完整藏文原文 · 德格版页 当前仅加载第 90 函德格 40b 版页；藏文 NFD、目录标记与异常页序保留在来源切片中，重复版页行以稳定序号区分。
མཆོག་གི་གནས་སུ་སོང་། །རྒྱལ་བའི་ཉན་ཐོས་རྣམས་ལ་མཆོད་བྱེད་ཅིང་། །འཕགས་པའི་དགེ་འདུན་འདི་ནི་རིན་ཆེན་སོག །ཡོན་ཏན་ལྡན་པའི་དགེ་སློང་གང་ཡོད་ཅེས། །ཆོས་སྨྲ་རིན་ཆེན་སོག་པ་ཀུན་ཏུ་དྲིས། །དེ་ཡི་ཚེ་ན་རིན་ཆེན་སོག་པ་ནི། །ཕུག་གཞན་ཞིག་གི་ནང་ན་
D557.090.0040b01.01འདུག་གྱུར་ཏེ། །མདོ་སྡེའི་རྒྱལ་པོ་འདི་ནི་རྣམ་སེམས་ལ། །ཁ་ཏོན་བྱེད་ཅིང་བདེ་བར་རབ་ཏུ་འདུག །དགེ་སློང་ཆོས་སྨྲ་རིན་ཆེན་སོག་པ་དེ། །ཕུན་སུམ་གཟི་བརྗིད་དཔལ་གྱིས་རབ་འབར་ཞིང་། །ཕུག་གཞན་ཞིག་གི་ནང་ན་འདུག་གྱུར་པ། །དེ་ཡི་ཚེ་ན་རྒྱལ་པོ་དེ་ལ་བསྟན། །འདི་ན་
D557.090.0040b02.01ཆོས་སྨྲ་རིན་ཆེན་སོག་པ་འདི། །རྒྱལ་པོའི་སྤྱོད་ཡུལ་ཟབ་མོ་འཛིན་པ་སྟེ། །གསེར་འོད་དམ་པ་ཞེས་ནི་བྱ་བ་ཡི། །མདོ་སྡེའི་དབང་པོའི་རྒྱལ་པོ་རྟག་ཏུ་སྟོན། །རིན་ཆེན་སོག་པའི་རྐང་ལ་ཕྱག་འཚལ་ཏེ། །རྒྱལ་པོ་ལེགས་པར་བྱུང་བས་འདི་སྐད་སྨྲས། །གསེར་འོད་དམ་པ་མདོ་
D557.090.0040b03.01སྡེའི་དབང་པོའི་རྒྱལ། །ཟླ་བ་ཉ་བའི་ཞལ་འདྲ་བཤད་དུ་གསོལ། །རྒྱལ་པོ་ལེགས་པར་བྱུང་བ་དེ་ཉིད་ལ། །རིན་ཆེན་སོག་པས་ཁས་ནི་བླངས་པས་ན། །སྟོང་གསུམ་པ་ཡི་འཇིག་རྟེན་ཐམས་ཅད་དུ། །ལྷ་རྣམས་ཐམས་ཅད་རབ་ཏུ་དགའ་བར་འགྱུར། །དེ་ཚེ་མི་ཡི་དབང་
D557.090.0040b04.01པོས་ས་ཕྱོགས་ནི། །གཙང་ཞིང་མཆོག་ཏུ་ཁྱད་པར་འཕགས་པ་དེར། །རིན་ཆེན་ཆུ་དང་སྤོས་ཆུས་ཆག་ཆག་བཏབ། །མེ་ཏོག་སིལ་མ་བཀྲམ་སྟེ་ཁྲི་བཤམས་ནས། །རྒྱལ་པོས་ཁྲི་དེ་གདུགས་དང་རྒྱལ་མཚན་དང་། །དར་ཡུག་སྟོང་ཕྲག་དུ་མས་ལེགས་པར་བརྒྱན། །རྒྱལ་
D557.090.0040b05.01པོས་ཁྲི་དེར་ཙན་དན་དམ་པ་དག །རྣམ་པ་སྣ་ཚོགས་དག་ཀྱང་མངོན་པར་གཏོར། །ལྷ་དང་ཀླུ་དང་ལྷ་མིན་མི་འམ་ཅི། །གནོད་སྦྱིན་དབང་དང་མཁའ་ལྡིང་ལྟོ་འཕྱེ་ཆེས། །ལྷ་ཡི་མེ་ཏོག་མན་དཱ་ར་བའི་ཆར། །ཁྲི་དེ་ལ་ནི་མངོན་པར་རབ་ཏུ་ཕབ། །ཆོས་འདོད་ལྷ་ནི་བྱེ་བ་ཁྲག་ཁྲིག་
D557.090.0040b06.01སྟོང་། །བསམ་གྱིས་མི་ཁྱབ་གང་དག་ལྷགས་གྱུར་པ། །རིན་ཆེན་སོག་པ་མངོན་པར་བྱུང་བ་ན། །སཱ་ལའི་མེ་ཏོག་དག་གིས་མངོན་པར་འཐོར། །ཆོས་སྨྲ་རིན་ཆེན་སོག་པ་དེ་ཉིད་ཀྱང་། །ཤིན་ཏུ་ལུས་བཀྲུས་གཙང་མའི་གོས་བགོས་ཏེ། །ཁྲི་དེར་ཉེ་བར་སོང་བར་བྱས་ནས་ནི། །ཐལ་
D557.090.0040b07.01