完整藏文原文 · 德格版页 当前仅加载第 81 函德格 213b 版页；藏文 NFD、目录标记与异常页序保留在来源切片中，重复版页行以稳定序号区分。
འབིགས་པར་བྱེད་པར་ཡོངས་སུ་གྲགས། །ཕྲེང་བ་དེ་རྣམས་ཀྱི་ཡང་རྒྱུན། །བྱང་ཆུབ་སེམས་ཀྱི་རྡོ་རྗེ་རྣམས། །མི་ཕྱེད་པས་ནི་རྡོ་རྗེར་གསུངས། །རྒྱུད་རྣམས་ཀུན་དུ་སྦས་པ་ནི། །གང་ཡང་རུང་བས་བརྗོད་མི་བྱ། །དེ་ནི་དབུགས་སུ་ཡོངས་སུ་གྲགས། །ཕྲེང་བ་རྒྱུན་ནི་མི་འཆད་པར། །
D445.081.0213b01.01དགའ་བ་རབ་འབབ་བདག་ཉིད་ཀྱིས། །རྣམ་རྟོག་རླུང་ཀུན་འབིགས་པར་བྱེད། །རླུང་ལ་འབིགས་པར་མི་ནུས་སོ། །ཉིན་དང་མཚན་མོ་རྟག་ཏུ་ནི། །བརྒྱ་དང་བརྒྱད་ལྷག་གསལ་བར་ཡང་། །རྣམ་རྟོག་རང་བཞིན་རླུང་རྣམས་ནི། །འཆར་བ་དང་ནི་འཇོམས་པ་དག །ཇི་ལྟ་
D445.081.0213b02.01བ་བཞིན་རབ་དབྱེ་ཡིས། །རླུང་རྣམས་ཀྱི་ནི་མིང་ཉོན་ཅིག །བཏང་བཟུང་དང་ནི་དུང་ཕྱུར་དང་། །མྱོས་པ་དང་ནི་བློ་ངན་དང་། །བསིལ་བྱེད་དང་ནི་གཡའ་བ་དང་། །ངར་སྣབས་དང་ནི་སྟ་རེ་དང་། །གཟེགས་པ་ཆུ་སྲིན་ཛ་ཤ་དང་། །རྣམ་པར་གཙིགས་དང་མྱོས་པའི་དུས། །
D445.081.0213b03.01འདོད་མྱོས་ཆུ་བ་ཆུ་སྲིན་དང་། །སྣ་ཚོགས་སྐྱེད་དང་འདུད་པ་དང་། །སྙེམས་དང་རྔ་དང་སྒྲ་སྒྲོགས་དང་། །རླུང་ལྷ་དང་ནི་གནད་འབིགས་དང་། །མེ་དང་དུས་དང་ཅི་བགྱི་དང་། །རྡོ་རྗེ་མཆོག་སྦྱིན་ཙུ་ཏ་དང་། །སྦྲ་མ་དང་ནི་ཟླ་བའི་འོད། །ཀམ་པོ་ཛ་དང་རལ་པ་ཅན། །ཡུངས་
D445.081.0213b04.01ནག་རབ་བཀྲམ་དུས་འགུགས་དང་། །སྡིག་པ་དང་ནི་གཡོན་ཅན་སྟེན། །གྲིམས་མོ་དང་ནི་མགྲིན་པ་དང་། །གུན་སེལ་མཆོག་སྟེར་སྨྱོ་བྱེད་དང་། །ང་རྒྱལ་མཚོ་དང་ཚོགས་བདག་དང་། །རྩངས་པ་དང་ནི་ས་ཡི་བློ། །ཐེག་པ་བཟང་དང་མཆོག་ཏུ་སྐྱེས། །དྲི་མེད་ཕྲུ་གུ་ཉི་མ་
D445.081.0213b05.01དང་། །གསལ་བྱེད་དང་ནི་ཉི་མ་གནོན། །སྟོབས་བཞིན་ང་རོ་དང་ནི་དུས། །སྡོམ་པ་དང་ནི་མཆོངས་ནས་འགྲོ། །སྦྲང་མ་ཁྱི་དང་མཚན་མ་དང་། །ཐོད་དང་སྒུར་པོ་དྲང་པོ་དང་། །ས་དང་ས་ལ་འགྲོ་མ་དང་། །བྲམ་ཟེ་དང་ནི་སྣ་འགྱུར་གནས། །མ་མོའི་རིགས་དང་ལྕེ་བསྐྱོད་
D445.081.0213b06.01པ། །མི་སྨྲ་དང་ནི་རྔ་སྒྲའི་སྤྲིན། །དགའ་བར་བྱེད་དང་མིག་ཡངས་དང་། །དྲི་མེད་འོད་སྲུང་ནེ་ཙོ་དང་། །སྣ་ཚོགས་མཆུ་དང་མིག་མཉམ་དང་། །མཛེས་དང་ཆོས་ཀྱི་དབྱིག་པ་དང་། །འགྲོ་ཀུན་སྙིང་སྟོབས་བརྟན་པ་དང་། །ཟ་ཕོད་བོང་བུ་སྙོམ་ལས་དང་། །ཁ་གདངས་
D445.081.0213b07.01