完整藏文原文 · 德格版页 当前仅加载第 81 函德格 235a 版页；藏文 NFD、目录标记与异常页序保留在来源切片中，重复版页行以稳定序号区分。
ཀུན་མཁྱེན་གོ་འཕང་མི་གསལ་བྱེད། །རིགས་ཀྱི་དབྱེ་བས་རབ་གསལ་བྱེད། །རིགས་ནི་ལྔ་ཡི་རྣམ་པ་གང་། །དེ་ནི་ཕུང་པོའི་མཚན་ཉིད་དོ། །ཕྲ་རགས་ལ་སོགས་དབྱེ་བ་ཡིས། །ཐོགས་བཅས་ཐོགས་མེད་མཚན་ཉིད་དང་། །འབྱུང་བ་ཆེན་པོ་བཞི་ཡི་དངོས། །
D445.081.0235a01.01འདི་ནི་གཟུགས་ཀྱི་ཕུང་བོར་གསུངས། །དེར་ནི་རྣམ་སྣང་ངོ་བོ་དང་། །ཐམས་ཅད་སྤྲོ་བར་བྱེད་པའི་རྒྱུ། །བདེ་དང་སྡུག་བསྔལ་མཆོག་ཏུ་ཞི། །གྲང་དང་དྲོ་བ་མཆོག་གི་མཆོག །གང་གིས་ཤིན་ཏུ་རིག་པ་ནི། །དེ་ནི་ཚོར་བའི་ཕུང་པོར་བཤད། །རིན་ཆེན་འབྱུང་ལྡན་ཉིད་ཀྱི་
D445.081.0235a02.01མཚན། །དེ་བཞིན་གཤེགས་པའི་སྤྲོས་བདག་ཉིད། །གླང་པོ་བོང་བུ་ཅེ་སྤྱང་དང་། །རྟ་དང་{རི་དགས་,རི་དྭགས་}དང་ནི་ཕག །ཕ་དང་མ་དང་ཕ་ཡི་སྤུན། །མཛའ་པོ་སྣག་གི་གཉེན་ཚན་སོགས། །གང་གིས་ཡང་དག་ཤེས་པ་ནི། །འདུ་ཤེས་ཕུང་པོའི་མཚན་ཉིད་ནི། །དེ་བཞིན་
D445.081.0235a03.01གཤེགས་པ་འོད་དཔག་མེད། །དེ་ནི་སྤྲོས་པ་ཀུན་ནས་གསལ། །འགྲོ་བ་ཁྱབ་པར་ཡོངས་སུ་ཤེས། །དགེ་དང་མི་དགེའི་ལས་འབྲས་བུ། །གཞན་ཡང་ལུང་དུ་མ་བསྟན་མིན། །དེ་ཡི་འདུ་བྱེད་དུ་ནི་བཤད། །དོན་ཡོད་སྤྲོ་བའི་རང་བཞིན་ཅན། །འཁོར་བ་དངོས་དང་
D445.081.0235a04.01དངོས་མེད་སོགས། །ཀུན་རྟོག་འབྱུང་བའི་བདག་ཉིད་ཅན། །རྣམ་ཤེས་ཞེས་ནི་རྣམ་པར་ཤེས། །མི་བསྐྱོད་སྤྲོ་བའི་བདག་ཉིད་ཅན། །དེ་ལྟར་ཕུང་པོ་ཡོངས་ཤེས་ན། །ལུང་དང་རིགས་པའི་ཤེས་པ་སྐྱེ། །ཛི་ན་ཛིཀ་དང་རཏྣ་དྷྲྀཀ །ཨཱ་རོ་ལིཀ་དང་པྲཛྙཱ་དྷྲྀཀ །བཛྲ་
D445.081.0235a05.01དྷྲྀཀ་ཅེས་བྱ་བའི་སྔགས། །ཅི་རིགས་པར་ནི་རིམ་བཞིན་ཤེས། །སྤྱན་ལ་སོགས་པ་བཞི་པོ་གང་། །དེ་ནི་ཁམས་གསུམ་ཡོངས་སུ་བརྟག །སྲ་བ་ལ་སོགས་བཞིར་ཕྱེ་བས། །ས་ཡི་ཁམས་སུ་ཡོངས་སུ་བརྟག །གཏི་མུག་དགའ་བར་མངོན་པར་བརྗོད། །དེ་ཡི་
D445.081.0235a06.01སྤྱན་དུ་ཡོངས་སུ་གྲགས། །ཞུ་བ་ཅི་མཆི་ཁུ་བ་སོགས། །རྫས་ཀྱི་བྱེ་བྲག་ཡང་དག་བསྟེན། །ཆུ་ཡི་ཁམས་སུ་རྣམ་པར་ཤེས། །མཱ་མ་ཀཱི་ཡི་བདག་ཉིད་ཅན། །དྲོ་བ་བཟའ་བཏུང་སྨིན་པ་དང་། །གཟི་བརྗིད་འཕྲོ་བ་ཉིད་ཐམས་ཅད། །མེ་ཡི་ཁམས་སུ་ཤེས་པར་བྱ། །
D445.081.0235a07.01