完整藏文原文 · 德格版页 当前仅加载第 90 函德格 44b 版页；藏文 NFD、目录标记与异常页序保留在来源切片中，重复版页行以稳定序号区分。
པདྨ་དཀར་པོ་སྣ་ཚོགས་སྐྱེ། །ནམ་མཁའ་ལ་ནི་དུ་བ་དང་། །སྤྲིན་གྱི་དྲ་བ་མེད་ཅིང་དག །མུན་པ་དང་ནི་རྡུལ་མེད་ཅིང་། །ཕྱོགས་རྣམས་རབ་ཏུ་འོད་གསལ་ལོ། །ཉི་མའི་འོད་ཟེར་སྟོང་ལྡན་ཡང་། །འོད་ཟེར་དྲ་བས་འོད་ཀྱང་མཛེས། །སྣང་བ་དག་ནི་ཟབ་མོ་ཡིས། །རབ་ཏུ་
D557.090.0044b01.01དགའ་བར་འཆར་བར་འགྱུར། །དབང་པོ་ཉི་མ་ལྷ་ཡི་བུ། །འཛམ་བུ་གླིང་གི་གསེར་གྱི་ནི། །གཞལ་མེད་ཁང་ན་འདུག་པ་ཡང་། །མདོ་སྡེ་འདིས་ནི་རབ་ཏུ་ཚིམ། །དབང་པོ་ཉི་མ་རབ་དགའ་ནས། །འཛམ་བུའི་གླིང་དུ་འཆར་བྱེད་ཅིང་། །འོད་ཟེར་མཐའ་ཡས་དྲ་བ་ཡི། །
D557.090.0044b02.01ཀུན་ནས་རབ་ཏུ་སྣང་བར་བྱེད། །དེ་ནི་ཤར་བ་ཙམ་གྱིས་ཀྱང་། །འོད་ཟེར་དྲ་བ་རབ་གཏོང་ཞིང་། །རྫིང་བུ་སྣ་ཚོགས་ཁེངས་པ་ཡི། །པདྨ་དག་ནི་ཁ་ཡང་འབྱེད། །འཛམ་བུའི་གླིང་འདི་ཐམས་ཅད་དུ། །མེ་ཏོག་འབྲས་བུ་སྨན་སྣ་ཚོགས། །ཡང་དག་ཡོངས་སུ་སྨིན་བྱེད་ཅིང་། །ས་
D557.090.0044b03.01རྣམས་ཐམས་ཅད་ཚིམ་པར་བྱེད། །ཟླ་བ་དང་ནི་ཉི་མ་ཡང་། །དེ་ཚེ་ཁྱད་འཕགས་སྣང་བར་འགྱུར། །རྒྱུ་སྐར་ཡང་དག་འབྱུང་འགྱུར་ཞིང་། །རླུང་ཡང་དེ་བཞིན་ལྡང་བར་འགྱུར། །འཛམ་བུའི་གླིང་ནི་ཐམས་ཅད་དུ། །ཀུན་ཏུ་ལོ་ཡང་ལེགས་འགྱུར་ཏེ། །གང་ན་མདོ་སྡེ་འདི་ཡོད་
D557.090.0044b04.01པ། །ཡུལ་འཁོར་དེ་ནི་ཁྱད་པར་འཕགས། །གསེར་འོད་དམ་པ་མདོ་སྡེའི་དབང་པོའི་རྒྱལ་པོ་ལས། གནོད་སྦྱིན་གྱི་གནས་ཞེས་བྱ་བ་ཀུན་ཏུ་བསྲུངས་པའི་ལེའུ་སྟེ་བཅུ་བཞི་པའོ།། །།དེ་སྐད་ཅེས་བཀའ་སྩལ་པ་དང་། བཅོམ་ལྡན་འདས་ལ་རིགས་ཀྱི་ལྷ་མོ་བྱང་ཆུབ་ཡང་དག་པར་
D557.090.0044b05.01བསྡུས་པས་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས་འབར་བའི་ཁྱད་པར་གྱི་གཟི་བརྗིད་རྒྱལ་པོ་ལ་སོགས་པ་ལྷའི་བུ་སྟོང་ཕྲག་བཅུ་པོ་དག་རྒྱུ་གང་དང་རྐྱེན་གང་དང་། དགེ་བའི་རྩ་བ་སྦྱངས་པ་ཅི་འདྲ་བ་དང་གང་བགྱིས་ཤིང་བསགས་པས། སྐྱེས་བུ་དམ་པ་གསུམ་པོ་
D557.090.0044b06.01འདི་དག་བྱང་ཆུབ་ཏུ་ལུང་བསྟན་པ་ཐོས་ནས། ད་ལྟར་སུམ་ཅུ་རྩ་གསུམ་གྱི་གནས་ནས་ལྷགས་ཏེ། བཅོམ་ལྡན་འདས་ལ་ཆོས་མཉན་པའི་སླད་དུ་མཆིས་ན། འདི་ལྟ་སྟེ་བྱང་ཆུབ་སེམས་དཔའ་མཛེས་པའི་ཏོག་སྐྱེས་བུ་དམ་པ་འདི་མ་འོངས་པའི་དུས་ན། བསྐལ་པ་བགྲང་བ་ལས་འདས་
D557.090.0044b07.01