完整藏文原文 · 德格版页 当前仅加载第 93 函德格 241a 版页；藏文 NFD、目录标记与异常页序保留在来源切片中，重复版页行以稳定序号区分。
མཁའ་དང་། ཡོངས་སུ་ཞེས་བྱ་བ་གཉིས་ཀྱང་ངོ་། །དེ་བཞིན་དུ་ཤར་དུ་ཁ་བལྟས་པའི་དཀྱིལ་འཁོར་ཐམས་ཅད་དུ་འཇུག་པའི་སྒོ་རྣམས་བྱའོ། །བཅོམ་ལྡན་འདས་ཤཱཀྱ་ཐུབ་པའི་གཡོན་གྱི་གཞོགས་སུ་རང་སངས་རྒྱས་ཙནྡན་དང་། གྲུབ་པ་
D724.093.0241a01.01ཞེས་པ་གཞན་གཉིས་ཀྱང་ཀུན་ཏུ་བྲིའོ། །དེ་རྣམས་ཀྱི་འོག་ཏུ་ཉན་ཐོས་ཆེན་པོ་འོད་སྲུང་ཆེན་པོ་དང་། ཀ་ཏྱ་ན་དང་གཉིས་ཀུན་དུ་བྲིའོ། །དེ་རྣམས་ཀྱིའང་གཞོགས་སུ་འཕགས་པ་ཕྱག་ན་རྡོ་རྗེ་ཨུཏྤ་ལ་ལྟར་སྔོ་བསངས་སུ་སྣང་བ་རབ་ཏུ་ཞི་བའི་གཟུགས་རྒྱན་ཐམས་ཅད་
D724.093.0241a02.01ཀྱིས་བརྒྱན་པ། ཕྱག་གཡས་རྔ་ཡབ་ཐོགས་པ། གཡོན་པ་ཁྲོ་བོའི་སྤྱི་བོར་བཞག་པའོ། །རྡོ་རྗེ་ཁུ་ཚུར་དང་། རྡོ་རྗེ་ལྕགས་ཀྱུ་དང་། རྡོ་རྗེ་ལྕགས་སྒྲོག་དང་། དཔུང་བཟང་དང་། རྡོ་རྗེ་སྡེ་རྣམས་ཆ་བྱད་ཇི་ལྟ་བ་དང་། མཚན་མ་ཇི་ལྟ་བ་བཞིན་དུ་བགེགས་
D724.093.0241a03.01རྣམས་འཇོམས་པའོ། །རིག་པའི་རྒྱལ་པོ་དང་། རྒྱལ་མོ་འཁོར་དང་བཅས་པ་ཐམས་ཅད་དང་། གཟུགས་དང་ཕྱག་རྒྱ་ལ་སོགས་པ་རྣམས་ཇི་ལྟར་དྲན་པ་བཞིན་དུ་བྲིའོ། །དེ་རྣམས་ཀྱིའང་གཡོན་དུ་གྲུ་བཞིའི་རྣམ་པར་རྡོ་རྗེའི་ཕྱག་རྒྱ་གཉིས་བྲི་བར་བྱའོ། །བྲིས་
D724.093.0241a04.01ནས་ཀྱང་གནས་གང་དུ་རིག་པའི་ཚོགས་མ་དྲན་པ་དེ་རྣམས་གནས་འདིར་བཞུགས་ཤིག་ཅེས་བརྗོད་པར་བྱའོ། །དེ་རྣམས་ཀྱི་སྟེང་དུ་ཕ་རོལ་ཏུ་ཕྱིན་པ་དྲུག་དང་། བཅོམ་ལྡན་འདས་མ་མཱ་མ་ཀཱི་ཀུན་དུ་བྲི་སྟེ་རྒྱན་ཐམས་ཅད་ཀྱིས་བརྒྱན་པ་རབ་ཏུ་ཞི་བའི་ལུས་སོ། །དེ་
D724.093.0241a05.01རྣམས་ཀྱིའང་སྟེང་དུ་གཙུག་ཏོར་གྱི་རྒྱལ་པོ་བརྒྱད་ཀུན་ནས་འབར་བའི་ཕྲེང་བས་འཁྲུགས་པ། ཕྱག་རྒྱ་བཅིངས་པ་རང་རང་གི་འཁོར་ལོས་སྒྱུར་བའི་རྒྱལ་པོ་ཆེན་པོའི་གཟུགས་སུ་ཀུན་དུ་བྲི་སྟེ། གསེར་མདོག་དབང་པོ་རབ་ཏུ་ཞི་བ་རྒྱན་ཐམས་ཅད་ཀྱིས་བརྒྱན་པ་དེ་བཞིན་
D724.093.0241a06.01གཤེགས་པའི་སྐུ་གཟུགས་ལ་ཅུང་ཟད་བལྟ་བ་སྦྱིན་པ་རྣམས་འདི་ལྟ་སྟེ། གཙུག་ཏོར་འཁོར་ལོས་སྒྱུར་བ་དང་། གཙུག་ཏོར་མངོན་པར་འཕགས་པ་དང་། གཙུག་ཏོར་གདུགས་དཀར་པོ་དང་། རྒྱལ་བའི་གཙུག་ཏོར་དང་། པདྨའི་གཙུག་ཏོར་དང་། རྣམ་པར་
D724.093.0241a07.01