完整藏文原文 · 德格版页 当前仅加载第 81 函德格 231a 版页；藏文 NFD、目录标记与异常页序保留在来源切片中，重复版页行以稳定序号区分。
ས་སོགས་འགྲོ། །དེ་དག་དེ་བཞིན་གཤེགས་ལྔ་ལ། །སྐུ་གསུང་ཐུགས་ཀྱི་རྡོ་རྗེ་ལ། །དེ་དག་ལ་ཡང་བསྡུས་ནས་འགྲོ། །དེ་ཁོ་ན་ཉིད་བདེ་གཅིག་པུ། །དེ་ལ་ཡང་ནི་ཐིམ་ནས་འགྲོ། །གཟུང་དང་འཛིན་པ་རྣམས་ལས་གྲོལ། །བདེ་བ་ཀུན་རྟེན་པ་ཡི་
D445.081.0231a01.01མཆོག །དེ་ཡང་ཉམས་མྱོང་ཙམ་ལས་སླར། །དེ་ནི་ཡི་གེ་ཙམ་ལ་ཐིམ། །ཡི་གེ་ཙམ་ནི་ཐིག་ལེར་ཐིམ། །ཐིག་ལེ་ཡང་ནི་སྒྲ་ལ་ཐིམ། །སྒྲ་ཡང་སྒྲ་ཙམ་ལ་ནི་ཐིམ། །སྒྲ་ཙམ་འོད་གསལ་བ་ལའོ། །འོད་གསལ་གོ་འཕང་ཡང་དག་པར། །སྤྲོ་དང་བསྡུ་བའི་མཚན་
D445.081.0231a02.01ཉིད་དོ། །རྣམ་པར་ཤེས་དང་ཆོས་དབྱིངས་དང་། །དོན་དམ་པ་དང་བདེ་བ་ཆེ། །གཟུང་དང་འཛིན་པ་ལས་གྲོལ་བ། །བྱང་ཆུབ་སེམས་ནི་དྲི་མ་མེད། །རྡོ་རྗེ་སེམས་དཔའི་ཞི་བ་ཆེ། །གཉིས་མེད་ཡེ་ཤེས་རྨད་དུ་བྱུང་། །དབང་བསྐུར་བཞི་པ་བདེ་བ་དང་། །བཞི་བའི་
D445.081.0231a03.01དགའ་བ་གོ་འཕང་མཆོག །དེ་ལ་སོགས་མིང་བྱེ་བྲག་གིས། །གོ་འཕང་མཆོག་ནི་གསུངས་པ་ཡིན། །སྤྲོ་དང་བསྡུ་བའི་དབྱེ་བ་ཡིས། །རིམ་པ་ཇི་ལྟ་བ་བཞིན་དུ། །དེ་ལྟར་བསྐྱེད་དང་རྫོགས་པ་ཡི། །རིམ་དོན་བླ་མ་བརྒྱུད་ལས་ཤེས། །ཞི་བ་གཉིས་མེད་
D445.081.0231a04.01མཚན་ཉིད་ཅན། །རྣལ་འབྱོར་ཆེན་པོའི་རྒྱུད་དཔལ་རྡོ་རྗེ་ཕྲེང་བ་མངོན་པར་རྟོགས་པ་ལས་རྣལ་འབྱོར་པའི་ལུས་ཀྱི་རྩ་བསྡུས་པའི་ལེའུ་སྟེ་{བཅྭ་,བཅོ་}བརྒྱད་པའོ།། །།དེ་ནས་གཞན་ཡང་བཤད་བྱ་བ། །སྣ་ཚོགས་ལ་སོགས་སྐད་ཅིག་བདག །ཡང་དག་གཞུང་ལུགས་མཚན་
D445.081.0231a05.01ཉིད་ནི། །དེ་ཉིད་ཇི་ལྟ་བ་བཞིན་ཉོན། །རྣམ་པ་སྣ་ཚོགས་རྣམ་པར་སྨིན། །རྣམ་པར་འཇོམས་དང་མཚན་ཉིད་བྲལ། །སྐད་ཅིག་མ་ནི་བཞི་ཞེས་གསུངས། །རྣམ་པར་ཕྱེ་ནས་སླར་བཤད་བྱ། །རྣམ་པ་སྣ་ཚོགས་མངོན་པར་འདོད། །དེ་ཡི་སྐད་ཅིག་དབྱེ་བར་བྱ། །ཨ་ལིད་
D445.081.0231a06.01ག་ན་དང་། ཙུམྦ་ན་དང་། ཙུ་མ་ཤ་ན་དང་། ཀུ་ཙ་གྲ་ཧ་དང་། བུ་ལ་ཏྲ་ཏྲ་ཧ་ན་དང་། ད་ཤ་ན་དང་། ཁ་ད་ན་དང་། དོ་ལ་དང་། པུ་ཙི་ཙི་དང་། ཀུར་པ་ལ་སོགས་པའི་ཀ་ར་ན་དང་། །རྣམ་པ་སྣ་ཚོགས་སྐད་ཅིག་གོ། །ན་ལི་སྟོང་ཕྲག་བདུན་ཅུ་གཉིས། །ལུས་ནི་བདེ་བ་རྒྱས་
D445.081.0231a07.01