完整藏文原文 · 德格版页 当前仅加载第 93 函德格 271b 版页；藏文 NFD、目录标记与异常页序保留在来源切片中，重复版页行以稳定序号区分。
བྱའོ། །གཞན་ཀླུ་རྣམས་མཐོང་བ་ན་ཉེ་བར་བཅིངས་པའི་དངོས་གྲུབ་ཀྱི་རྫས་རྣམས་རབ་ཏུ་ཆགས་པས་བླང་བར་མི་བྱའོ། །གང་ལས་སྦྱིན་སྲེག་གི་མཐར་ཀླུའི་བཞོན་པ་དང་ལྷན་ཅིག་འཕུར་བར་འགྱུར་རོ། །རིག་པ་འཛིན་པ་རྣམས་ཀྱི་རྒྱལ་པོར་འགྱུར་རོ། །ཀླུའི་དབང་པོ་རྒྱལ་
D724.093.0271b01.01པོ་ཐམས་ཅད་ཀྱང་རྗེས་སུ་འབྲང་ཞིང་བྲན་བཞིན་དུ་གནས་སོ། །བར་གྱི་བསྐལ་པ་སུམ་ཅུར་འཚོ་བར་འགྱུར་རོ། །རང་དབང་དུ་སྤྱོད་པར་འགྱུར་རོ། །འགྲོ་བ་ལ་ཐོགས་པ་མེད་དོ། །འཕགས་པ་སྤྱན་རས་གཟིགས་དབང་ཕྱུག་མངོན་སུམ་དུ་མཐོང་སྟེ། དེའི་སྤྱི་བོ་ལ་རེག་
D724.093.0271b02.01པར་མཛད་དོ། །རེག་པ་ཙམ་གྱིས་མངོན་པར་ཤེས་པ་ལྔར་འགྱུར་རོ། །ངེས་པར་སངས་རྒྱས་ཉིད་དུ་ལྷག་པར་འགྲོ་བར་བྱེད་དོ། །གཞན་ཡང་མཆོག་གི་སྒྲུབ་པའི་ཆོ་གའི་སྒྲུབ་ཐབས་སུ་འགྱུར་བ་ནི་སྔར་བཞིན་དུ་གང་གཱའི་ཀླུང་དུ་ཞུགས་ནས་བིལ་བའི་ཤིང་གི་རང་བཞིན་གྱི་
D724.093.0271b03.01ཤིང་གཅིག་ཉིད་ཀྱིས་གྲུའི་བཞོན་པ་བྱས་ནས་ཤིན་ཏུ་བརྟན་པ་ལེགས་པར་བྱས་པ་དེར་མངོན་པར་འཛེགས་ནས་བིལ་བའི་ཤིང་གི་རང་བཞིན་གྱི་སྐྱ་བ་དེས་གྲུ་དེའི་རྗེས་སུ་སྒྲུབ་པ་པོ་ཆེས་མཁས་ཤིང་གསལ་བ་ཉིད་ཀྱིས་གཡབ་པར་བྱ་སྟེ། གང་གཱའི་ཀླུང་ཆེན་པོ་ཡོངས་སུ་མི་དོར་བར་
D724.093.0271b04.01ཀུན་ནས་ཐད་ཀའམ་རྒྱུན་{རིངས་སུ་,རིང་དུ་}གཡབ་པར་བྱའོ། །དེ་ནས་རྩ་བའི་རིག་པ་བཟུང་ནས་སམ། སྙིང་པོའམ། ཉེ་བའི་སྙིང་པོའམ། ཡི་གེ་གཅིག་པའམ། ཁྲོ་བོའམ། ཕོ་ཉའམ། རིང་དུ་རྗེས་སུ་འབྲང་བའམ། གཞན་གང་ཡང་རུང་བའི་སྔགས་བཟུང་ནས་རས་རིས་
D724.093.0271b05.01ཀྱི་ཐུ་བོ་དེ་ཉིད་དུ། ཞལ་ནུབ་ཏུ་ཕྱོགས་པར་བཞག་ནས་བདག་ཉིད་དང་པོ་ཞལ་ཤར་དུ་ཕྱོགས་ལ། ཕྱིས་ནི་ཇི་ལྟར་འདོད་པར་བྱའོ། །འོ་མ་དང་། ནས་ཟན་དང་། འབྲས་བུ་བཟའ་བའམ། ཆུའམ། པདྨའི་རྩ་བ་དང་། འབྲས་བུ་བཟའ་ཞིང་། སྨྲ་བ་བཅད་དེ། དུས་
D724.093.0271b06.01གསུམ་དུ་ཁྲུས་བྱ་ཞིང་། གོས་ལན་གསུམ་བརྗེས་ཏེ། ཤིན་ཏུ་དཀར་བའི་ལས་ཀུན་དུ་སྤྱོད་ཅིང་ཤིན་ཏུ་དཀར་བའི་བློ་དང་ལྡན་པས་དང་པོ་རེ་ཞིག་རས་རིས་ཀྱི་སྤྱན་སྔར་ཇི་ལྟར་ཉེ་བར་བསྟན་པ་བཞིན་དུ་སྔར་ཆོ་ག་མཐོང་བས་རིག་པ་འབུམ་ཕྲག་བཅུ་བཟླས་པར་བྱའོ། །དེ་ནས་གལ་ཏེ་རྩ་
D724.093.0271b07.01