完整藏文原文 · 德格版页 当前仅加载第 81 函德格 246a 版页；藏文 NFD、目录标记与异常页序保留在来源切片中，重复版页行以稳定序号区分。
པོའི་རྒྱུད་དཔལ་རྡོ་རྗེ་ཕྲེང་བ་མངོན་པར་རྟོགས་པ་ལས་རྣམ་རྟོག་མེད་པའི་མཚན་ཉིད་ཀྱི་ལེའུ་སྟེ་སུམ་ཅུ་དྲུག་པའོ།། །།དེ་ནས་རྡོ་རྗེ་ཅན་གྱིས་གསུངས། །རྩ་རྣམས་ནུབ་པའི་རྣལ་འབྱོར་ནི། །དེ་ཁོ་ན་ཉིད་བཤད་ཀྱིས་ཉོན། །ཡུལ་དང་དབང་པོ་ཡང་དག་སྦྱོར། །
D445.081.0246a01.01རྩ་རྣམས་ཀྱང་ནི་འཆར་བར་འགྱུར། །ཤར་ནས་སྔོན་བཞིན་སོང་ནས་ནི། །བསྐྱེད་པའི་རིམ་པ་བླ་ན་མེད། །རྣམ་རྟོག་སྐྱེ་བ་དེ་ཡི་ཕྱིར། །བརྒྱ་དང་བརྒྱད་ཀྱིས་ལྷག་པའི་རིམ། །དེ་ལས་སྐྱེ་དང་རྒ་དང་ན། །འཆི་ཞིང་སླར་ཡང་ལྡོག་པར་འགྱུར། །ཡུལ་རྣམས་དངོས་པོ་
D445.081.0246a02.01མེད་པ་ཡིས། །སྦྱངས་པའི་ཡེ་ཤེས་དེ་ཉིད་ཕྱིར། །དེ་ཉིད་འདི་ལ་སྤྱོད་པའི་ཕྱིར། །དངོས་སུ་ཡུལ་རྣམས་དངོས་མེད་ཕྱིར། །དབང་པོ་རྣམས་ནི་སྐྱེ་བ་མིན། །དེ་ལས་གཉིས་གཉིས་ཡང་དག་སྦྱོར། །དངོས་དང་དངོས་མེད་སྟོང་པ་ཉིད། །དེ་ནས་རྩ་རྣམས་ནུབ་འགྱུར་
D445.081.0246a03.01ཏེ། །འཁོར་ལོའི་རིམ་པ་ལ་ཡང་རྟོན། །དེ་རྣམས་ནུབ་པ་ལས་ནི་ཞི། །སྟོང་ཕྲག་བདུན་ཅུ་རྩ་གཉིས་ནི། །ཀུན་ཀྱང་རྩ་ཡི་འཁོར་ལོར་འགྱུར། །དེ་ཉིད་ཀུན་ཆོས་ནང་དུ་ཁྱབ། །སྟོང་ཉིད་བསྒོམ་པ་རྣལ་འབྱོར་ལས། །ཡུལ་རྣམས་ཀྱི་ནི་ངོ་བོ་ཉིད། །ངེས་པ་རུ་ནི་
D445.081.0246a04.01ཤེས་པ་ཞེས། །རིག་པའི་རྡོ་རྗེ་རྣམ་པར་འཇོམས། །རྣལ་འབྱོར་ཆེན་པོའི་རྒྱུད་དཔལ་རྡོ་རྗེ་ཕྲེང་བ་མངོན་པར་རྟོགས་པ་ལས་རྩ་རྣམས་ནུབ་པའི་སྦྱོང་བའི་ལེའུ་སྟེ་སུམ་ཅུ་བདུན་པའོ།། །།དེ་ནས་གཞན་ཡང་བཤད་ཀྱིས་ཉོན། །སྤྱོད་དྲུག་གོ་འཕང་མཚན་ཉིད་ནི། །
D445.081.0246a05.01ཇི་ལྟ་ཇི་ལྟ་བ་བཞིན་སྦྱོར། །ཇི་ལྟར་འདོད་པའི་ཡན་ལག་བརྟེན། །རྣམ་པ་དྲུག་པོ་དེ་ལས་ཕྱེད། །དེ་བཞིན་བརྒྱད་བརྒྱད་དེ་ལས་ལྷག །བརྒྱད་གཉིས་བརྒྱད་ཕྲག་བཞི་དང་ནི། །དེ་ལྟར་གྲངས་ཀྱིས་སྦྱོར་བ་གསལ། །ཟླ་བ་ཕྱེད་པའི་ཆ་ལྟ་བུ། །སྟོང་ཉིད་རླུང་གི་
D445.081.0246a06.01འཁོར་ལོར་གནས། །ཕྱེད་པ་མ་ཡིན་རྫོགས་པ་མིན། །ཆུ་ཡི་ཟླ་བ་ལྟ་བུར་སྣང་། །སྒྱུ་མ་ཆེན་པོ་འགྲོ་བའི་མ། །ཐམས་ཅད་རྟེན་པའི་མཚན་ཉིད་ནི། །རླུང་གི་འཁོར་ལོ་སྲོག་ཅེས་བཤད། །མཁས་པ་རྣམས་ཀྱི་སྤྱོད་ཡུལ་མིན། །མེ་ཡི་འཁོར་ལོ་
D445.081.0246a07.01