完整藏文原文 · 德格版页 当前仅加载第 93 函德格 268b 版页；藏文 NFD、目录标记与异常页序保留在来源切片中，重复版页行以稳定序号区分。
འཇོམས་པར་བྱེད་པ། སྔགས་ཐམས་ཅད་སོ་སོར་རྫོགས་པར་བྱེད་པ། དགེ་བར་བྱེད་པ། འཇིག་རྟེན་དང་འཇིག་རྟེན་ལས་འདས་པའི་རིག་པ་དང་། སྔགས་ཐམས་ཅད་ཀྱི་གོང་ནས་གོང་དུ་རབ་ཏུ་འཇུག་པ། ཐོགས་པ་མེད་པ། དེ་བཞིན་གཤེགས་པ་ཐམས་ཅད་ཀྱི་སྙིང་
D724.093.0268b01.01པོ་ཡང་དག་པར་གྱུར་པ། བསམ་པ་ཐམས་ཅད་ཡོངས་སུ་རྫོགས་པར་བྱེད་པ། དེ་གང་ཞེ་ན། ན་མོ་རཏྣ་ཏྲ་ཡཱ་ཡ། ན་མ་ཨཱརྱཱ་བ་ལོ་ཀི་ཏེ་ཤྭ་རཱ་ཡ། བོ་དྷི་སཏྭཱ་ཡ། མ་ཧཱ་སཏྭཱ་ཡ། མ་ཧཱ་ཀཱ་རུ་ཎི་ཀཱ་ཡ། ཏདྱ་ཐཱ། ཏཱ་རེ་ཏཱ་རེ་ཏུཏྟཱ་རེ་ཏུ་རེ་སྭཱ་ཧཱ། གྲོགས་པོ་དག་འདི་ནི་
D724.093.0268b02.01མཆོག་ཏུ་གསང་བ་དམ་པ་ལས་ཆེན་པོ་ཐམས་ཅད་བྱེད་པ། རིག་པའི་རྒྱལ་མོ་ཆེན་མོ་སེམས་ཅན་ཐམས་ཅད་ཀྱིས་འདའ་བར་བྱེད་པ་མ་ཡིན་པ། འབྱུང་པོ་ཐམས་ཅད་ཀྱིས་མི་ཚུགས་པ། སངས་རྒྱས་ཐམས་ཅད་ཀྱིས་བཀྲ་ཤིས་པ། རིག་པ་དང་སྔགས་ཐམས་ཅད་ཀྱིས་
D724.093.0268b03.01བསྒྲུབས་པ། འཇིག་རྟེན་ཐམས་ཅད་ཀྱི་མངའ་བདག །རིག་པའི་དབང་ཕྱུག་ཐམས་ཅད་ཀྱི་དབང་ཕྱུག །རྣམ་པར་སྡང་བ་ཐམས་ཅད་ལ་བྱམས་པའི་བདག་ཉིད། སྐྱེ་བོ་རྣམས་ལ་སྙིང་བརྩེ་བ་དང་། བགེགས་ཐམས་ཅད་རྣམ་པར་འཇོམས་པར་བྱེད་པ་སྟེ། མདོར་ན་ཇི་ལྟ་ཇི་ལྟར་
D724.093.0268b04.01རབ་ཏུ་སྦྱར་བ་དེ་ལྟ་དེ་ལྟར་རབ་ཏུ་བྱེད་དོ། །མ་བསྒྲུབས་པར་ཡང་ལས་རྣམས་བྱེད་དོ། །རིག་པ་བཟླས་ནས་གང་ལ་རེག་པ་དེ་དབང་དུ་འགྱུར་རོ། །གོས་ལ་མངོན་པར་བསྔགས་ནས་གྱོན་ན་སྐལ་བ་བཟང་པོར་འགྱུར་རོ། །སོ་ཤིང་ལ་མངོན་པར་བསྔགས་ཏེ་ཟོས་ན་སོ་ནད་སེལ་བར་
D724.093.0268b05.01འགྱུར་རོ། །ཀ་ར་བཱི་ར་དཀར་པོ་ལ་ལན་བདུན་མངོན་པར་བསྔགས་ནས་ཟོས་ན་དོན་དུ་མ་གཉེར་བར་ཡང་ཁ་ཟས་འབྱུང་བར་འགྱུར་རོ། །མིག་གི་ནད་ལ་རྒྱམ་ཚ་ཕྱེ་མར་བྱས་པ་ལ་ལན་བདུན་མངོན་པར་བསྔགས་ནས་མིག་བཀང་ན་མིག་ནད་སེལ་བར་བྱེད་དོ། །རྣ་བའི་ནད་
D724.093.0268b06.01ལ་གླང་པོ་ཆེའི་རྒྱབ་ནས་འཐོན་པ་འབྲུག་སྒྲོགས་པ་ན་འབྱུང་བའི་ཚི་དྷྲི་ཀ །ཀ་བུ་ཀའི་ལོ་མར་བཏུམས་ཏེ་མེ་ཆུང་ངུས་བཙོ་བར་བྱའོ། །ཚོས་ནས་ཕྱིར་བཙོས་པ་བྱས་ལ་ཆུ་དྲོ་འཇམ་ལ་རྒྱམ་ཚ་དང་སྦྱར་བ་བྱས་ནས་ལན་བདུན་མངོན་པར་བསྔགས་ཏེ་དེས་རྣ་བ་དག་པར་
D724.093.0268b07.01