དེ་དག་ལ་དཔལ་ཆེན་པོར་བྱེད་པར་འགྱུར་རོ། །ལྷ་མོ་ཆེན་མོ་དཔལ་ནི་ལྕང་ལོ་ཅན་གྱི་ཕོ་བྲང་འཁོར་ན་སྐྱེད་མོས་ཚལ་དམ་པ་
D557.090.0031b03.01བསོད་ནམས་ཀྱི་མེ་ཏོག་འོད་ཅེས་བྱ་བ་ན་རིན་པོ་ཆེ་སྣ་བདུན་ལས་བྱས་པའི་ཁང་པ་དམ་པ་གསེར་གྱི་རྒྱལ་མཚན་ཞེས་བྱ་བ་ན་གནས་ཏེ། མི་གང་ལ་ལ་འབྲུའི་ཕུང་པོ་སྤེལ་བར་འདོད་པ་དེས་རང་གི་ཁྱིམ་ཕྱག་དར་ལེགས་པར་བྱ། ཁྲུས་ལེགས་པར་བྱ། གོས་དཀར་པོ་གཙང་
D557.090.0031b04.01མ་བགོ་བར་བྱ། གོས་དྲི་རབ་ཏུ་ཞིམ་པ་བགོ་བར་བྱའོ། །དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིན་ཆེན་མེ་ཏོག་ཡོན་ཏན་རྒྱ་མཚོ་བཻ་ཌཱུརྱ་དང་། གསེར་གྱི་རི་ཁ་དོག་བཟང་པོ་གསེར་དུ་སྣང་བའི་དཔལ་དེ་ལ་ཕྱག་འཚལ་ཞིང་མཚན་ནས་ཀྱང་ལན་
D557.090.0031b05.01གསུམ་བརྗོད། ལྷ་མོ་ཆེན་མོ་དཔལ་གྱི་ལག་ནས་དེ་བཞིན་གཤེགས་པ་ལ་མཆོད་པར་བྱེད། མེ་ཏོག་དང་བདུག་པ་དང་སྤོས་ཀྱང་དབུལ། རོ་བྲོ་བ་སྣ་ཚོགས་ཀྱང་དབུལ། གསེར་འོད་དམ་པ་མདོ་སྡེའི་དབང་པོའི་རྒྱལ་པོའི་མིང་ཡང་ལན་གསུམ་བརྗོད། བདེན་པའི་ཚིག་ཀྱང་
D557.090.0031b06.01བརྗོད། ལྷ་མོ་ཆེན་མོ་དཔལ་ལ་ཡང་མཆོད་ཅིང་མེ་ཏོག་དང་བདུག་པ་ཡང་འབུལ། རོ་བྲོ་བ་སྣ་ཚོགས་ཀྱང་འབུལ་ན་གསེར་འོད་དམ་པ་མདོ་སྡེའི་དབང་པོའི་རྒྱལ་པོ་འདིའི་མཐུས། དེའི་ཚེ་ལྷ་མོ་ཆེན་མོ་དཔལ་ཁྱིམ་དེ་ལ་སེམས་པར་འགྱུར། དེའི་འབྲུའི་ཕུང་པོ་ཆེན་པོ་ཡང་འཕེལ་
D557.090.0031b07.01