完整藏文原文 · 德格版页 当前仅加载第 81 函德格 249b 版页；藏文 NFD、目录标记与异常页序保留在来源切片中，重复版页行以稳定序号区分。
ཐམས་ཅད་སྤངས། །སྟོང་ཉིད་ཡེ་ཤེས་དྲི་མ་མེད། །ཆོས་ཀྱི་དབྱིངས་ཀྱི་གོ་འཕང་གསལ། །དེ་ནས་གཞན་ཡང་བཤད་བྱ་བ། །ཕྱག་རྒྱའི་དབྱེ་བ་བླ་ན་མེད། །རིགས་དང་ཕ་རོལ་ཕྱིན་དབྱེ་བས། །ཕྱག་རྒྱ་དྲུག་ཏུ་ཡང་དག་བཤད། །ཡྃ་རྃ་ལྃ་བྃ་ཨྃ་ཧྃ་དང་། །ལྷ་མོ་རྣམས་
D445.081.0249b01.01ཀྱི་རིམ་པ་ལས། །མཆོད་པའི་རིམ་པ་རོ་གཅིག་པ། །རྟག་ཏུ་ཡང་ནི་མཆོད་པར་བྱ། །གདོལ་པ་མོ་དང་ཁྲུས་མཁན་མོ། །སྨེ་ཤ་ཅན་དང་གར་མཁན་མ། །རོ་བསྲེགས་མོ་དང་བྲམ་ཟེ་མོ། །གྲུབ་འགྱུར་དོན་དུ་རྣལ་འབྱོར་པས། །བདག་ཉིད་རོལ་ཅིང་གནས་པར་བྱ། །
D445.081.0249b02.01ཁྲུས་མཁན་རིན་ཆེན་རིགས་ལས་སྐྱེས། །གདོལ་པ་པདྨའི་རིགས་ལས་སྐྱེས། །དེ་བཞིན་གར་མཁན་ལས་ཀྱི་རིགས། །རོ་བསྲེགས་མ་ནི་འཁོར་ལོའི་རིགས། །སྨེ་ཤ་ཅན་ནི་རྡོ་རྗེའི་རིགས། །ཡེ་ཤེས་ཕྱག་རྒྱ་བྲམ་ཟེ་མོ། །རྡོ་རྗེ་སེམས་དཔའི་རིགས་སུ་བརྗོད། །འདི་ནི་
D445.081.0249b03.01རིགས་ནི་དྲུག་ཏུ་འགྱུར། །བྲམ་ཟེ་མོ་ནི་མ་ཡིན་ཏེ། །ཁྲུས་མཁན་མོ་ནི་སྲིང་མོར་བརྗོད། །གར་མཁན་མོ་ནི་བུ་མོར་ཤེས། །སྨེ་ཤ་ཅན་ནི་ཆུང་མར་གྲགས། །རོ་བསྲེགས་མོ་ནི་མནའ་མ་སྟེ། །སྒྱུག་མོ་གདོལ་བ་མ་ཞེས་བྱ། །ཤེས་རབ་ཐབས་ཀྱི་ཆོ་ག་ཡིས། །རྣམ་རྟོག་
D445.081.0249b04.01མེད་པས་བརྗོད་པར་བྱ། །གང་ཕྱིར་རྣམ་རྟོག་མེད་གྱུར་ན། །དངོས་གྲུབ་ཀུན་ལ་དུས་ཀུན་དུ། །སེམས་ནི་མ་རུ་གྱུར་ནས་ནི། །སྲིང་མོ་དག་ཏུ་ཡང་དག་བཤད། །ལུས་ནི་བུ་མོར་ཤེས་པར་བྱ། །སྲོག་ནི་ཆུང་མར་རབ་ཏུ་གསལ། །མནའ་མ་ཐུར་དུ་སེལ་བའི་རླུང་། །དབུ་མའི་རླུང་
D445.081.0249b05.01ནི་སྒྱུག་མོར་བརྗོད། །མ་ནི་རྒྱགས་པའི་རྩ་ཡི་ཆ། །སངས་རྒྱས་རིན་ཆེན་ཟ་མ་ཏོག །སྲིང་མོ་ཁུ་བ་འབབ་པའི་རྩ། །སྤྱི་བོའི་གནས་ན་ཡང་དག་གནས། །བུ་མོ་ཁྲག་རྒྱུ་བ་ཡི་རྩ། །དེ་ནི་ཕྱེད་ཕྱེད་ལྷག་པར་གནས། །ཆུང་མ་གཅིན་ནི་འབབ་པའི་རྩ། །དེ་ཉིད་ཀྱི་ནི་དབུས་ན་
D445.081.0249b06.01གནས། །མནའ་མ་མཆི་མ་འཛག་པའི་རྩ། །མགྲིན་པའི་གནས་སུ་ལྷག་པར་གནས། །མ་ནི་ས་རུ་ཡང་དག་བཤད། །ཆུ་ཡི་ཁམས་ནི་སྲིང་མོར་བརྗོད། །མེ་ནི་བུ་མོར་ཤེས་པར་བྱ། །རླུང་ནི་ཆུང་མར་རབ་ཏུ་གྲགས། །མནའ་མ་ནམ་མཁའ་རུ་ནི་བཤད། །
D445.081.0249b07.01