完整藏文原文 · 德格版页 当前仅加载第 81 函德格 209a 版页；藏文 NFD、目录标记与异常页序保留在来源切片中，重复版页行以稳定序号区分。
ཡོངས་སུ་མཐར་བྱིན། བསོད་ནམས་དང་ཡེ་ཤེས་ཀྱི་ཚོགས་ནི་ཤིན་ཏུ་ཡོངས་སུ་རྫོགས་པ་དེ་འཁོར་ལ་ཞལ་རབ་ཏུ་འཛུམ་པར་བཅས་པས་བཞུགས་སོ། །དེ་ནས་བཅོམ་ལྡན་འདས་ཀྱིས་བྱང་ཆུབ་སེམས་དཔའ་སེམས་དཔའ་ཆེན་པོའི་འཁོར་རྒྱ་ཆེན་པོ་རྣམས་
D445.081.0209a01.01ལ་གཟིགས་ནས། དེ་དག་སྣོད་དུ་རུང་བར་བྱ་བའི་ཕྱིར་རྡོ་རྗེ་ཕྲེང་བ་མངོན་པར་བྱང་ཆུབ་པའི་རྡོ་རྗེ་ཐེག་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། བ་སྤུའི་བུ་ག་ཐམས་ཅད་ལས་འོད་ཟེར་གྱི་དྲ་བ་ཆེན་པོ་བཀྱེ་སྟེ་བཞུགས་སོ། །འོད་ཟེར་གྱི་དྲ་བ་ཆེན་པོ་དེས་ཀྱང་བྱང་
D445.081.0209a02.01ཆུབ་སེམས་དཔའ་སེམས་དཔའ་ཆེན་པོ་དེ་རྣམས་ལ་རེག་པས་མཆོག་ཏུ་དགའ་བ་ཐོབ་པ་ནི་གཉིས་སུ་མེད་པའི་སྦྱོར་བ་དང་ལྡན་པའི་བཅོམ་ལྡན་འདས་རྡོ་རྗེ་འཆང་ཆེན་པོ་ཇི་ལྟ་བ་བཞིན་ནོ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་དེ་དག་ཉིད་དགའ་བ་དང་བདེ་བ་དང་མཆོག་ཏུ་
D445.081.0209a03.01མགུ་བ་སྐྱེས་ནས་བརྒྱལ་བར་གྱུར་ཏོ། །དེ་ནས་ཡང་དེའི་དུས་སུ་བཅོམ་ལྡན་འདས་ཀྱི་མཛོད་སྤུར་འོད་ཟེར་གྱི་དྲ་བ་ཆེན་པོ་བསྡུས་པར་གྱུར་ཏོ། །བསྡུས་པ་དེ་ཡང་རྡོ་རྗེའི་ལམ་ནས་ལྕགས་ཀྱུའི་རྣམ་པ་ཅན་གྱི་འོད་ཟེར་ཆེན་པོ་ཉེ་བར་ཕྱུང་བར་གྱུར་པ་དེས་བརྒྱལ་བ་དེ་དག་ལ་རེག་
D445.081.0209a04.01ནས་རྡོ་རྗེ་ཕྲེང་བ་ལྟ་བུ་ཉིད་རྡོ་རྗེའི་ལམ་ནས་གཙུག་ཏོར་གྱི་འཁོར་ལོ་ལ་ཞུགས་ནས་གནས་སོ། །སླར་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་དེ་དག་བདེ་བ་ཆེན་པོ་རྗེས་སུ་མྱོང་བར་གྱུར་ཏེ། རྡོ་རྗེའི་ཡི་གེ་ཧཱུྃ་བརྗོད་པ་དེ་ཉིད་ཀྱིས་བདེ་བ་ཆེན་པོ་དེ་ཉིད་ཉམས་སུ་མྱོང་བ་ཉིད་ཀྱི་ཐུགས་
D445.081.0209a05.01ཀའི་ལྟེ་བའི་རྩ་སྦུབས་ནས་འོད་ཟེར་ཆེན་པོ་ཕྱུང་སྟེ་རང་རང་གི་སྟན་ལ་འཁོད་པར་གྱུར་ཏོ། །དེ་ནས་དེ་རྣམས་ཆུའི་གཏིང་ནས་འཐོན་པ་ལྟ་བུར་སེམས་དགའ་བ་སྐྱེས་ཏེ། བཅོམ་ལྡན་འདས་ཀྱི་ངོ་མཚར་ཆེན་པོའི་ཆོ་འཕྲུལ་མཐོང་ནས་ཤིན་ཏུ་མིག་གདངས་ཏེ། བཅོམ་ལྡན་འདས་ལ་
D445.081.0209a06.01དབྱངས་གཅིག་གིས་ཡང་དག་པར་བསྟོད་དོ། །བཅོམ་ལྡན་རོ་གཅིག་གྱུར་པ་ཡི། །ལྷན་ཅིག་སྐྱེས་པའི་དགའ་བས་རྒྱས། །བཅོམ་ལྡན་མཆོག་ཏུ་ངལ་བསོ་ཀྱེ། །ངག་གི་ལམ་གྱི་སྤྱོད་ཡུལ་འདས། །བཅོམ་ལྡན་ཉིད་ཀྱི་དགྱེས་ཉམས་ལྟར། །འགྲོ་བ་གསུམ་པོ་ཡང་དག་
D445.081.0209a07.01