完整藏文原文 · 德格版页 当前仅加载第 90 函德格 51a 版页；藏文 NFD、目录标记与异常页序保留在来源切片中，重复版页行以稳定序号区分。
པ་ཆེན་པོ་ལ་མངོན་པར་དད་དོ། །ཁ་ཅིག་ནི་སྨོད་དོ། །དེ་ནས་ཚོང་དཔོན་གྱི་བུ་ཁྱེའུ་ཆུ་འབེབས་ཀྱིས་དེའི་ཚེ་རྫིང་དེར་རྐང་པ་གཉི་གའི་པུས་མོ་ནུབ་ཙམ་དུ་འབོགས་ཏེ། བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་
D557.090.0051a01.01རིན་ཆེན་གཙུག་ཏོར་ཅན་དེ་ལ་ཕྱག་འཚལ་ལོ་ཞེས་ཆེད་དུ་བརྗོད་པ་དེ་སྐད་ཆེད་དུ་བརྗོད་དོ། །དེ་བཞིན་གཤེགས་པ་རིན་ཆེན་གཙུག་ཏོར་ཅན་སྔོན་བྱང་ཆུབ་སེམས་དཔའི་སྤྱད་པ་སྤྱོད་པ་ན། ཕྱོགས་བཅུ་དག་ན་གང་སུ་དག་འཆི་བའི་དུས་ཀྱི་ཚེ། ངའི་མིང་ཐོས་པ་དེ་དག་དེ་ནས་ཤི་འཕོས་
D557.090.0051a02.01ནས་སུམ་ཅུ་རྩ་གསུམ་གྱི་ལྷ་རྣམས་དང་སྐལ་བ་མཉམ་པར་སྐྱེ་བར་གྱུར་ཅིག་ཅེས་སྨོན་ལམ་དེ་སྐད་བཏབ་བོ། །དེ་ནས་ཚོང་དཔོན་གྱི་ཁྱེའུ་ཆུ་འབེབས་ཀྱིས་དུད་འགྲོའི་སྐྱེ་གནས་སུ་གྱུར་པ་དེ་དག་ལ་ཆོས་འདི་བཤད་དེ་འདི་ལྟ་སྟེ། འདི་ཡོད་པའི་ཕྱིར་འདི་འབྱུང་འདི་སྐྱེས་པས་འདི་སྐྱེ་བ་སྟེ།
D557.090.0051a03.01འདི་ལྟར་མ་རིག་པའི་རྐྱེན་གྱིས་འདུ་བྱེད་རྣམས། འདུ་བྱེད་རྣམས་ཀྱི་རྐྱེན་གྱིས་རྣམ་པར་ཤེས་པ། རྣམ་པར་ཤེས་པའི་རྐྱེན་གྱིས་མིང་དང་གཟུགས། མིང་དང་གཟུགས་ཀྱི་རྐྱེན་གྱིས་སྐྱེ་མཆེད་དྲུག །སྐྱེ་མཆེད་དྲུག་གི་རྐྱེན་གྱིས་རེག་པ། རེག་པའི་རྐྱེན་གྱིས་ཚོར་བ། ཚོར་བའི་
D557.090.0051a04.01རྐྱེན་གྱིས་སྲེད་པ། སྲེད་པའི་རྐྱེན་གྱིས་ལེན་པ། ལེན་པའི་རྐྱེན་གྱིས་སྲིད་པ། སྲིད་པའི་རྐྱེན་གྱིས་སྐྱེ་བ། སྐྱེ་བའི་རྐྱེན་གྱིས་རྒ་ཤི་དང་། མྱ་ངན་དང་། སྨྲེ་སྔགས་འདོན་པ་དང་། སྡུག་བསྔལ་བ་དང་། ཡིད་མི་བདེ་བ་དང་། འཁྲུག་པ་རྣམས་འབྱུང་བར་འགྱུར་ཏེ། དེ་ལྟར་ན་
D557.090.0051a05.01སྡུག་བསྔལ་གྱི་ཕུང་པོ་ཆེན་པོ་འདི་འབའ་ཞིག་འབྱུང་བར་འགྱུར་རོ། །འདི་ལྟ་སྟེ་མ་རིག་པ་འགགས་པས་འདུ་བྱེད་འགག་པར་འགྱུར་བ་ནས། དེ་ལྟར་སྡུག་བསྔལ་གྱི་ཕུང་པོ་ཆེན་པོ་འདི་འབའ་ཞིག་ཀྱང་འགག་པར་འགྱུར་རོ་ཞེས་བྱ་བའི་བར་དུའོ། །རིགས་ཀྱི་ལྷ་མོ་དེ་ལྟར་དེའི་ཚེ་དེའི་དུས་
D557.090.0051a06.01ན་ཚོང་དཔོན་གྱི་བུ་ཆུ་འབེབས་ཀྱིས། དུད་འགྲོའི་སྐྱེ་གནས་སུ་གྱུར་པ་དེ་དག་ལ་ཆོས་དང་ལྡན་པའི་གཏམ་འདི་བརྗོད་ནས། རང་གི་བུ་ཆུའི་གོས་དང་ཆུའི་སྙིང་པོ་དང་ལྷན་ཅིག་ཏུ་རང་གི་ཁྱིམ་དུ་ཕྱིན་པའི་བར་དུའོ། །དེ་ནས་དུས་གཞན་ཞིག་ན་ཚོང་དཔོན་གྱི་ཁྱེའུ་ཆུ་འབེབས་དུས་སྟོན་ཆེན་པོ་ཟོས་
D557.090.0051a07.01