完整藏文原文 · 德格版页 当前仅加载第 81 函德格 238b 版页；藏文 NFD、目录标记与异常页序保留在来源切片中，重复版页行以稳定序号区分。
སེམས་ཀྱིས་ནི། །ཡེ་ཤེས་གསུམ་གནས་ཉམས་དགའ་བ། །མེ་ཏོག་འབྲས་བུ་ཆུ་ཡིས་བརྒྱན། །སྐྱེ་བོས་དབེན་པའི་རི་ཡི་རྩེར། །དངོས་གྲུབ་ཐམས་ཅད་བསྡུས་པ་ནི། །འབད་པ་ཡིས་ནི་བསྒྲུབ་པར་བྱ། །རྣལ་འབྱོར་ཆེན་པོའི་རྒྱུད་དཔལ་རྡོ་རྗེ་ཕྲེང་བ་མངོན་པར་རྟོགས་
D445.081.0238b01.01པ་ལས་སྣའི་རྩེ་མོ་གསུམ་གཏན་ལ་ཕབ་པའི་ལེའུ་སྟེ་ཉི་ཤུ་བཞི་པའོ།། །།དེ་ནས་ཡང་དག་བཤད་ཀྱིས་ཉོན། །སྟོང་ཉིད་ཡེ་ཤེས་མཚན་ཉིད་ནི། །ལུས་ལ་གནས་པ་དེ་ཉིད་མཆོག །ཐམས་ཅད་བདག་ཉིད་རྟག་ཏུ་བཞུགས། །ཆོས་རྣམས་ཐམས་ཅད་སྣང་
D445.081.0238b02.01བར་བྱེད། །མཚན་ཉིད་སྟོང་པ་ཉིད་དུ་འདོད། །དེ་ལས་ཡེ་ཤེས་བདེ་བ་ཆེ། །འོད་གསལ་བ་ནི་རྣམ་དག་པ། །གང་ཕྱིར་ཨ་བ་དྷཱུ་ཏཱིར་ཞུགས། །ཡང་དག་སྟོང་པ་ཉིད་དུ་འདོད། །ཆོས་རྣམས་རྣམ་རྟོག་སྣང་བ་མཆེད། །ཀུན་རྟོག་ཐམས་ཅད་གཅོད་པར་བྱེད། །རྣམ་
D445.081.0238b03.01རྟོག་རླུང་གི་ངལ་བསོ་བ། །དེ་ནི་སྟོང་པ་ཉིད་དུ་བཤད། །གཙོ་བོ་ཆེན་པོ་མི་བསྐྱོད་པའི། །འཇིག་རྟེན་ཁམས་ནི་དེ་ཉིད་དོ། །དེར་ནི་རྟག་ཏུ་བཞུགས་པའི་ས། །སྲོག་གི་ཡེ་ཤེས་མིང་ཅན་ཏེ། །གཟུགས་མེད་དྲག་པོ་ཆེན་པོ་ཡི། །ཞི་བའི་རང་བཞིན་མཚན་
D445.081.0238b04.01ཉིད་ཅན། །དེ་ལ་ཡེ་ཤེས་བདེ་བ་ཆེ། །བྱང་ཆུབ་སེམས་ཀྱིས་གང་བ་ཉིད། །དེ་ཉིད་བདེ་ཆེན་གོ་འཕང་གནས། །ཡེ་ཤེས་ཡང་དག་བྱང་ཆུབ་སེམས། །དེ་ལ་སོགས་པ་མིང་གི་སྒྲས། །བརྗོད་བྱ་གཅིག་པུ་བདེ་བ་ཆེ། །དངོས་པོ་གཅིག་དང་ལྡན་པ་ཉིད། །སྟོང་
D445.081.0238b05.01ཉིད་ཡེ་ཤེས་ཞེས་ནི་བརྗོད། །བདེ་བ་ཅན་ཞེས་དེ་ལ་བཤད། །བདེ་བ་དགེ་བའི་ཐོབ་མཚན་ཉིད། །གང་དེ་བདེ་བར་གནས་པ་ནི། །དེ་ནི་བདེ་བ་ཅན་ཞེས་བརྗོད། །ཚེ་དཔག་མེད་པའི་ཞིང་ཁམས་ན། །བདེ་བ་ཀུན་གྱི་གཞི་ཡི་མཆོག །བྱང་ཆུབ་སེམས་ནི་ཚེ་
D445.081.0238b06.01དཔག་མེད། །དེ་ལས་བྱུང་ཞིང་སྐྱེ་བའི་འོད། །དེ་ཕྱིར་འོད་དཔག་མེད་དུ་ཤེས། །བདེ་བ་ཀུན་གྱི་གཞི་ཡི་མཆོག །སྟོང་ཉིད་རྡོ་རྗེ་དབྱིངས་དབང་ཕྱུག །ཡེ་ཤེས་རྡོ་རྗེའི་དབང་ཕྱུག་དང་། །དེ་ཉིད་མཉམ་པར་སྦྱོར་བ་ནི། །སྟོང་ཉིད་ཡེ་ཤེས་ཞེས་ནི་བརྗོད། །ཤེས་
D445.081.0238b07.01