完整藏文原文 · 德格版页 当前仅加载第 90 函德格 20a 版页；藏文 NFD、目录标记与异常页序保留在来源切片中，重复版页行以稳定序号区分。
བདག་གི་སྟན་རབ་ཏུ་དམའ་བ་གདིང་བར་བགྱི་སྟེ། སྟན་དེ་ལ་མཆིས་ནས་རྒྱལ་པོའི་རྒྱགས་པས་དྲེགས་པར་མི་བགྱིའོ། །དེར་རྒྱལ་སྲིད་ཀྱི་དབང་ཕྱུག་ལ་ཆགས་པར་མི་བགྱིའོ། །རྒྱགས་པ་དང་ང་རྒྱལ་དང་དྲེགས་པ་ཐམས་ཅད་རྣམ་པར་སྤངས་པའི་སེམས་ཀྱིས་གསེར་
D557.090.0020a01.01འོད་དམ་པ་མདོ་སྡེའི་དབང་པོའི་རྒྱལ་པོ་འདི་མཉན་པར་བགྱིའོ། །དགེ་སློང་ཆོས་སྨྲ་བ་དེ་ལ་ཡང་སྟོན་པར་འདུ་ཤེས་བསྐྱེད་པར་བགྱིའོ། །མིའི་རྒྱལ་པོ་དེས་དེའི་ཚེ་དེའི་དུས་ན། བཙུན་མོ་དམ་པ་དང་། རྒྱལ་བུ་རྣམས་དང་། རྒྱལ་པོའི་བུ་མོ་རྣམས་དང་། བཙུན་མོའི་འཁོར་གྱི་ཚོགས་རྣམས་ལ་
D557.090.0020a02.01སྡུག་པ་དང་ཕན་པས་བལྟ་བར་བགྱིའོ། །བཙུན་མོ་དམ་པ་དང་། རྒྱལ་བུ་རྣམས་དང་། རྒྱལ་པོའི་བུ་མོ་རྣམས་ལ་ཚིག་སྙན་པ་སྨྲ་བར་བགྱིའོ། །བཙུན་མོའི་འཁོར་གྱི་ཚོགས་ཐམས་ཅད་ལ་ཡང་ཚིག་སྙན་པ་སྨྲ་བར་བགྱིའོ། །ཆོས་ཉན་པའི་མཆོད་པ་རྣམ་པ་སྣ་ཚོགས་སྦྱོར་དུ་སྩལ་བར་བགྱིའོ། །
D557.090.0020a03.01དགའ་བ་བསམ་གྱིས་མི་ཁྱབ་ཅིང་མཚུངས་པ་མ་མཆིས་པས་བདག་ཚིམ་པར་བགྱིའོ། །དགའ་བ་དང་བདེ་བ་བསམ་གྱིས་མི་ཁྱབ་པས་བདེ་བར་བགྱིའོ། །དབང་པོ་བདེ་བར་བགྱིའོ། །བདག་ཉིད་དོན་ཆེན་པོ་ཐོབ་པར་བསམ་པར་བགྱིའོ། །བདག་དགའ་བ་ཆེན་པོས་དགའ་བར་བགྱིའོ། །
D557.090.0020a04.01རབ་ཏུ་དགའ་བ་ཆེན་པོ་བསྐྱེད་ནས་ཆོས་སྨྲ་བ་བསུ་བར་བགྱིའོ། །དེ་སྐད་ཅེས་གསོལ་པ་དང་། བཅོམ་ལྡན་འདས་ཀྱིས་རྒྱལ་པོ་ཆེན་པོ་བཞི་ལ་འདི་སྐད་ཅེས་བཀའ་སྩལ་ཏོ། །རྒྱལ་པོ་ཆེན་པོ་དག་དེའི་ཚེ་དེའི་དུས་ན། མིའི་རྒྱལ་པོ་དེས་གོས་ཐམས་ཅད་དཀར་པོ་སར་པ་མཛེས་པ་བགོ་བར་
D557.090.0020a05.01བྱའོ། །སྤུད་པ་དང་རྒྱན་སྣ་ཚོགས་ཀྱིས་བདག་ལེགས་པར་བརྒྱན་པར་བྱའོ། །གདུགས་དཀར་པོ་ཡང་གཟུང་བར་བྱའོ། །རྒྱལ་པོའི་མཐུ་ཆེན་པོ་དང་རྒྱལ་པོའི་བཀོད་པ་ཆེན་པོས་བཀྲ་ཤིས་ཐ་དད་པ་སྣ་ཚོགས་ཐོགས་ཏེ། རྒྱལ་པོའི་ཕོ་བྲང་དེ་ནས་བྱུང་ལ་ཆོས་སྨྲ་བ་བསུ་བའི་ཕྱིར་དེར་
D557.090.0020a06.01འགྲོ་བར་བྱའོ། །དེ་ཅིའི་ཕྱིར་ཞེ་ན། མིའི་རྒྱལ་པོས་དེར་གོམ་པ་ཇི་སྙེད་བོར་བ་དེ་སྙེད་ཀྱི་བསྐལ་པ་བྱེ་བ་ཁྲག་ཁྲིག་བརྒྱ་སྟོང་གི་འཁོར་བ་ཕྱིར་བསྙིལ་བར་འགྱུར། དེ་སྙེད་ཀྱི་འཁོར་ལོས་སྒྱུར་པའི་རྒྱལ་རིགས་བྱེ་བ་ཁྲག་ཁྲིག་བརྒྱ་སྟོང་ཐོབ་པར་འགྱུར། དེར་གོམ་པ་ཇི་སྙེད་བོར་བ་དེ་སྙེད་དུ་ཚེ་འདི་
D557.090.0020a07.01