完整藏文原文 · 德格版页 当前仅加载第 93 函德格 226b 版页；藏文 NFD、目录标记与异常页序保留在来源切片中，重复版页行以稳定序号区分。
གདུལ་དཀའ་མ་དང་། ཨེ་ལ་མོ་དང་། མཚན་མ་ཅན་མ་དང་། དུ་བའི་མཐའ་ཅན་མ་དང་། དུ་བ་མ་དང་། དུ་བ་བཟང་མོ་མ་ཞེས་པ་ཤ་ཟ་མོ་ཆེན་མོ་འདི་རྣམས་ཤ་ཟ་མོ་བརྒྱ་སྟོང་ཕྲག་དུ་མས་ཡོངས་སུ་བསྐོར་བ་རྣམས་ཀྱང་འཁོར་འདུས་པའི་དཀྱིལ་
D724.093.0226b01.01འཁོར་ཆེན་པོ་དེར་རབ་ཏུ་ཞུགས་པར་གྱུར་ཏོ། །གང་ཡང་མ་མོ་དང་། མ་མོ་ཆེན་མོ་དག་འཇིག་རྟེན་གྱི་རྗེས་སུ་སྤྱོད་ཅིང་སེམས་ཅན་ལ་རྣམ་པར་འཚེ་བར་བྱེད་པ་གཏོར་མ་དང་ཕྲེང་བ་ཉིད་སྡུད་པར་བྱེད་པ་ལ་འདི་ལྟ་སྟེ། ཚངས་མ་དང་། དབང་ཕྱུག་ཆེན་མོ་དང་། ཁྱབ་
D724.093.0226b02.01འཇུག་མ་དང་། གཞོན་ནུ་མ་དང་། རྒན་བྱད་མ་དང་། ཕག་མོ་དང་། དབང་མོ་དང་། གཤིན་རྗེ་མ་དང་། མེ་མོ་དང་། ཉི་མའི་བུ་མོ་དང་། འཇིག་རྟེན་བར་མ་དང་། ཆུ་ལྷ་མོ་དང་། དབང་ལྡན་མོ་དང་། རླུང་ལྷ་མོ་དང་། གཞན་གྱི་སྲོག་འཕྲོག་མ་དང་།
D724.093.0226b03.01ཞལ་རྒྱན་པ་མོ་དང་། དགེ་མཚན་མ་དང་། དགེ་མཚན་མ་ཆེན་མོ་དང་། སྲུལ་མོ་དང་། ལུས་སྲུལ་མོ་དང་། སྐེམ་བྱེད་མ་ཞེས་པ་མ་མོ་ཆེན་མོ་འདི་རྣམས་མ་མོ་བརྒྱ་སྟོང་ཕྲག་དུ་མས་ཡོངས་སུ་བསྐོར་བ་དེ་རྣམས་འཁོར་འདུས་པའི་དཀྱིལ་འཁོར་ཆེན་
D724.093.0226b04.01པོ་དེར། སངས་རྒྱས་ལ་ཕྱག་འཚལ་ལོ་ཞེས་ཚིག་ཏུ་འདོན་ཅིང་འཁོད་པར་གྱུར་ཏོ། །དེ་བཞིན་དུ་མི་དང་མི་མ་ཡིན་པ་བརྒྱ་སྟོང་ཕྲག་དུ་མ་དང་། སེམས་ཅན་དང་སེམས་ཅན་མ་ཡིན་པ་ཇི་སྲིད་དམྱལ་བ་ཆེན་པོ་མནར་མེད་པ་ནས། སྲིད་པའི་རྩེ་མོའི་
D724.093.0226b05.01བར་སྐབས་འདིར་ཐམས་ཅད་ནམ་མཁའི་དཀྱིལ་དུ་གསལ་བར་གྱུར་ཏོ། །སེམས་ཅན་གྱི་ཚོགས་ཀྱི་སྲོག་ཆགས་འགའ་ལ་ཡང་གནོད་པ་མེད་པར་གྱུར་ཏོ། །སངས་རྒྱས་ཀྱི་བྱིན་གྱིས་བརླབས་དང་། བྱང་ཆུབ་སེམས་དཔའི་རྫུ་འཕྲུལ་གྱི་རྒྱན་གྱིས་སེམས་
D724.093.0226b06.01ཅན་ཐམས་ཅད་ཀྱི་སྤྱི་བོ་ན། སངས་རྒྱས་བཅོམ་ལྡན་འདས་དང་། སྤྱན་རས་གཟིགས་དབང་ཕྱུག་བཞུགས་པ་ཡང་དག་པར་མཐོང་བར་གྱུར་ཏོ། །དེ་ནས་བཅོམ་ལྡན་འདས་ཤཱཀྱ་ཐུབ་པ་ཐམས་ཅད་དང་ལྡན་པའི་འཁོར་ལ་སངས་རྒྱས་ཀྱི་སྤྱན་གྱིས་གཟིགས་
D724.093.0226b07.01