完整藏文原文 · 德格版页 当前仅加载第 81 函德格 272a 版页；藏文 NFD、目录标记与异常页序保留在来源切片中，重复版页行以稳定序号区分。
ཡོན་ཏན་མཚན་ཉིད་ནི། །དགའ་བ་ལ་སོགས་དབྱེ་བ་དང་། །དེ་བཞིན་སྒེག་སོགས་ཉམས་དང་ནི། །རྣལ་འབྱོར་རྗེས་སུ་རྣལ་འབྱོར་དང་། །ཤིན་ཏུ་རྣལ་འབྱོར་རྣལ་འབྱོར་ཆེ། །དང་པོ་སྦྱོར་བ་མདོར་བསྡུས་པས། །དེ་བཞིན་དཀྱིལ་འཁོར་རྒྱལ་པོ་
D445.081.0272a01.01མཆོག། །ལས་ཀྱི་རྒྱལ་པོ་རྣལ་འབྱོར་མཆོག །འཇུག་དད་གནས་དང་ལྡང་བ་ནི། །རྫོགས་པའི་རིམ་པའི་རྣལ་འབྱོར་དང་། །བདེ་གཉིས་དབུགས་འབྱུང་གཉིས་ལ་སོགས། །གང་ལ་རྒྱས་བཤད་དེ་ཉིད་རྒྱུད། །རྣལ་འབྱོར་ཆེན་པོའི་རྒྱུད་དུ་བརྗོད། །ཡོན་ཏན་
D445.081.0272a02.01ཇི་ལྟ་བུ་ཡི་རྒྱུད། །ཐོས་སོགས་ཡོན་ཏན་མཆོག་གི་ནི། །རྟེན་དང་སྣོད་ཅེས་བྱ་བར་གསུངས། །མཚན་རྣམས་ཀུན་གྱིས་བརྒྱན་པ་དང་། །ཇི་ལྟར་སེང་གེའི་འོ་མ་ནི། །ས་ཡི་སྣོད་དུ་བཞག་མི་བྱ། །དེ་བཞིན་རྣལ་འབྱོར་ཆེན་པོའི་རྒྱུད། །སྣོད་མིན་དག་ལ་སྦྱིན་མི་
D445.081.0272a03.01བྱ། །སློབ་མ་སྐད་ཅིག་དེ་ལ་འཆི། །འདི་དང་ཕ་རོལ་དུ་ནི་ཕུང་། །སྣོད་མིན་མན་ངག་རབ་བཤད་ན། །སློབ་དཔོན་དངོས་གྲུབ་ཉམས་པར་འགྱུར། །རྣལ་འབྱོར་ཆེན་པོའི་རྒྱུད་དཔལ་རྡོ་རྗེ་ཕྲེང་བ་མངོན་པར་རྟོགས་པ་ལས། སངས་རྒྱས་དང་དམ་པའི་ཆོས་དང་དགེ་འདུན་
D445.081.0272a04.01ལ་སོགས་པའི་མཚན་ཉིད་ཀྱི་ཚིག་རྒྱས་པའི་ལེའུ་སྟེ་དྲུག་ཅུ་ལྔ་པའོ།། །།དེ་ནས་བཅོམ་ལྡན་རྡོ་རྗེས་གསུངས། །སློབ་མའི་བྱ་བའི་སྤྱོད་པ་ནི། །ཞི་བ་ལ་སོགས་བྱ་བ་ཡང་། །སྔགས་དང་རྣལ་འབྱོར་རིམ་པ་ཡི། །ལྷམ་དང་གདུགས་དང་གཙུག་ཏོར་
D445.081.0272a05.01དང་། །སོ་རྩི་ལ་སོགས་མྱང་བ་དང་། །སྣབས་ཀྱི་གོང་བུ་མཆིལ་མ་སོགས། །འདོར་ཞིང་རྐང་པ་རྐྱོང་བ་དང་། །གཞན་དུ་ལྟ་དང་སྤྱི་བརྟོལ་སྨྲ། །ནོར་གྱིས་སྙེམས་དང་ངར་འཛིན་དང་། །རྒྱན་ལ་སོགས་པ་བལྟབ་པ་དང་། །བག་མེད་པར་ནི་སྨྲ་བ་དང་། །བླ་མའི་
D445.081.0272a06.01གྲིབ་མ་འགོམ་པ་དང་། །དེ་ལ་སོགས་པ་སྐྱོན་གྱི་ཚོགས། །བླ་མའི་མདུན་དུ་རྣམ་པར་སྤངས། །འཇིགས་པས་ཐལ་མོ་སྦྱར་ནས་ནི། །སྤྱི་བོར་ཕྱག་རྒྱ་བཀའ་ལུང་ནོད། །རབ་བདོག་ཀུན་གཏོད་དམ་བཅས་པས། །ངོ་ཚ་བཅས་ཤིང་གདོང་སྨད་པས། །སློབ་མས་
D445.081.0272a07.01