完整藏文原文 · 德格版页 当前仅加载第 81 函德格 251b 版页；藏文 NFD、目录标记与异常页序保留在来源切片中，重复版页行以稳定序号区分。
བྱེད་པ་དང་བྲལ་བ། །སྟོང་པའི་རང་བཞིན་མྱ་ངན་འདས། །ཡེ་ཤེས་སྐུ་ཡི་རང་བཞིན་ཉིད། །རྗོད་དང་བརྗོད་བྱ་རྣམ་པར་གྲོལ། །དེ་ཡང་ཡི་གེ་ཧྃ་དུ་གྲགས། །ཐམས་ཅད་ཨ་ཧྃ་ཀུན་ལ་ཁྱབ། །ཐམས་ཅད་བདག་ཉིད་རྟག་ཏུ་བཞུགས། །ཨ་ཧྃ་དངོས་པོ་ཐམས་ཅད་ལ། །
D445.081.0251b01.01ཁྱབ་པའི་ས་ནི་ལྷག་པར་གནས། །ཨ་ཧྃ་དང་བྲལ་སྐྱེས་བུ་ནི། །རྩ་བ་བཅད་པའི་ཤིང་བཞིན་ནོ། །ཧྃ་ནི་དཔྲལ་བའི་སྐྲ་མཚམས་ན། །ཨ་ནི་ལྟེ་བར་ཡང་དག་གནས། །འདིར་ནི་ཨ་ལས་ཟླ་བར་བཤད། །འོད་ཟེར་སྟོང་འགྱེད་པ་ཡི་ཧྃ། །འདིར་ཡང་ཨ་ཡི་མིང་ལ་བརྟེན། །རྟེན་
D445.081.0251b02.01པའི་ཧྃ་དུ་རབ་ཏུ་གྲགས། །ཨ་ནི་སྲོག་གི་རླུང་དུ་བཤད། །དེ་བཞིན་ཐུར་སེལ་ཧྃ་དུ་བརྗོད། །དེ་གཉིས་གཅིག་གྱུར་འཁོར་བ་སྟེ། །དེས་ན་ཨ་ཧྃ་ཞེས་པར་གྲགས། །རྣམ་རྟོག་བྲལ་བའི་གནས་པ་ནི། །ཨ་ཧྃ་གང་དུ་གནས་པ་མེད། །གཞན་ནི་འགའ་ཞིག་འདི་ལ་
D445.081.0251b03.01ཡང་། །དོན་དམ་པར་ནི་དམིགས་སུ་མེད། །དེ་ལྟར་ཨ་ཧྃ་ང་ཡིས་བཤད། །རྒྱུད་རྣམས་ཀུན་དུ་རྙེད་པར་དཀའ། །རྣལ་འབྱོར་ཆེན་པོའི་རྒྱུད་དཔལ་རྡོ་རྗེ་ཕྲེང་བ་མངོན་པར་རྟོགས་པ་ལས་ཨ་ཧྃ་གི་སྒྲའི་དོན་བཤད་པའི་ལེའུ་སྟེ་བཞི་བཅུ་བརྒྱད་པའོ།། །།དེ་ནས་
D445.081.0251b04.01བཅོམ་ལྡན་རྡོ་རྗེས་གསུངས། །སྟོང་ཉིད་དབྱེ་བ་བསྡུས་པ་ནི། །རྣལ་འབྱོར་པ་ནི་གང་གིས་ཤེས། །སྟོང་ཉིད་དེ་ནི་ཤེས་པར་འགྱུར། །མི་མཐུན་པ་དང་གཉེན་པོའི་ཕྱིར། །སྟོང་ཉིད་བསྒོམ་པར་ཡོངས་སུ་གསུངས། །ནང་གི་བདག་ཉིད་ཆོས་རྣམས་ནི། །ཀུན་དུ་རྟོག་
D445.081.0251b05.01པའི་གཉེན་པོ་དང་། །ཕྱིན་ཅི་ལོག་ནི་རྣམ་དག་པ། །ཕྱི་ནས་སྟོང་པ་ཉིད་དུ་འདོད། །ཕྱི་རོལ་དམིགས་པ་དང་བྲལ་བ། །ནང་གི་བདག་ཉིད་ཆོས་རྣམས་དང་། །ཕྱི་རོལ་དུ་ཡང་མི་རྟོག་པ། །འདིར་ནི་ཕྱི་དང་ནང་གི་ནི། །སྟོང་པ་ཉིད་དུ་ཡང་དག་བཤད། །སྣོད་ཀྱི་འཇིག་རྟེན་དང་
D445.081.0251b06.01བྲལ་བ། །ཆེན་པོ་སྟོང་པ་ཉིད་དུ་བརྗོད། །ཡེ་ཤེས་གང་གིས་དེ་སྟོང་པར། །མཐོང་བ་དེ་ཡང་སྟོང་པར་བརྗོད། །མེ་ལོང་ཡེ་ཤེས་རྫོགས་པ་ལ། །རྗེས་སུ་དམིགས་པར་བྱེད་ཕྱིར་རོ། །དེ་ཡི་མི་མཐུན་ཕྱོགས་སྟོང་པ། །དངོས་མེད་སྟོང་པ་ཉིད་སྟོང་ཉིད། །དོན་དམ་པར་
D445.081.0251b07.01