完整藏文原文 · 德格版页 当前仅加载第 81 函德格 227a 版页；藏文 NFD、目录标记与异常页序保留在来源切片中，重复版页行以稳定序号区分。
ཏེ། །དེ་ཡང་མིག་ནི་འཛུམས་པ་ཡི། །ཙམ་གསུམ་ལ་ནི་མིག་བཙུམས་ཏེ། །ཙམ་ནི་ཐལ་མོ་བརྡབས་པའོ། །བདེ་བ་འཆར་བ་དེ་གསུམ་ཙམ། །དེ་ནི་ཐིག་ལེ་འཕོ་བའོ། །སྔགས་པ་གསུམ་ལ་བདེ་བར་གནས། །དེ་ནི་རབ་འགྱེལ་འཇིགས་པར་བརྗོད། །དུས་གསུམ་
D445.081.0227a01.01ལ་ནི་འཇིགས་པར་བཤད། །དུས་ནི་ཕྲ་བ་སྐད་ཅིག་བདག །འདས་པ་དང་ནི་ད་ལྟར་དང་། །མ་འོངས་པ་ཡི་མཚན་ཉིད་དོ། །འདས་པའི་སྐད་ཅིག་གསུམ་དུ་གསུངས། །ད་ལྟར་ཡང་ནི་སྐད་ཅིག་གསུམ། །མ་འོངས་སྐད་ཅིག་གསུམ་དུ་བཤད། །དེ་ལས་སླར་ཡང་སྐད་ཅིག་
D445.081.0227a02.01གསུམ། །དེ་ལྟར་སྐད་ཅིག་གསུམ་གྱི་ཆ། །དེ་ལས་ཆ་གསུམ་དེ་ལས་ཆ། །དེ་སྲིད་གྲངས་ནི་ཇི་སྲིད་དུ། །རྟོག་པ་སྟོང་པ་གཉིས་སུ་མེད། །རྣལ་འབྱོར་མཆོག་ནི་ཐོབ་པར་འགྱུར། །སྲོག་གི་གནས་ནི་བླ་ན་མེད། །ཕྱོགས་དང་དུས་ཀྱི་རྟོག་པ་བྲལ། །རིགས་པའི་མཚན་ཉིད་
D445.081.0227a03.01སྤངས་པ་དང་། །དེ་ཡི་སྲོག་ནི་ཤར་ནས་ཐིམ། །གཉིས་མེད་དེ་ནི་བསྡུས་པའོ། །གཞན་ཡང་བཤད་པར་བྱ་ཡིས་ཉོན། །སྲོག་ནི་ཐིམ་དང་འཆར་བ་ཡི། །གང་ཚེ་སྐད་ཅིག་ལ་སོགས་རྟོགས། །ཀུན་ནས་རབ་ཏུ་མ་ཞི་བ། །དེ་སྲིད་སྲོག་ནི་རླུང་གི་གནས། །གྲོལ་བའི་གནས་
D445.081.0227a04.01ནི་མི་ཤེས་སོ། །བཤང་སྒོ་གསང་བའི་དབུས་ན་གནས། །མིང་ནི་མ་སྐྱེས་ཆ་ཆེན་པོ། །དེ་ཡང་རྣམ་ཤེས་དང་བྲལ་བ། །ཡེ་ཤེས་ལུས་ནི་བདག་མེད་པ། །དེར་ནི་སྐྱེ་བ་མཆོག་གི་མཆོག །སྲོག་ཆགས་རྣམས་ཀྱི་མཆོག་ཏུ་བརྗོད། །རྣམ་པར་ཤེས་པའི་ངོ་བོ་སྟོན། །ཐོག་མར་འབྱུང་
D445.081.0227a05.01བ་བཞི་པོ་ལ། །སྒྲོ་འདོགས་བསྐྱེད་པའི་ངོ་བོར་བྱེད། །དེ་ཚེ་རང་གི་གནས་སུ་ཐིམ། །རྣམ་ཤེས་ལས་ནི་སྐྱེ་བ་རླུང་། །དེ་ལས་མེ་ནི་སྐྱེ་བར་འགྱུར། །མེ་ལས་ཆུ་ནི་འབྱུང་བར་བྱེད། །དེ་ལས་ས་ནི་ཡང་དག་སྐྱེ། །དེ་དག་རྣམས་ལས་ཕུང་པོར་བྱུང་། །དེ་ཕྱིར་སྐྱེ་མཆེད་རྣམས་དང་ནི། །
D445.081.0227a06.01དེ་ལས་རྣམ་ཤེས་རང་བཞིན་མེད། །བརྒྱ་དང་བརྒྱད་ཀྱིས་ལྷག་པའི་རིམ། །ཇི་ལྟར་སྐྱེ་བོ་དེ་ཡི་གནས། །ཐིམ་ནས་འགྲོ་བའི་རང་བཞིན་དུ། །རྒྱགས་པ་བསྐྱེད་པའི་རླུང་ཆེན་པོ། །ཉོན་མོངས་ཡིད་ནི་འདས་ནས་ནི། །སྔགས་ཐོབ་ནས་ནི་རྣམ་རྒྱས་ཏེ། །སྐྱེ་མཆེད་རྣམས་ནི་སྡུད་
D445.081.0227a07.01