完整藏文原文 · 德格版页 当前仅加载第 93 函德格 273b 版页；藏文 NFD、目录标记与异常页序保留在来源切片中，重复版页行以稳定序号区分。
ལྔ་པར་བརྗོད་པར་བྱ། །བདེན་པའི་ཆོས་ནི་ཁྲོ་བ་ཐུལ། །རྒྱུད་ཤེས་བསྟན་བཅོས་མཐོང་བ་དང་། །ཕྲ་མོའི་དེ་ཉིད་དོན་ལ་མཁས། །སྔགས་ཤེས་ལས་ལ་གྲགས་པ་དང་། །རྒྱུ་ཡིས་ནང་ལ་མཁས་པ་སྟེ། །དེ་ལ་དངོས་གྲུབ་རྙེད་མི་དཀའ། །བདེན་པའི་ཆོས་ནི་རྣམ་སྤངས་པའི། །
D724.093.0273b01.01{བརྫུན་,རྫུན་}པའི་ཚིག་ནི་སྨྲ་མི་བྱ། །བདེན་པ་ཐམས་ཅད་རྣམ་སྤངས་པའི། །མ་རུངས་རབ་ཏུ་མ་རུངས་ཉིད། །རྣམ་པར་སྡང་དང་འཁྲུགས་བཅས་དང་། །རྩུབ་ཅིང་གནད་ནི་འགེམས་པ་དང་། །བདེན་པའི་ཆོས་ནི་རྣམ་པར་ཉམས། །སེམས་ཅན་གཞན་ལ་གདུང་བར་བྱེད། །ཕྲ་མ་
D724.093.0273b02.01ཉོན་མོངས་ཅན་སེམས་དང་། །ཆོས་རྣམས་ཐམས་ཅད་སྤངས་པ་དང་། །དེ་བཞིན་འཚེ་བའི་བདག་ཉིད་ཅན། །རྟག་ཏུ་ཁྲིམས་འཆལ་ཆོས་མིན་སྤྱོད། །སྔགས་ཟློས་པ་ཡིས་སྤང་བར་བྱ། །དེ་བཞིན་ཉིད་དུ་གྲོང་གི་ཆོས། །ཁྲོ་བ་བརྣབ་སེམས་འབྱུང་བ་ཡི། །འཇིག་རྟེན་ཕ་རོལ་
D724.093.0273b03.01འཇིགས་པ་རྣམས། །བློ་ལྡན་རང་རྒྱལ་བསེ་རུ་དང་། །སླར་ཡང་རྟག་ཏུ་ཉོན་མོངས་དང་། །སྔོན་གྱི་སངས་རྒྱས་རྣམས་ཀྱིས་སྨད། །དེ་བཞིན་རྟག་ཏུ་{བརྫུན་,རྫུན་}སྨྲ་བ། །འཇིག་རྟེན་དངོས་གྲུབ་འདོད་དོན་གཉེར། །ས་སྟེངས་{བརྫུན་,རྫུན་}སྨྲ་ཉེ་བར་སྨྲ། །མི་བཟད་དམྱལ་བ་ཆེན་པོར་ལྟུང་། །
D724.093.0273b04.01སྔོན་གྱིས་ཉེས་པ་ལས་དེ་བཞིན། །དགའ་བས་གཤིན་རྗེའི་འཇིག་རྟེན་དུ། །རྟག་ཏུ་སླར་ཡང་དེར་གནས་སོ། །རྟག་ཏུ་{བརྫུན་,རྫུན་}སྨྲས་ཉེར་འཚོ་བ། །མི་བཟད་ངན་འགྲོར་ལྟུང་བར་འགྱུར། །ཐིག་ནག་རབ་ཏུ་ཚ་བ་དང་། །ཡང་སོས་རལ་གྲི་ལོ་མ་དང་། །དེ་བཞིན་ཤལ་མ་ལ་ཡི་
D724.093.0273b05.01ནགས། །དེར་ནི་བསྐལ་པ་མང་པོར་གནས། །{བརྫུན་,རྫུན་}དུ་སྨྲ་བའི་སྐྱེ་བོ་ནི། །གསང་སྔགས་ལོག་པར་སྨྲ་བ་དང་། །རྨོངས་པས་ལོག་པར་བརྗོད་པ་ཡི། །འབྱུང་པོ་རྣམས་ལ་སླུ་བྱེད་པ། །དེ་ལ་གྲུབ་པ་ག་ལ་ཡོད། །དེ་ཕྱིར་རྨོངས་པ་ལས་འདི་ཡིས། །སྔགས་ཀྱི་དངོས་གྲུབ་
D724.093.0273b06.01མ་མཐོང་ནས། །སྔགས་པའི་དངོས་གྲུབ་མེད་དོ་ཞེས། །འདི་སྐད་དུ་ནི་ཚིག་སྨྲ་བ། །གང་གིས་སངས་རྒྱས་བསྟན་པ་ནི། །ས་སྟེངས་འདིར་ནི་རབ་སྤངས་པ། །བསྐལ་པ་བྱེ་བ་མང་པོ་ཡིས། །དེ་ཡིས་གྲུབ་པར་ག་ལ་འགྱུར། །དེ་ཕྱིར་འདི་ནི་མི་བཟད་པའི། །འཇིགས་
D724.093.0273b07.01