完整藏文原文 · 德格版页 当前仅加载第 81 函德格 253a 版页；藏文 NFD、目录标记与异常页序保留在来源切片中，重复版页行以稳定序号区分。
པ། །ཤིན་ཏུ་རྣམ་དག་མཁའ་ཡི་དངོས། །རང་གི་དངོས་གྲུབ་མཆོག་ཏུ་འགྲོ། །རྣལ་འབྱོར་ཆེན་པོའི་རྒྱུད་དཔལ་རྡོ་རྗེ་ཕྲེང་བ་མངོན་པར་རྟོགས་པ་ལས་སྟོང་པ་ཉིད་ཀྱི་རྡོ་རྗེའི་ཕྲེང་བ་བསྐྱེད་པའི་མཚན་ཉིད་ཀྱི་ལེའུ་སྟེ་ལྔ་བཅུ་པའོ།། །།དེ་ནས་བཅོམ་ལྡན་རྡོ་རྗེས་
D445.081.0253a01.01གསུངས། །མཚན་མོ་ཉིན་མོའི་མཚན་ཉིད་ནི། །མཚན་མོ་ཤེས་རབ་ཤེས་པར་བྱ། །འབྱུང་པོ་ཐམས་ཅད་ཐིམ་ནས་འགྲོ། །མཚན་མོའི་ཆ་ནི་ཟླ་བར་འགྱུར། །ཟླ་བ་མྱ་ངན་འདས་མཚན་ཉིད། །ཀུན་རྫོབ་དང་ནི་དོན་དམ་གྱི། །ཤེས་རབ་རྣམ་པ་གཉིས་ཞེས་བྱ། །ཀུན་རྫོབ་
D445.081.0253a02.01ཤེས་བྱར་ཤེས་པར་བྱ། །དོན་དམ་རེག་བྱ་རྣམ་པར་སྤངས། །རེག་བྱ་དང་བྲལ་བདེ་བ་གང་། །བདེ་བ་མཆོག་དེ་ཐོབ་པར་དཀའ། །ཉིན་མོ་སླར་ཡང་ཐབས་སུ་བཤད། །ཐབས་ནི་ཉིན་མོར་གྱུར་པ་དང་། །གང་ཚེ་དངོས་ལས་སྐྱེས་ཉི་མ། །རྟག་ཏུ་བྷ་གའི་བདག་པོར་
D445.081.0253a03.01འགྱུར། །འཁོར་བའི་རྣམ་པ་ཉི་མར་འགྱུར། །ཉི་མ་ལས་ནི་ཟླ་བ་སྐྱེ། །དེ་ལས་གཉིས་མེད་ངོ་བོར་བཤད། །འབར་བའི་ཕྱིར་ནི་ཉི་མར་འགྱུར། །རྣམ་པར་དཔྱད་པའི་དོན་དམ་དང་། །ཆགས་བྲལ་མཆོག་ཏུ་ཕྲ་བ་དང་། །མི་སྣང་བ་དང་སྟོང་པའི་ལུས། །འོད་གསལ་བ་
D445.081.0253a04.01ཡི་གོ་འཕང་ཞི། །གང་དུ་ཡང་དག་མི་གནས་སོ། །རྣལ་འབྱོར་ཆེན་པོའི་རྒྱུད་དཔལ་རྡོ་རྗེ་ཕྲེང་བ་མངོན་པར་རྟོགས་པ་ལས་མཚན་མོ་ཉིན་མོ་རྒྱས་པར་བཤད་པའི་ལེའུ་སྟེ་ལྔ་བཅུ་གཅིག་པའོ།། །།དེ་ནས་བཅོམ་ལྡན་རྡོ་རྗེས་གསུངས། །ཨཱ་ལི་ཀཱ་ལིའི་དམ་ཚིག་ནི། །རྒྱུད་
D445.081.0253a05.01རྣམས་གཞན་དུ་མ་གསུངས་པའི། །རྒྱལ་སྲས་རྣམས་ལ་དགོངས་པ་ཡི། །འོད་གསལ་གོ་འཕང་ལས་སྐྱེས་པའི། །སྣང་བ་མཆེད་པའི་མཚན་ཉིད་ནི། །གསལ་བྱེད་སུམ་ཅུ་རྩ་གསུམ་ལྡན། །ཀཱ་ལིའི་དཀྱིལ་འཁོར་རྒྱས་པའོ། །སྣང་བ་མཆེད་པའི་གོ་འཕང་ནི། །སྣང་བ་
D445.081.0253a06.01ལས་བྱུང་ཟད་པ་མེད། །དབྱངས་ནི་བཅུ་དྲུག་དང་ལྡན་པ། །ཨཱ་ལིའི་དཀྱིལ་འཁོར་རྒྱས་པའོ། །དེ་གཉིས་གསང་བའི་སྦྱོར་བ་ལས། །དབུས་སུ་སྐྱེས་པའི་བདེ་བ་ཆེ། །ཨཱ་ལི་ཀཱ་ལིའི་དམ་ཚིག་ཅེས། །དགོངས་པའི་ཚིག་གིས་བྱེ་བྲག་བྱས། །ཤིན་ཏུ་ཕྲ་བའི་ཡེ་
D445.081.0253a07.01