完整藏文原文 · 德格版页 当前仅加载第 81 函德格 246b 版页；藏文 NFD、目录标记与异常页序保留在来源切片中，重复版页行以稳定序号区分。
སྟོང་ཉིད་ཁྱབ། །དབུས་ན་ཐིག་ལེ་ལྟ་བུ་ནི། །མི་འགྱུར་ཀུན་དུ་འགྲོ་བ་དང་། །རང་བྱུང་ཀུན་ལ་ཁྱབ་པ་དང་། །བདེ་བ་ཡང་དག་འཕེལ་བར་བྱེད། །དབྱངས་དང་གསལ་བྱེད་རྣམ་པར་སྤངས། །འཇིག་རྟེན་གསུམ་ནི་མ་ལུས་པ། །གཅིག་ཏུ་བྱས་ན་སྐྱེད་པར་
D445.081.0246b01.01བྱེད། །མི་ཤིགས་ནཱ་དའི་གོ་འཕང་ཅན། །རྣམ་པ་ཐམས་ཅད་རྣམ་པར་སྤངས། །སྦྲུལ་གྱི་ལྕེ་ལྟར་གཡོ་བ་དང་། །ཚངས་པ་ལ་སོགས་ཕ་མེས་དང་། །འཇིགས་པ་མ་ཡིན་གཡོ་བ་མིན། །ཡི་གེ་དང་ནི་ཚིག་མ་ཡིན། །འབྱུང་བའི་ཚོགས་ནི་རྣམ་པར་སྤངས། །
D445.081.0246b02.01གྲངས་བྲལ་ཟད་མེད་སྐྱེ་བ་མེད། །ལྟེ་བ་སྤྲུལ་པའི་འཁོར་ལོར་གནས། །ཆོས་ཀྱི་འཁོར་ལོའི་དབུས་གནས་པ། །སྒྲ་ཙམ་དྲི་མ་དང་བྲལ་བ། །ཆགས་བྲལ་ཆགས་པ་མེད་པ་དང་། །བྱ་བ་བྱེད་དང་གནས་མེད་པ། །དཔེ་མེད་གནས་པ་མེད་པ་དང་། །སྲོག་དང་
D445.081.0246b03.01རྩོལ་བ་རྣམ་པར་སྤངས། །ལྷ་ཡི་དབང་ཕྱུག་ཡེ་ཤེས་མཆོག །དེ་ལྟ་བུ་ཡང་རྙེད་པར་དཀའ། །ལོངས་སྤྱོད་འཁོར་ལོ་མཆོག་ཏུ་གནས། །འཆིང་བ་མེད་པའི་རྣམ་པ་མཆོག །མཆོག་ཏུ་ཁོང་དུ་ཆུད་གྱུར་པ། །རྣམ་པ་ཀུན་གྱིས་ཡང་དག་བཞུགས། །རྟེན་ཅིང་
D445.081.0246b04.01འབྲེལ་འབྱུང་རང་བཞིན་གྱི། །ཆང་གི་རོ་ཡིས་མྱོས་པ་བཞིན། །མཆོག་ནི་དང་པོ་མ་ལུས་པ། །དངོས་པོ་ཀུན་གྱི་ནང་ན་གནས། །ཐོག་མ་ཐ་མ་ལྷག་པར་གནས། །མཚན་ཉིད་མེད་ཅིང་སྣང་བ་མེད། །མཚན་ཉིད་ཐམས་ཅད་རྣམ་པར་སྤངས། །ཞི་བ་མི་འཇིགས་
D445.081.0246b05.01བརྗོད་དུ་མེད། །རང་བཞིན་ཉམས་མྱོང་རང་ངོ་བོ། །བདེ་བ་ཆེན་པོའི་འཁོར་ལོར་གནས། །བླ་མ་བརྒྱུད་པ་ལས་ནི་ཐོབ། །དེ་ལྟར་ཡེ་ཤེས་བྱེ་བྲག་ཆེ། །རང་གི་ངོ་བོ་རྣམ་ཤེས་དྲུག །སྟེང་དང་འོག་ཏུ་ཡང་དག་སྦྱོར། །རྣལ་འབྱོར་ཞེས་ནི་རབ་ཏུ་གྲགས། །རྣལ་
D445.081.0246b06.01འབྱོར་ཆེན་པོའི་རྒྱུད་དཔལ་རྡོ་རྗེ་ཕྲེང་བ་མངོན་པར་རྟོགས་པ་ལས་འཁོར་ལོ་དྲུག་སྒོམ་པའི་ལེའུ་སྟེ་སུམ་ཅུ་བརྒྱད་པའོ།། །།དེ་ནས་བཅོམ་ལྡན་རྡོ་རྗེས་གསུངས། །དུས་ཀྱི་མཚན་ཉིད་སྡོམ་པ་ནི། །རྣལ་འབྱོར་གང་གིས་རྣམ་པར་ཤེས། །གྲངས་ཀྱི་རྣལ་འབྱོར་བླ་
D445.081.0246b07.01