完整藏文原文 · 德格版页 当前仅加载第 81 函德格 210b 版页；藏文 NFD、目录标记与异常页序保留在来源切片中，重复版页行以稳定序号区分。
བཅོམ་ལྡན་ཡེ་ཤེས་རྡོར་དབང་ཕྱུག །གསང་བའི་པདྨའི་ནང་བཞུགས་པ། །དམ་ཚིག་ཆེན་པོའི་རྣལ་འབྱོར་དབང་། །ཐུགས་རྗེས་བདག་གི་ཚིག་གསོན་ཅིག །བསྐལ་པ་བཟང་པོའི་སངས་རྒྱས་རྣམས། །རྡོ་རྗེ་ཐེག་པ་མངོན་འདོད་པ། །བྱང་ཆུབ་སེམས་དཔའ་སེམས་
D445.081.0210b01.01དཔའ་ཆེ། །འདི་དག་ལུས་ཀྱིས་ཕྱག་འཚལ་འཁོད། །སྙིགས་མ་ལྔ་ཡི་དུས་ན་ནི། །མ་འོངས་པ་ཡི་སེམས་ཅན་རྣམས། །བརྩོན་འགྲུས་ཆུང་ཞིང་བསོད་ནམས་ཆུང་། །ལྟ་བ་ངན་པ་མང་པོ་དང་། །ཚེ་ཐུང་བ་ཡི་སེམས་ཅན་རྣམས། །གོ་འཕང་མཆོག་ནི་ཐོབ་ཕྱིར་ཞུ། །རྒྱལ་བའི་
D445.081.0210b02.01སྲས་ནི་དེ་དག་དང་། །མ་འོངས་པ་ཡི་སེམས་ཅན་རྣམས། །འཁོར་བ་ལས་ནི་ཕ་རོལ་དུ། །གང་གིས་མྱུར་དུ་ཐར་བར་འགྱུར། །གཙོ་བོ་རྡོ་རྗེ་འཆང་ཆེན་ལ། །འདི་ལྟར་བདག་ནི་གསོལ་བ་འདེབས། །འགྲོ་བའི་གཙོ་བོ་ཁྱོད་དྲིན་གྱིས། །དེ་ཉིད་མཆོག་ནི་བདག་གིས་འཚལ། །
D445.081.0210b03.01སངས་རྒྱས་ཀུན་གྱི་གསང་བ་ཡི། །རྒྱུད་རྣམས་ཀུན་གྱི་དོན་བསྡུས་པ། །བླ་ན་མེད་པའི་རིམ་པ་གཉིས། །རྡོ་རྗེ་ཕྲེང་བ་མངོན་རྟོགས་པ། །ཅུང་ཟད་འདྲི་བར་འཚལ་ལགས་ཀྱིས། །རྫོགས་པའི་རིམ་པའི་རྣལ་འབྱོར་ནི། །ཁྱོད་ཀྱིས་བདག་ལ་བསྟན་དུ་གསོལ། །དཔལ་ལྡན་
D445.081.0210b04.01འདུས་པར་བརྡ་ཙམ་གང་། །རྣལ་འབྱོར་བླ་ན་མེད་རྒྱུད་དུ། །ཐུབ་པ་ཆེན་པོས་ཆོས་ཕུང་པོ། །བརྒྱད་ཁྲི་དང་ནི་བཞི་སྟོང་ངོ་། །དེ་སྐད་སྨྲས་ནས་མདུན་འདུག་སྟེ། །ལུས་ཀྱིས་ཕྱག་ནི་བྱས་ནས་ཀྱང་། །ཡེ་ཤེས་ཆེན་པོ་བཅོམ་ལྡན་འདས། །རྡོ་རྗེ་སེམས་དཔའ་འགྲོ་བའི་བླ། །རྡོ་རྗེ་
D445.081.0210b05.01གསུམ་ནི་རོ་གཅིག་དོན། །དེ་ཉིད་གསུམ་གྱི་གོ་འཕང་སྟོན། །རྣལ་འབྱོར་རྒྱུད་ཀྱི་སྦས་པའི་དོན། །བདག་ལ་བསྟན་པར་མཛད་དུ་གསོལ། །རྡོ་རྗེ་ཕྲེང་བའི་མིང་ནི་ཅི། །འདུས་པ་ཅི་ཞིག་སྟོང་བ་ཅི། །ཐིག་ལེའི་དབྱེ་བ་དང་ནི་སྒྲ། །གསང་བ་དང་ནི་དམ་ཚིག་དང་། །སྡོམ་པ་དང་ནི་
D445.081.0210b06.01སྒྲ་ཙམ་དང་། །རླུང་གི་དེ་ཉིད་བདེ་ཆེན་ཅི། །རྡོ་རྗེ་པདྨོ་མཉམ་སྦྱོར་དང་། །སྔགས་ཀྱི་དེ་ཉིད་རྣལ་འབྱོར་པ། །རླུང་རྣམས་དང་ནི་འཁོར་ལོ་དང་། །གྲངས་ནི་ཅི་ཙམ་གང་དུ་གནས། །རྣལ་འབྱོར་ལུས་ལ་རྩ་གང་ལགས། །རྣམ་པ་སྣ་ཚོགས་སོགས་སྐད་ཅིག །དགའ་བ་བཞི་དང་
D445.081.0210b07.01