完整藏文原文 · 德格版页 当前仅加载第 90 函德格 54b 版页；藏文 NFD、目录标记与异常页序保留在来源切片中，重复版页行以稳定序号区分。
ལ་བུ་ལྷ་གཞོན་ནུ་དང་འདྲ་བ་གསུམ་ཞིག་ཡོད་དེ་སྒྲ་ཆེན་པོ་དང་ལྷ་ཆེན་པོ་དང་སེམས་ཅན་ཆེན་པོའོ། །དེ་ནས་རྒྱལ་པོ་རྩེ་བའི་ཕྱིར་སྐྱེད་མོས་ཚལ་གྱི་སར་བྱུང་བ་དང་། གཞོན་ནུ་དེ་དག་སྐྱེད་མོས་ཚལ་དེའི་ཡོན་ཏན་ལ་ཆགས་ཤིང་མེ་ཏོག་འདོད་པས་ཕན་ཚུན་རྒྱུ་སྟེ། ནགས་སྟུག་པོ་ཆེན་པོ་བཅུ་
D557.090.0054b01.01གཉིས་སུ་ཞུགས་སོ། །དེ་ནས་རྒྱལ་པོའི་བུ་དག་དོང་བ་དང་གཞོན་ནུའི་རིམ་གྲོ་པ་རྣམས་ཀྱང་རྒྱལ་བུས་བསྐྲད་ནས་ཕན་ཚུན་དོང་སྟེ། ཀུན་ཏུ་བསྲུངས་པའི་སྐྱེད་མོས་ཚལ་ཆེན་པོའི་ནགས་སྟུག་པོ་བཅུ་གཉིས་སུ་ཞུགས་སོ། །དེ་ནས་སྒྲ་ཆེན་པོས་ནུ་བོ་གཉིས་ལ་སྨྲས་པ། ཁོ་བོའི་སྙིང་
D557.090.0054b02.01འཇིགས་པས་ནོན་ན་འདིར་བདག་ཅག་གཅན་གཟན་གྱིས་གསད་དུ་འོང་གིས་ཚུར་ཤོག །ལྷ་ཆེན་པོས་སྨྲས་པ། བདག་ལ་འཇིགས་པ་ནི་མ་མཆིས་ན། སྐྱེ་བོ་སྡུག་པ་དང་བྲལ་བ་སྙམ་བགྱིད་པའི་སྙིང་དུ་གྱུར་ཏོ། །སེམས་ཅན་ཆེན་པོས་སྨྲས་པ། ཐུབ་པས་བསྔགས་པའི་
D557.090.0054b03.01ནགས་ཁྲོད་དབེན་པ་འདིར། །བདག་ནི་མི་འཇིགས་མྱ་ངན་མ་མཆིས་ཀྱི། །ཤིན་ཏུ་རྒྱས་མཆོག་དོན་ཆེན་རྙེད་སྙམ་སྟེ། །བདག་གི་སྙིང་འདི་རབ་ཏུ་དགའ་བར་གྱུར། །དེ་ནས་རྒྱལ་བུ་གཞོན་ནུ་དེ་དག་ནགས་སྟུག་པོ་བཅུ་གཉིས་པོ་དེ་དག་གི་ཁྲོད་དུ་རྒྱུ་བ་ན་སྟག་མོ་བུ་བྱུང་ནས་
D557.090.0054b04.01ཞག་བདུན་ལོན་པ་ཞིག་བུ་ལྔས་བསྐོར་ཏེ། བཀྲེས་ཤིང་སྐོམ་པས་ཉམ་སྨད་ནས་ལུས་མཆོག་ཏུ་ཉམ་ཆུང་བར་གྱུར་པ་དེ་འདྲ་བ་ཞིག་མཐོང་ངོ་། །མཐོང་ནས་སྒྲ་ཆེན་པོས་སྨྲས་པ། ཀྱེ་མའོ་ཉོན་མོངས་མ་འདི་བུ་བྱུང་ནས་ཞག་དྲུག་གམ་ཞག་བདུན་ལོན་པར་གྱུར་ལ། ད་ལྟར་ཟས་མ་
D557.090.0054b05.01རྙེད་པས་ཡང་ན་ནི་རང་གི་བུ་ལ་ཟ་བར་འགྱུར། ཡང་ན་ནི་བཀྲེས་པས་འཆི་བའི་དུས་བྱེད་པར་འགྱུར་རོ། །སེམས་ཅན་ཆེན་པོས་སྨྲས་པ། ཉོན་མོངས་མ་འདིའི་ཟས་ཅི། སྒྲ་ཆེན་པོས་སྨྲས་པ། འདི་ལྟར་གང་ཤ་སར་པ་དང་ཁྲག་དྲོན་པོ་ཡོད་ན་དེ་ནི་སྟག་དང་དོམ་དང་དྲེད་དང་སེང་གེ་རྣམས་
D557.090.0054b06.01ཀྱི་ཟས་ཡིན་ནོ་ཞེས་ཟེར་རོ། །ལྷ་ཆེན་པོས་སྨྲས་པ། འདིར་ཉོན་མོངས་བཀྲེས་པ་དང་སྐོམ་པ་དང་ལྡན་པའི་ལུས་སུ་གྱུར་པས་སྲོག་གི་ལྷག་མ་ཅུང་ཟད་ཅིག་ལུས་ཏེ། རབ་ཏུ་ཉམ་ཆུང་བ་འདིས་གནས་འདིར་ཟས་སྐོམ་ཚོལ་ནི་མི་ནུས་ན་འདིའི་སྲོག་ཡོངས་སུ་བསྲུང་བའི་ཕྱིར་སུ་ཞིག་རང་གི་
D557.090.0054b07.01