完整藏文原文 · 德格版页 当前仅加载第 81 函德格 252b 版页；藏文 NFD、目录标记与异常页序保留在来源切片中，重复版页行以稳定序号区分。
དགུ་བའོ།། །།དེ་ནས་བཅོམ་ལྡན་རྡོ་རྗེས་གསུངས། །སྟོང་པ་ཉིད་ནི་སྐྱེ་བའི་རྒྱུ། །རྣམ་པ་མེད་པའི་ཉམས་མྱོང་དངོས། །ལུས་རྣམས་ལ་ནི་ཁྱབ་པ་དང་། །ཕུང་པོ་ལྔ་ནི་རང་བཞིན་ལུས། །འཁོར་ལོ་དྲུག་ལ་ཁྱབ་པ་དང་། །ཆོས་རྣམས་ཀུན་གྱི་དབུས་གནས་ཕྱིར། །རིང་
D445.081.0252b01.01བ་མ་ཡིན་ཉེ་བ་མིན། །དེ་ནི་ཀུན་རྫོབ་དང་དབྱེར་མེད། །སྟོང་པ་ཉིད་ནི་དོན་དམ་མོ། །རྡོ་རྗེ་ཕྲེང་བ་དེ་ལྟར་བཤད། །སྲོག་གི་རྟེན་གྱི་མཚན་ཉིད་ནི། །སྐུ་མདོག་སྔོན་པོ་ཞལ་གསུམ་པ། །སྤྱན་གསུམ་པོ་ལ་ཕྱག་དྲུག་མཆོག །རྡོ་རྗེ་འཁོར་ལོ་ནོར་བུ་གཡས། །གཡོན་པ་
D445.081.0252b02.01དྲིལ་བུ་པདྨ་དང་། །རལ་གྲི་ཤིན་ཏུ་རྣོན་པོ་དང་། །ཕྱར་བ་{གོ་རིམས་,གོ་རིམ་}བཞིན་དུ་བསྣམས། །ཨཱ་ལི་ཀཱ་ལི་ལས་བྱུང་བ། །ཟླ་བ་ཉི་མའི་གདན་ལ་བཞུགས། །སྣ་ཚོགས་པད་རྒྱས་གདན་ལ་ནི། །སེམས་དཔའི་སྐྱིལ་མོ་ཀྲུང་གིས་བཞུགས། །ཧཱུྃ་གི་ས་བོན་རྫོགས་པ་དང་། །རྡོ་རྗེ་
D445.081.0252b03.01ཆེན་པོའི་རིགས་ལས་བྱུང་། །ཀུན་རྟོག་རྣམས་ནི་བསྐྱེད་པའི་རླུང་། །རྣམ་པར་གཅོད་ཅིང་ཐིམ་པར་བྱེད། །གནོད་བྱེད་དེ་དག་སེལ་བར་བྱེད། །གཉིས་པ་ཐམས་ཅད་རྣམ་པར་གཅོད། །སྒྱུ་མ་ཆེན་མོ་སྟོང་བ་ཆེ། །སངས་རྒྱས་ས་ནི་རྨད་དུ་བྱུང་། །སངས་རྒྱས་
D445.081.0252b04.01ཉིད་ཀྱི་འབྲས་སྟེར་བའོ། །འདི་ཡི་སྔགས་ནི་བརྗོད་པར་བྱ། །ཨོྃ་དང་བཛྲ་མཱ་ལེ་དང་། །དེ་བཞིན་ཨཱཿདང་ཧཱུྃ་དང་གཉིས། །ཕཊ་དང་སྭཱ་ཧཱ་ཡང་དག་ལྡན། །སྔགས་མཆོག་བཏུས་པ་བླ་ན་མེད། །རླུང་འཕྲོག་དེ་ཁོ་ན་ཉིད་ཀྱིས། །ཡིད་ཀྱི་རྣམ་རྟོག་སེལ་བར་བྱེད། །
D445.081.0252b05.01ཞི་བའི་གནས་དང་ཆུ་འགྲམ་དང་། །ཤིང་གཅིག་ལམ་གྱི་བཞི་མདོ་དང་། །ཡང་ན་སུམ་མདོར་འབུམ་ཕྲག་བཅུ། །གསལ་བར་ཡང་ནི་བཟླས་པར་བྱ། །དེ་ནི་དངོས་གྲུབ་མཆོག་ཏུ་འགྲོ། །རྫོགས་པའི་རིམ་པའི་རྣལ་འབྱོར་གྱིས། །དེ་ཡི་ཡོན་ཏན་གསལ་བར་
D445.081.0252b06.01འབྱུང་། །ཞི་བ་ལ་སོགས་འབད་མི་དགོས། །སྐད་ཅིག་གཅིག་ལ་མངོན་པར་རྟོགས། །དེ་ནི་དེ་ཉིད་རིགས་མཆོག་ཤེས། །དཔའ་བོ་གཅིག་བུའི་ཆོ་ག་འདི། །དཔའ་མོ་གཅིག་པུ་ཉིད་བསྒྲུབ་པ། །དེ་ཡི་མཚན་ཉིད་སྒོམ་པ་གང་། །རྣམ་རྟོག་སྤངས་པའི་རྣལ་འབྱོར་
D445.081.0252b07.01