完整藏文原文 · 德格版页 当前仅加载第 90 函德格 36a 版页；藏文 NFD、目录标记与异常页序保留在来源切片中，重复版页行以稳定序号区分。
གཅིག་ཐོས་པར་གྱུར་ཏེ། གཟུང་བ་དང་ཐ་ན་གསེར་འོད་དམ་པ་མདོ་སྡེའི་དབང་པོའི་རྒྱལ་པོ་འདིའི་མིང་ཐོས་པར་གྱུར་ཏེ། གཟུང་བ་དེ་དག་ཐམས་ཅད་ཀྱང་ཀུན་ཏུ་བསྲུང་བར་བགྱིའོ། །ཡོངས་སུ་བསྐྱབ་པ་དང་། ཡོངས་སུ་གཟུང་བ་དང་། ཡོངས་སུ་བསྐྱང་བ་དང་།
D557.090.0036a01.01ཆད་པ་སྤང་བ་དང་། ཞི་བ་དང་བདེ་ལེགས་སུ་འགྱུར་བར་བགྱིའོ། །རིགས་དེ་དག་དང་། ཁྱིམ་དེ་དག་དང་། གྲོང་དེ་དག་དང་། གྲོང་ཁྱེར་དེ་དག་དང་། གྲོང་རྡལ་དེ་དག་དང་། དགོན་པ་དེ་དག་དང་། ཕོ་བྲང་འཁོར་དེ་དག་ཀྱང་ཀུན་ཏུ་བསྲུང་བར་བགྱིའོ། །ཡོངས་སུ་བསྐྱབ་པ་དང་།
D557.090.0036a02.01ཡོངས་སུ་གཟུང་བ་དང་། ཡོངས་སུ་བསྐྱང་བ་དང་། ཆད་པ་སྤང་བ་དང་། ཞི་བ་དང་བདེ་ལེགས་སུ་འགྱུར་བར་བགྱིའོ། །བཙུན་པ་བཅོམ་ལྡན་འདས་རྒྱུ་གང་དག་གིས། བདག་གནོད་སྦྱིན་གྱི་སྡེ་དཔོན་ཆེན་པོ་ཡང་དག་ཤེས་ཞེས་མིང་དུ་ཆགས་པར་གྱུར་ཅེ་ན། འདི་ནི་བཙུན་པ་བཅོམ་
D557.090.0036a03.01ལྡན་འདས་ཉིད་ཀྱི་མངོན་སུམ་མོ། །བཙུན་པ་བཅོམ་ལྡན་འདས་བདག་གིས་ཆོས་ཐམས་ཅད་འཚལ་ཏོ། །ཆོས་ཐམས་ཅད་ཡོངས་སུ་འཚལ་ཏོ། །ཆོས་ཐམས་ཅད་ཁོང་དུ་ཆུད་དོ། །ཆོས་ཐམས་ཅད་ཇི་སྙེད་པ་དང་། ཆོས་ཐམས་ཅད་ཇི་ལྟ་བ་དང་གནས་པ་གང་ལགས་
D557.090.0036a04.01པ་དང་། ཆོས་ཐམས་ཅད་ཀྱི་རིགས་གང་ལགས་པ་དང་། བཙུན་པ་བཅོམ་ལྡན་འདས་ཆོས་ཐམས་ཅད་བདག་ལ་མངོན་སུམ་མོ། །བཙུན་པ་བཅོམ་ལྡན་འདས་ཆོས་ཐམས་ཅད་ལ་བདག་གི་ཡེ་ཤེས་སྣང་བ་བསམ་གྱིས་མི་ཁྱབ་བོ། །ཡེ་ཤེས་ཀྱི་གསལ་བ་བསམ་གྱིས་མི་
D557.090.0036a05.01ཁྱབ་བོ། །ཡེ་ཤེས་ཀྱི་རྒྱུ་བ་བསམ་གྱིས་མི་ཁྱབ་བོ། །ཡེ་ཤེས་ཀྱི་ཕུང་པོ་བསམ་གྱིས་མི་ཁྱབ་བོ། །བཙུན་པ་བཅོམ་ལྡན་འདས་ཆོས་ཐམས་ཅད་ལ་བདག་གི་ཡེ་ཤེས་ཀྱི་ཡུལ་འཇུག་པ་བསམ་གྱིས་མི་ཁྱབ་བོ། །བཙུན་པ་བཅོམ་ལྡན་འདས་ཇི་ལྟར་བདག་ཆོས་ཐམས་ཅད་
D557.090.0036a06.01ཡང་དག་པར་འཚལ་བ་དང་། ཡང་དག་པར་ཡོངས་སུ་བརྟགས་པ་དང་། ཡང་དག་པར་ཡོངས་སུ་འཚལ་བ་དང་། ཡང་དག་པར་རྣམ་པར་བལྟས་པ་དང་། ཡང་དག་པར་ཁོང་དུ་ཆུད་པའི་རྒྱུ་དེས་ན། བཙུན་པ་བཅོམ་ལྡན་འདས་བདག་གནོད་སྦྱིན་གྱི་སྡེ་དཔོན་ཆེན་པོ་ཡང་
D557.090.0036a07.01