完整藏文原文 · 德格版页 当前仅加载第 81 函德格 240b 版页；藏文 NFD、目录标记与异常页序保留在来源切片中，重复版页行以稳定序号区分。
དབུས་ན་ལྷ་རྣམས་བཞུགས། །པདྨའི་སྒྲོལ་མ་པད་དཀར་མོ། །པདྨ་ཀུ་མུ་ད་འཕེལ་མ། །པདྨའི་སྤྱན་དང་པད་གཙུག་ཕུད། །པདྨའི་ཕྲེང་བ་པད་སྐྱེས་མ། །པད་གདན་པདྨའི་དྲ་བ་མ། །དེ་བཞིན་པདྨའི་འོད་དང་ནི། །པདྨའི་སྤྱན་དང་པད་{བཟངས་སམ,བཟང་ངམ}། །པདྨའི་ནང་བཞུགས་པད་སྐྱེས་མ། །
D445.081.0240b01.01པདྨའི་གེ་སར་པདྨ་མ། །དེ་ལྟར་འདི་ནི་ཡང་དག་བཤད། །ཞལ་གསུམ་ཕྱག་དྲུག་རྣམ་པ་ཅན། །སེམས་དཔའི་སྐྱིལ་ཀྲུང་གིས་ལེགས་བཞུགས། །གཡས་ན་པདྨ་འཁོར་ལོ་དང་། །རྡོ་རྗེ་ཡང་ནི་འདེབས་པར་མཛད། །གཡོན་ན་རལ་གྲི་དྲིལ་བུ་དང་། །རིན་པོ་ཆེ་ཡིས་རྣམ་པར་སྒེག །
D445.081.0240b02.01སྤྱན་གསུམ་རྣམ་པར་འཆར་བ་དང་། །པདྨ་དམར་པོའི་མདོག་ལྟར་དམར། །ཉི་མའི་དཀྱིལ་འཁོར་ཉེར་བཞུགས་ཤིང་། །སེམས་དཔའི་སྐྱིལ་མོ་ཀྲུང་གིས་བཞུགས། །རང་མིང་ཡི་གེ་གསུམ་དང་བཅས། །འདི་རྣམས་སྔགས་ནི་བླ་ན་མེད། །བདེ་བ་ཆེན་པོའི་འཁོར་ལོ་ཆེ། །
D445.081.0240b03.01པད་འདབ་སུམ་ཅུ་རྩ་གཉིས་ལ། །རྟག་ཏུ་ལྷ་མོ་རྣམས་ནི་བཞུགས། །རབ་ཏུ་སད་པ་འབད་པ་ཅན། །འཁོར་ལོའི་ཤུགས་མ་རྡོ་རྗེ་ལྡན། །རིན་ཆེན་སྒྲོལ་མ་པད་ཞུགས་མ། །སྣ་ཚོགས་ལས་མ་གཏི་མུག་དགའ། །ཞེ་སྡང་རྡོ་རྗེ་དགའ་ཆགས་མ། །རྡོ་རྗེ་ལས་ཆགས་གཟུགས་
D445.081.0240b04.01རྡོ་རྗེ། །སྒྲ་ཡི་རྡོ་རྗེ་རོ་རྡོ་རྗེ། །རེག་བྱ་རྡོ་རྗེ་ཆོས་དབྱིངས་མ། །སྤྱན་འོད་མ་དང་ཐོད་དབྱངས་མ། །སྣ་ཡི་སྣང་བ་རོ་དགའ་མ། །སྐུ་ཡི་རྒྱལ་མཚན་ཡིད་དགའ་མ། །ཁམས་བཅས་མ་དང་རྒྱུ་འབབ་མ། །གཤིན་རྗེ་འཇོམས་པའི་བློ་ཡི་ནི། །བྱེ་བྲག་རྣམ་པར་རྒྱས་མ་དང་། །
D445.081.0240b05.01པདྨའི་རལ་པ་གྱེན་དུ་བརྫེས། །བགེགས་རྣམས་ཐམས་ཅད་འཇོམས་པ་མོ། །སྦས་པའི་མཐིལ་དང་དབྱུག་སྔོན་མ། །ཤིན་ཏུ་བརྟན་མ་སྟོབས་ཆེན་མ། །རང་བྱུང་མ་དང་འཁོར་ལོའི་གཙུག །དེ་ལྟར་རྩ་ཡི་དབུས་ནས་ཤར། །སླར་ཡང་ལྷ་མོ་ཞལ་གསུམ་དང་། །ཕྱག་
D445.081.0240b06.01དྲུག་བདེ་བ་འཕེལ་བ་ཅན། །ཟླ་བའི་དཀྱིལ་འཁོར་ལ་ཡང་བཞུགས། །དྲི་མེད་པདྨ་དཀར་མོའི་མདོག །ཞི་བ་ཞལ་གསུམ་སྤྱན་གསུམ་པ། །གཡས་པའི་ཕྱག་ན་བསྣམས་པ་ནི། །འཁོར་ལོ་ལྕགས་ཀྱུ་རྡོ་རྗེ་རིམ། །དེ་བཞིན་གཡོན་པའི་ཕྱག་གསུམ་ལ། །པདྨ་
D445.081.0240b07.01