完整藏文原文 · 德格版页 当前仅加载第 81 函德格 264a 版页；藏文 NFD、目录标记与异常页序保留在来源切片中，重复版页行以稳定序号区分。
མེད། །གང་ལ་དེ་ཉིད་ཡོངས་ཤེས་པ། །བཙོ་མའི་གསེར་ལྟར་གསལ་པོར་ནི། །རྒྱུད་ནི་ལེགས་བཤད་དེ་ཉིད་ཤེས། །སྔགས་ཀྱི་སྤྱོད་པ་ལ་གནས་པར། །དེ་ལྟར་འདི་ནི་དེ་ཉིད་མཆོག །ཨེ་པྃ་དོན་ནི་རྣམ་པར་ངེས། །ཆོས་ཀྱི་ཕྱག་རྒྱ་ཡི་གེ་གཉིས། །དང་པོའི་
D445.081.0264a01.01ངག་ཏུ་ཡང་དག་བཤད། །རྣལ་འབྱོར་ཆེན་པོའི་རྒྱུད་དཔལ་རྡོ་རྗེ་ཕྲེང་བ་མངོན་པར་རྟོགས་པ་ལས་ཨེ་བྃ་ཞེས་བྱ་བ་དང་པོའི་ངག་བཤད་པ་དང་རྒྱུ་མཚན་བསྟན་པའི་ལེའུ་སྟེ་ལྔ་བཅུ་བརྒྱད་པའོ།། །།དེ་ནས་གཞན་ཡང་བཤད་ཀྱིས་ཉོན། །ཨེ་བྃ་ལ་སོགས་དོན་རྒྱས་པ། །གང་
D445.081.0264a02.01གིས་ཡང་དག་ཡོངས་སུ་ཤེས། །ཆོས་ཀྱི་དེ་ནི་ཡང་དག་རྟོགས། །ཨེ། ཨེ་ནི་ཤེས་རབ་དམ་པ་སྟེ། །འདོད་ཆགས་བྲལ་སོགས་སྐད་ཅིག་བདག །སྲིད་པ་གསུམ་ན་ཡོངས་ཤེས་པ། །འདི་ནི་རྩ་བར་རྣམ་པར་བསྟན། །བྃ། འོད་མ་བསྒྲེང་བ་ལྟར་མཛེས་ཤིང་། །ཆགས་ལ་
D445.081.0264a03.01སོགས་པ་རབ་བསྐྱེད་ལྡན། །སྣང་བ་གསལ་བ་རྣམ་པར་ཤེས། །མིང་ནི་ཐབས་ཤེས་བྱ་བ་ཡིན། །མ། རིག་ཆེན་རང་ཉིད་རྩ་བ་སྟེ། །མ་རིག་པ་ནི་ཟློག་པ་ཡིན། །མ་རིག་པ་ལས་འདི་འབྱུང་བས། །དེ་བས་སྣང་བ་འབྱུང་བའོ། །ཡཱ། འགྲོ་བ་རྣམ་ཤེས་གསུམ་དང་པོའི། །དེ་
D445.081.0264a04.01མིང་སྣང་བ་གསལ་བ་སྟེ། །དེ་ནི་སྟོང་པ་ཆེར་འགྱུར་ལ། །དེ་ཡང་འོད་གསལ་བར་འགྲོའོ། །ཤྲུ། སྣང་བ་གསུམ་གྱི་མཚན་ཉིད་ཅན། །གང་འདི་རྣམ་ཤེས་གསུམ་ཐོབ་པ། །སེམས་ཅན་ཁམས་ནི་མ་ལུས་པའི། །རང་བཞིན་རྩ་བ་འདི་ཡིན་ནོ། །ཏྃ། དེ་ནི་རེ་རེའི་དོན་སྣང་བ། །རླུང་
D445.081.0264a05.01གིས་བླངས་ནས་འཛིན་བྱེད་པ། །ལྃ། རླུང་དང་ལྡན་པའི་རྣམ་ཤེས་ནི། །ཀུན་དུ་འགྲོ་ལ་གནས་པར་འགྱུར། །ཨེ། འདི་ནི་རླུང་ཁམས་ཆེན་པོ་སྟེ། །རྣམ་ཤེས་གསུམ་གྱི་བཞོན་པ་ཡིན། །དེ་ཡིས་རང་བཞིན་དག་ཏུ་ནི། །ཇི་ལྟ་ཇི་ལྟར་འགྲོ་བར་འགྱུར། །ཀ། སྲ་བའི་ས་ཁམས་ཆུ་
D445.081.0264a06.01ཉིད་དང་། །དེ་བཞིན་མེ་དང་རླུང་དག་ནི། །རྣམ་པར་ཤེས་པར་བླངས་ནས་སུ། །སྲིད་གསུམ་གནས་སུ་སྐྱེ་བར་འགྱུར། །སྨི། འདི་ནི་ཕུང་པོ་ལྔ་རྣམས་སུ། །འབྱུང་བ་འདུས་བྱས་མཚན་ཉིད་ནི། །གཟུགས་ཚོར་འདུ་ཤེས་འདུ་བྱེད་དང་། །རྣམ་ཤེས་ཉིད་ནི་ལྔ་པའོ། །ས། མཉམ་
D445.081.0264a07.01