完整藏文原文 · 德格版页 当前仅加载第 81 函德格 277a 版页；藏文 NFD、目录标记与异常页序保留在来源切片中，重复版页行以稳定序号区分。
དེ་ལས་ཆགས་སོགས་བག་ཆགས་དང་། །དེ་ལས་སླར་ཡང་འཆི་དང་སྐྱེ། །དེ་ལྟར་འཁོར་ལོ་བསྐོར་བ་འདྲ། །སྔོན་བཞིན་རྡོ་རྗེ་བཟླས་ལ་སོགས། །རིམ་གྱིས་དེ་ཡི་དབྱེ་བར་འགྱུར། །དེ་ནས་སེམས་དཔའ་ཆེན་པོ་ཀུན། །དེ་ཉིད་མིག་སྨན་ཐུར་མ་
D445.081.0277a01.01ཡིས། །ཐམས་ཅད་འཁྲུལ་པའི་ལོང་བ་བསལ། །ཡང་དག་དངོས་པོ་ཉིད་ནི་མཐོང་། །དེ་ནས་ཡང་ཡང་ཕྱག་བྱས་ཏེ། །མཆི་བཅས་མིག་གིས་བཅོམ་ལྡན་ལ། །ལན་གསུམ་དུ་ནི་བསྐོར་བྱས་ནས། །རྡོ་རྗེ་འཆང་ལ་ཡང་དག་བསྟོད། །ཨེ་མའོ་ཀུན་འགྲོ་ཀུན་དབང་
D445.081.0277a02.01ཕྱུག །ནམ་མཁའ་དང་ནི་མཚུངས་པ་བརྙེས། །ཨེ་མའོ་དམ་ཚིག་དེ་ཉིད་གསུམ། །མཆོག་ཏུ་རྨད་བྱུང་སྟོན་པར་མཛད། །ཁམས་གསུམ་ལས་ནི་རྣམ་པར་གྲོལ། །ཆོས་ཀྱི་དབྱིངས་ཀྱི་ངོ་བོ་ཉིད། །འདོད་པ་རྣམས་ཀྱིས་མ་གོས་པ། །དམིགས་མེད་ཁྱོད་ལ་ཕྱག་
D445.081.0277a03.01འཚལ་ལོ། །ཕུང་པོ་རྣམས་དང་ཁམས་རྣམས་དང་། །སྐྱེ་མཆེད་རྣམས་ལ་མི་རྟེན་ཅིང་། །སྲིད་དང་མྱ་ངན་འདས་ལས་གྲོལ། །དམིགས་མེད་ཁྱོད་ལ་ཕྱག་འཚལ་བསྟོད། །དེ་ལྟར་ནམ་མཁའ་གནས་མེད་ཅིང་། །སྤྲོས་པ་མེད་ཅིང་གོས་པ་མེད། །མཁའ་དང་
D445.081.0277a04.01མཉམ་པའི་ཐུགས་མངའ་བ། །དམིགས་མེད་ཁྱོད་ལ་ཕྱག་འཚལ་བསྟོད། །དེ་ནས་བཅོམ་ལྡན་འདས་ཀྱི་སྐུ། །འཇིག་རྟེན་གསུམ་ལས་རྒྱལ་གྱུར་པ། །འཇིག་རྟེན་གསུམ་འདི་རྣམ་པར་གཡོས། །བདུད་རྣམས་བཅོམ་པར་མཛད་ནས་ནི། །འཇིག་རྟེན་གསུམ་ནས་
D445.081.0277a05.01ལྷ་ལས་རྒྱལ། །ཁྲོ་བོ་བཅུ་ནི་ཀུན་ནས་ནི། །འཇིག་རྟེན་གསུམ་རྒྱལ་གཙོ་བོ་ཡིས། །འདི་ལྟར་བཀའ་ནི་བསྒོ་བར་འགྱུར། །ས་ཡི་ཆ་ནི་གང་ན་འདི། །རྡོ་རྗེ་ཕྲེང་བར་མངོན་བརྗོད་པའི། །རྣལ་འབྱོར་ཆེན་པོའི་དམ་ཚིག་རྒྱུད། །དུས་ཀུན་དུ་ནི་སྤྱོད་འགྱུར་ཞིང་། །
D445.081.0277a06.01རྒྱུན་དུ་དེ་ཉིད་རང་ཉིད་ཀྱིས། །ཁྲོ་བོ་བཅུ་ཡིས་དེ་ལས་ནི། །རྟག་ཏུ་ཕུར་བུས་བགེགས་ཀུན་ལ། །བསྲུང་བའི་དོན་དུ་ཡུལ་འཁོར་དང་། །རང་རང་ཕྲེང་བའི་སྔགས་ཀྱིས་ནི། །དེ་རྣམས་ལ་ནི་གཏོར་མ་དབུལ། །སེམས་ཅན་ཡོངས་སུ་གཟུང་བའི་ཕྱིར། །སྣ་ཚོགས་སྤྲུལ་
D445.081.0277a07.01