完整藏文原文 · 德格版页 当前仅加载第 81 函德格 237b 版页；藏文 NFD、目录标记与异常页序保留在来源切片中，重复版页行以稳定序号区分。
ཞེ་སྡང་ཉིད་ཀྱི་སེམས་ནི་བསྒོམ། །གསང་སྔགས་འབར་བའི་ཡེ་ཤེས་སེམས། །ཡང་དག་སྤྲོ་བར་བྱེད་པའི་རྒྱུ། །ངག་གི་རྟོག་པ་ཀུན་སྤངས་པ། །རྨད་བྱུང་ཆེན་པོ་ཡེ་ཤེས་མཆོག །རྟག་ཏུ་སྔགས་ནི་ནཱ་ད་འབྱུང་། །རྣམ་རྟོག་མེད་པའི་བདེ་བ་ཆེ། །བསམ་གཏན་ལ་
D445.081.0237b01.01སྦྱོར་བདེ་བའི་མཆོག །མན་ངག་ཐོབ་པས་བདེ་བ་རྒྱལ། །ཞེ་སྡང་མྱུར་དུ་དབང་བྱས་ནས། །ཞི་བའི་དེ་ཉིད་རྒྱུ་གཅིག་ནི། །ཟླ་བ་ཉི་མ་མེ་དང་གསུམ། །ལམ་གསུམ་གྱི་ནི་དབུས་ནས་ཁྱབ། །གདོང་གི་སྣ་ནི་ཞེས་བྱར་བཤད། །རླུང་རྣམས་གནས་ཀྱི་མཚན་ཉིད་
D445.081.0237b02.01དང་། །དེ་ལ་གནས་པའི་ཡེ་ཤེས་ཆེ། །ཐིག་ལེ་གཏི་མུག་གིས་གནོན་ཡིས། །བསམ་གཏན་གཏི་མུག་མཆོག་ལས་རྒྱལ། །དངོས་པོ་ཐམས་ཅད་རྣམ་པར་སྤངས། །ཡེ་ཤེས་ལྔ་ཡི་བདག་ཉིད་གསལ། །དེ་ཁོ་ན་ཉིད་ལྔ་བརྟེན་མཆོག །དེ་ཡི་འོད་ཟེར་ཐིག་ལེ་ཙམ། །
D445.081.0237b03.01གདོང་གི་སྣ་རྩེར་ཡང་དག་བརྟེན། །རྣལ་འབྱོར་མཆོག་ནི་བསྒོམ་པར་བྱ། །གཏི་མུག་རྒྱ་མཚོ་ལས་ནི་རྒྱལ། །དེ་ཉིད་དམ་ཚིག་སེམས་དཔའ་ཡི། །མིང་ཅན་དུ་ནི་ཡང་དག་བཤད། །སངས་རྒྱས་ཀུན་གྱི་དམ་ཚིག་ནི། །ཡེ་ཤེས་ལྔ་ཡི་མཚན་ཉིད་ཅན། །རྣལ་འབྱོར་
D445.081.0237b04.01མཁས་པ་རྣམས་ཀྱིས་ནི། །གཏི་མུག་མུན་པ་རྣམ་འཇོམས་པ། །ཀུན་མཁྱེན་རྟོགས་པའི་མཚན་ཉིད་ནི། །སངས་རྒྱས་ལྔ་ཡི་རིགས་གནས་ན། །སྣ་རྩེ་བུ་ག་ལས་བྱུང་ཞིང་། །རླུང་ལྔ་སྟེང་དུ་ཡང་དག་རྒྱུ། །ལུས་ལ་རྟག་ཏུ་སྤྱོད་པར་འགྱུར། །ཀུན་རྫོབ་སྣར་ནི་རྒྱུ་བ་
D445.081.0237b05.01ཡི། །སྒོ་དེ་ལས་ནི་རྣམ་པར་བྱུང་། །གཡོན་དང་གཡས་དང་གཉིས་ཀ་དང་། །དལ་བར་རྒྱུ་དང་རྣམ་པ་བཞི། །གཡས་པ་ལས་ནི་འབྱུང་བའི་ཁམས། །མེ་ཡི་དཀྱིལ་འཁོར་ཉིད་ཡིན་ཏེ། །ཁ་དོག་དམར་པོ་བཟང་པོ་འདི། །པདྨ་མགོན་པོ་རྒྱུ་བའོ། །གཡོན་
D445.081.0237b06.01པ་ནས་ནི་འབྱུང་བའི་ཁམས། །རླུང་གི་དཀྱིལ་འཁོར་དང་འདྲེས་པ། །ལྗང་སེར་དག་ཏུ་སྣང་བ་སྟེ། །ལས་ཀྱི་མགོན་པོ་རྒྱུ་བའོ། །གཉིས་ཀ་ལས་ནི་འབྱུང་བའི་ཁམས། །གསེར་གྱི་མདོག་ཏུ་སྣང་བ་སྟེ། །དབང་ཆེན་གྱི་ནི་དཀྱིལ་འཁོར་ཉིད། །རིན་ཆེན་མགོན་པོ་རྒྱུ་
D445.081.0237b07.01