完整藏文原文 · 德格版页 当前仅加载第 81 函德格 251a 版页；藏文 NFD、目录标记与异常页序保留在来源切片中，重复版页行以稳定序号区分。
པའི་རྩ། །ཁོང་སྟོང་བ་སྤུ་ལྡང་བར་བྱེད། །དེ་བཞིན་ན་ས་ར་ཡི་རྩ། །ཁོང་སྟོང་ཚེག་ནི་ལྡིབ་པར་བྱེད། །རུས་སྦལ་ཆེན་པོའི་རྩ་རྒྱས་ན། །ཁ་དོག་འགྱུར་བ་སྐྱེ་བར་བྱེད། །མགོ་བོ་ཆེན་པོའི་རྩ་རྒྱས་ན། །བརྒྱལ་ཞིང་སྡུག་བསྔལ་བཅས་པར་
D445.081.0251a01.01བྱེད། །འུར་འུར་ཆེན་པོའི་རྩ་བྱེ་ན། །བ་སྤུ་ལངས་པ་སྐྱེད་པར་བྱེད། །དགའ་བ་ཆེན་པོའི་རྩ་རྒྱས་ན། །ཁོང་སྟོང་མཆི་མ་འཛག་པར་བྱེད། །མྱོས་པ་ཆེན་པོའི་རྩ་བྱེ་ན། །སྲོག་གི་རླུང་ནི་ཐིམ་པར་བྱེད། །བརྒྱལ་དང་སེམས་མེད་བདེ་བ་ཆེ། །དེ་ནས་དྲན་པ་ཉམས་
D445.081.0251a02.01པར་འགྱུར། །སྒེག་པ་ལ་སོགས་ཉམས་སུ་ཤེས། །སྔར་བཤད་རིམ་པས་སད་པར་བྱེད། །ཛཿཧཱུྃ་བྃ་ཧོཿདེ་བཞིན་དུ། །ཨ་ལ་ལ་ལ་ལ་ཧོ་སྔགས། །རབ་ཏུ་བསྐུལ་བས་རྒྱས་ནས་སུ། །ཉམས་ནི་སོ་སོའི་དབྱེ་བས་ཤེས། །དེ་ལྟར་དེ་ནི་དབྱེ་བརྒྱུད་པའོ། །རྣལ་
D445.081.0251a03.01འབྱོར་ཆེན་པོའི་རྒྱུད་དཔལ་རྡོ་རྗེ་ཕྲེང་བ་མངོན་པར་རྟོགས་པ་ལས་ཉམས་ཀྱི་དབྱེ་བ་བཤད་པའི་ལེའུ་སྟེ་བཞི་བཅུ་བདུན་པའོ།། །།དེ་ནས་བཅོམ་ལྡན་རྡོ་རྗེས་གསུངས། །བདག་ཅེས་བྱ་བ་སྒྲ་ཡི་རྟེན། །གང་གིས་ཡང་དག་ཤེས་པ་ཡིས། །སྲིད་པའི་འཆིང་བའི་
D445.081.0251a04.01མཚན་ཉིད་ནི། །ཨ་ཧྃ་འཁོར་ལོའི་འཆིང་བ་དག །དེ་ནི་ཡོངས་ཟད་གྲོལ་བའོ། །ཨ་ནི་དངོས་པོ་ཀུན་གྱི་མཆོག །ལུས་རྣམས་ཀུན་ལ་ལྷག་པར་གནས། །རྣམ་པ་ཀུན་གྱི་མཆོག་དང་ལྡན། །ཀུན་ཁྱབ་ཀུན་མཁྱེན་ཟད་པ་མེད། །ཐོགས་མེད་སྙིང་སྟོབས་ཞེས་བྱ་བ། །
D445.081.0251a05.01ཐབས་ཅིག་ཏུ་ནི་སྐྱེ་བར་བྱེད། །སྲིད་དང་སྲིད་རྩེ་བརྩེ་བ་མེད། །སྤྲུལ་པའི་སྐུ་ཡི་མཆོག་དང་ནི། །དོན་ཀུན་བྱེད་པ་ལ་མཁས་པ། །དེ་བཞིན་གཤེགས་པའི་དབུགས་འབྱུང་བའོ། །ཧྃ་ནི་དངོས་པོ་དང་བྲལ་བ། །ལུས་ལ་གནས་ཀྱང་ལུས་བསྐྱེད་མིན། །དབང་པོ་
D445.081.0251a06.01ལས་འདས་མི་གསལ་བ། །རྣམ་པ་ཐམས་ཅད་རྣམ་པར་སྤངས། །དངོས་དང་དངོས་མེད་ལས་གྲོལ་ཞིང་། །གང་ལའང་ལྷག་པར་གང་གནས་པ། །དངོས་པོ་ཐམས་ཅད་ནུབ་པ་དང་། །ཆོས་ཀྱི་སྐུ་ཡི་ངོ་བོ་ཉིད། །སེམས་ནི་རྡོ་རྗེ་འཆང་དབུགས་ཕྱུང་། །དོན་ཀུན་
D445.081.0251a07.01