完整藏文原文 · 德格版页 当前仅加载第 81 函德格 237a 版页；藏文 NFD、目录标记与异常页序保留在来源切片中，重复版页行以稳定序号区分。
པོའི་སངས་རྒྱས་ཐུབ་པ་ཆེ། །ཀུན་དུ་བཟང་པོ་འཇམ་དཔལ་དང་། །སྣ་ཚོགས་སྤྲོ་བའི་བདག་ཉིད་ཅན། །སྣ་ཚོགས་ཡོན་ཏན་ཚོགས་ཀྱི་གཞི། །ཀུན་ནས་སྤྲོ་བའི་རྣལ་འབྱོར་ནི། །རྣལ་འབྱོར་ཆེན་པོ་དྲི་མ་མེད། །ཡེ་ཤེས་དེ་ཉིད་གསལ་བ་ནི། །རྟོག་
D445.081.0237a01.01པ་མེད་ཅིང་གནས་པ་མེད། །ཆོས་དབྱིངས་འཕོ་བ་ཞེས་བཤད་དོ། །བསྐྱེད་དང་རྫོགས་པའི་མཚན་ཉིད་དག །སྐྲ་ཡི་རྩེ་མོ་བརྒྱད་སྟོང་འདྲ། །ཤིན་ཏུ་གསལ་ཞིང་འོད་གསལ་བ། །ལུང་དང་རིགས་པའི་དབྱེ་བ་ཡིས། །བླ་མ་བརྒྱུད་པ་ལས་ནི་ཤེས། །དེ་ལྟར་དེ་ཉིད་གསུམ་
D445.081.0237a02.01དེ་མཆོག །ཞལ་ནས་བརྒྱུད་པའི་རིམ་པ་སྐྱེ། །གསང་བ་ཡི་ནི་ཡེ་ཤེས་མཆོག །བཞི་པའི་མཚན་ཉིད་སྐད་ཅིག་མཆོག །རྣལ་འབྱོར་ཆེན་པོའི་རྒྱུད་དཔལ་རྡོ་རྗེ་ཕྲེང་བ་མངོན་པར་རྟོགས་པ་ལས་དེ་ཁོ་ན་ཉིད་གསུམ་གྱི་དམ་ཚིག་གཏན་ལ་དབབ་པའི་ལེའུ་སྟེ། ཉི་ཤུ་གསུམ་
D445.081.0237a03.01པའོ།། །།དེ་ནས་ཡང་དག་བཤད་ཀྱིས་ཉོན། །སྣ་རྩེ་གསུམ་གྱི་མཚན་ཉིད་ནི། །གསང་བ་སྙིང་ག་གདོང་སྣའི་མིང་། །གསུམ་པོ་རྒྱུད་ལས་གསལ་བ་ནི། །འཁོར་ལོ་གསུམ་གྱི་དབྱེ་བ་ཡིས། །རྣལ་འབྱོར་པ་ཡིས་བསྒོམ་པའི་རིམ། །ཤིན་ཏུ་ཆགས་
D445.081.0237a04.01པའི་དབང་སོང་བའི། །སེམས་ཀྱི་བདེ་བ་སྟེར་བར་བྱེད། །རླུང་གི་དེ་ཉིད་སྦྱོར་བ་ཡིས། །རྩ་ཡི་འཁོར་ལོ་སད་པར་བྱེད། །བདེ་བ་ཆེན་པོ་ཀུན་ནས་སྐྱེ། །ཁམས་གསུམ་རོ་གཅིག་གྱུར་ནས་ནི། །དགུག་དབང་ཆོ་ག་བཞིན་དུ་བྱ། །བྱང་ཆུབ་སེམས་ནི་བདེ་བ་ཆེ། །ལྷན་
D445.081.0237a05.01སྐྱེས་སྐད་ཅིག་མཚན་ཉིད་ནི། །རྡོ་རྗེ་རྩེ་མོར་གཟུང་བར་བྱ། །དེ་ཉིད་བདེ་བ་ཆེན་པོ་སྟེ། །ཡེ་ཤེས་ལྔ་ཡི་རང་བཞིན་ཅན། །ཀུན་རྟོག་ཐམས་ཅད་རྣམ་པར་སྤངས། །གསང་བའི་སྣ་རྩེར་རྫས་ཐིག་ལེ། །ཡང་དག་གཟུང་བའི་བདག་ཉིད་ཅན། །ཆགས་ཆེན་
D445.081.0237a06.01སེམས་ནི་གཅིག་པུ་ཡིས། །རྣལ་འབྱོར་མཆོག་ཏུ་ཤེས་པར་བྱ། །པད་འདབ་དྲུག་ཅུ་རྩ་བཞི་ལ། །རྩ་ཡི་འཁོར་ལོ་རིམ་བཞིན་འཆར། །དེ་ཡི་ལྟེ་བ་སྣར་ནི་བཤད། །གསང་བ་བདེ་བ་ཐམས་ཅད་སྟེར། །སྙིང་གའི་པདྨ་འདབ་མ་བརྒྱད། །དེ་ཡང་ལྟེ་བ་སྣར་ནི་བརྗོད། །
D445.081.0237a07.01