完整藏文原文 · 德格版页 当前仅加载第 90 函德格 29b 版页；藏文 NFD、目录标记与异常页序保留在来源切片中，重复版页行以稳定序号区分。
ཕུང་པོའི་ལས་ཀྱི་འཇིགས་འབྱུང་དང་། །འབྱུང་པོའི་ཁམས་རྣམས་འཁྲུག་བགྱིད་པ། །འཇིགས་པ་མི་བཟད་ཞི་གྱུར་ཅིག །ཏདྱ་ཐཱ། ཤ་མེ། བི་ཤ་མེ་སྭཱ་ཧཱ། ས་ག་ཊེ། བི་ག་ཊེ་སྭཱ་ཧཱ། སུ་ཁ་ཏི་ན་ཏེ་སྭཱ་ཧཱ། སཱ་ག་ར་སཾ་བྷཱུ་ཏཱ་ཡ་སྭཱ་ཧཱ། སྐན་དྷ་མ་ཏཱ་ཡ་སྭཱ་ཧཱ། ནཱི་ལ་ཀཎྛཱ་ཡ་སྭཱ་ཧཱ། ཨ་པ་
D557.090.0029b01.01ར་ཛི་ཏ་བཱིརྱཱ་ཡ་སྭཱ་ཧཱ། ཧི་མ་བ་ཏ་སཾ་བྷཱུ་ཏཱ་ཡ་སྭཱ་ཧཱ། ཨ་ནི་མི་ལ་བཀ་ཏྲཱ་ཡ་སྭཱ་ཧཱ། ན་མོ་བྷ་ག་བ་ཏེ། བྲཧྨ་ཎེ། ན་མཿས་ར་སྭ་ཏྱཻ་དེ་བྱཻ་སིདྷྱཾ་ཏུ་མནྟྲ་པ་ད། དཾ་བྲཧྨ་ཨ་ནུ་མ་ནྱ་ཏུ་སྭཱ་ཧཱ། དགེ་སློང་ཆོས་སྨྲ་བ་དེ་བསྲུང་བ་དང་ཆོས་མཉན་པ་དེ་དག་དང་། ཡི་གེར་འདྲི་བ་དེ་དག་གི་དོན་གྱི་
D557.090.0029b02.01སླད་དུ་ཁྲུས་ཀྱི་ལས་འདིས་བདག་ཉིད་དེར་མཆི་བར་བགྱིའོ། །ལྷའི་ཚོགས་ཐམས་ཅད་དང་ལྷན་ཅིག་ཏུ་གྲོང་ངམ་གྲོང་ཁྱེར་རམ་གྲོང་རྡལ་ལམ། གཙུག་ལག་ཁང་དེར་ནད་ཐམས་ཅད་རབ་ཏུ་ཞི་བར་བགྱིའོ། །ཇི་ལྟར་དགེ་སློང་ངམ། དགེ་སློང་མའམ། དགེ་བསྙེན་ནམ། དགེ་བསྙེན་
D557.090.0029b03.01མ་མདོ་སྡེའི་དབང་པོ་འཛིན་པ་དེ་དག་གི་སྲོག་ལ་ཕན་གདགས་པར་འགྱུར་བ་དང་། འཁོར་བ་ལས་འབྱུང་བ་ཐོབ་པར་འགྱུར་བ་དང་། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལས་ཕྱིར་མི་ལྡོག་པར་འགྱུར་བ་དང་། མྱུར་དུ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་
D557.090.0029b04.01རྫོགས་པར་འཚང་རྒྱ་བར་འགྱུར་བར་གཟའ་དང་། འཐབ་པ་དང་། རྙོག་པ་དང་། བཙས་པའི་སྐར་མའི་གནོད་པ་དང་། རྨི་ལམ་ངན་པ་དང་། ལོག་འདྲེན་གྱི་གནོད་པ་ཐམས་ཅད་དང་། བྱད་དང་། རོ་ལངས་ཐམས་ཅད་རབ་ཏུ་ཞི་བར་བགྱིའོ། །དེ་ནས་བཅོམ་ལྡན་འདས་ཀྱིས་ལྷ་
D557.090.0029b05.01མོ་དབྱངས་ཅན་ལ། ལྷ་མོ་ཆེན་མོ་དབྱངས་ཅན་ཁྱོད་སྐྱེ་བོ་མང་པོ་ལ་ཕན་པ་དང་སྐྱེ་བོ་མང་པོ་ལ་བདེ་བའི་ཕྱིར་ཞུགས་ཏེ། ཁྱོད་ཀྱིས་སྔགས་དང་སྨན་དང་ལྡན་པའི་ཚིག་འདི་འདྲ་བ་བཤད་པ་ནི་ལེགས་སོ་ལེགས་སོ་ཞེས་བྱ་བ་བྱིན་ནོ། །ལྷ་མོ་དབྱངས་ཅན་གྱིས་བཅོམ་ལྡན་འདས་ཀྱི་ཞབས་
D557.090.0029b06.01ལ་ཕྱག་འཚལ་ནས་ཕྱོགས་གཅིག་ཏུ་འདུག་གོ། །དེ་ནས་སློབ་དཔོན་ལུང་སྟོན་པ་བྲམ་ཟེ་ཀཽཎྜི་ནྱས་ལྷ་མོ་དབྱངས་ཅན་དེ་བཀུག་གོ། །ལྷ་མོ་ཆེན་མོ་དབྱངས་ཅན་མཆོད་འོས་དཀའ་ཐུབ་ཆེ། །འཇིག་རྟེན་ཀུན་ཏུ་རྣམ་གྲངས་མཆོག་སྦྱིན་ཡོན་ཏན་ཆེ། །རྩེར་གནས་མཛེས་མ་དར་བ་རྩྭ་
D557.090.0029b07.01